Í gær, þann 5. desember, samþykkti Alþingi frumvarp innviðaráðherra um sértækan húsnæðisstuðning vegna náttúruhamfara í Grindavíkurbæ. Stuðningnum er ætla að létta undir með íbúum Grindavíkur sem gert var að yfirgefa heimili sín skyndilega og hafa undanfarið þurft að leita sér að nýjum samastað. Húsnæðis og –mannvirkjastofnun er falið að vera framkvæmdaraðili stuðningsins. 

Sértækur húsnæðisstuðningur er mánaðarleg greiðsla til að lækka húsnæðiskostnað Grindvíkinga sem þurfa að leigja húsnæði til íbúðar utan Grindavíkurbæjar vegna jarðhræringa á Reykjanesskaga. Stuðningurinn er tímabundinn til þriggja mánaða og verður endurskoðaður fyrir lok febrúar 2024 með tilliti til þarfar á áframhaldandi stuðningi.  

Þrátt fyrir hraðan aðdraganda gerir HMS ráð fyrir að hægt verði að opna fyrir rafrænar umsóknir um stuðninginn fyrir næstkomandi helgi (9. - 10. desember). Íbúum Grindavíkur er bent á að fylgjast með á island.is/grindavik og á heimasíðu HMS. 

Uppfylla þarf ákveðin skilyrði til að eiga rétt á sértækum húsnæðisstuðningi:  

Mánaðarleg upphæð húsnæðisstuðningsins fer eftir fjölda heimilismanna og getur aldrei verið hærri en 75% af leigufjárhæð: