Þriðjudaginn 6. október nk. verða fyrirhugaðar breytingar á byggingarreglugerð er varða aðgengi og öryggi við notkun kynntar. Fundurinn verður haldinn í sal HMS að Borgartúni 21, kl. 14:00. En einnig verður hægt að fylgjast með honum á hms.is/streymi.

HMS boðar til kynningarfundar um breytingu á byggingarreglugerð er varðar hluta 4 um aðgengi og öryggi við notkun.

Á fundinum verða tillögur að breyttum hluta um aðgengi og öryggi við notkun kynntar og í framhaldinu verður boðið upp á opið samtal þar sem hagaðilum gefst tækifæri að koma ábendingum og athugasemdum á framfæri.

Fundurinn er liður í endurskoðun og einföldun byggingarreglugerðar. Markmið endurskoðunarinnar er að gera reglugerðina einfaldari og skýrari með aukinni áherslu á virknimiðaðar kröfur, samræmda uppbyggingu og meira svigrúm til fjölbreyttra lausna.

Hluti 4 um aðgengi og öryggi við notkun tekur efnislega til 6., 7. og 12. hluta gildandi reglugerðar.

Drög að 4. hluta byggingarreglugerðarinnar um aðgengi og öryggi við notkun ásamt greinargerð um breytingar verða birtar hér fyrir fundinn, þar sem einnig verður hægt að skila athugasemdum rafrænt.

Ef þú hefur áhuga á að fylgjast með framvindu verkefnisins geturðu skráð þig á póstlista HMS. Þeir sem skrá sig fá upplýsingar um:

birtingu nýrra draga að reglugerð og leiðbeiningum,

annað efni sem tengist endurskoðun byggingarreglugerðar.

Við hvetjum alla hagaðila til að skrá sig og fylgjast með verkefninu.

Skipulagsdagurinn er árleg ráðstefna HMS og Sambands íslenskra sveitarfélaga um skipulagsmál þar sem fjallað er um það sem er efst á baugi í málaflokknum hverju sinni. Sem fyrr verður dagskráin fjölbreytt með erindum framsögufólks úr ólíkum áttum, umræðum og spjalli þar sem tækifæri gefst til að skiptast á hugmyndum. Takið daginn frá!

Housing benefit takes the form of monthly payments intended to assist those who rent residential premises, whether this is within the socially-assisted housing system, in student residences or on the open rental market. The Housing and Construction Authority handles the implementation of the Housing Benefit Act, No. 75/2016, and takes decisions regarding entitlement to housing benefit.

Húsnæðis- og mannvirkjastofnun

Mælaborð

Vefþjónustur

Mánaðarskýrsla HMS

Útgefið efni

Grunngögn til niðurhals

Vefsjár fasteigna

Gögn og mæliborð

Eignin mín

Lán til einstaklinga

Starfsleyfi og löggildingar

Húsnæðisbætur og leigumál

Rafmagnsöryggi

Umsóknir og eyðublöð

Ísland.is

Housing benefits

Loan site

Öryggi mannvirkja

Um HMS

Upplýsingar

Fréttir og tilkynningar

Mælanleg gögn

Contact us

Hafðu samband

Breytt verklag við staðfestingu á nothæfi brunahólfandi innihurða tók gildi 1. október 2026 eftir framlengdan aðlögunartíma

Hægt er að sækja um tímabundna framlengingu fyrir tilteknar hurðargerðir sem þegar eru komnar í formlegt prófunarferli hjá faggiltri prófunarstofu

Aðilar sem fá framlengingu þurfa að upplýsa HMS reglulega um framgang prófana og sækja að þeim loknum um staðfestingu eða gagnkvæma viðurkenningu á grundvelli niðurstaðna

Samkvæmt frétt HMS sem birt var 31. ágúst 2026, lýkur aðlögunartíma vegna breytts verklags við staðfestingu á nothæfi brunahólfandi innihurða þann 1. október 2026.

HMS gaf út tilkynningu í mars 2024 um upphaf tveggja ára aðlögunartímabils vegna breytts verklags á staðfestingum á nothæfi brunahólfandi innihurða. Markmiðið með hinu nýja verklagi er að tryggja skilvirkari afgreiðslu og áreiðanlegri staðfestingar á nothæfi brunahólfandi innihurða, en þær gegna lykilhlutverki við að takmarka útbreiðslu elds í mannvirkjum.

Þrátt fyrir tveggja ára aðlögunartíma höfðu íslenskir framleiðendur ekki náð fullum undirbúningi fyrir gildistöku breytinganna. HMS framlengdi því aðlögunartímann um sex mánuði eða til 1. október 2026 til að styðja við aðlögunina og tryggja að markaðurinn uppfylli lögbundnar kröfur.

Framlengingar fyrir tilteknar hurðargerðir í formlegu prófunarferli

Hægt er að sækja um framlengingu til HMS fyrir tilteknar hurðargerðir sem þegar hafa hafið prófunarferli hjá faggiltri prófunarstofu. Sækja þarf sérstaklega um framlengingu til HMS með því að senda tölvupóst á netfangið: brunavarnasvid@hms.is þar sem tegundarheiti hurðargerðar kemur fram í heiti tölvupóstsins ásamt númeri viðkomandi staðfestingar sem óskað er eftir að framlengja.

Eftirfarandi upplýsingar þurfa að koma fram í umsókninni:

Hvaða hurðargerð eða hurðargerðir verða prófaðar

Hvaða prófunarstaðli prófað verður eftir

Framangreint skal staðfest af viðkomandi prófunarstofu

Afrit af staðfestingu sem óskað er eftir að framlengja

Þeir aðilar sem fá tímabundna framlengingu þurfa jafnframt að skila HMS reglubundnum upplýsingum um framgang prófana. Að lágmarki skal á fimm mánaða fresti liggja fyrir staðfesting um stöðu viðkomandi hurðargerða og framgang í prófunarferlinu. Þegar prófunardagsetning liggur fyrir skal hún tilkynnt HMS án tafar.

Að loknum prófunum skal sækja um staðfestingu/gagnkvæma viðurkenningu til HMS á grundvelli niðurstaða prófananna. Umsækjandi skal senda til HMS tilheyrandi gögn til yfirferðar.

Nýting gerðaprófunar sem annar framleiðandi sömu hurðargerðar á

Hyggist aðili nýta gerðaprófun sem annar framleiðandi sömu hurðargerðar á er HMS tilbúið að skoða framlengingu staðfestingar. Skilyrði er að formlegt samtal sé hafið við viðkomandi framleiðanda um slíkt fyrirkomulag og við tilkynntan aðila um vottun á framleiðslustýringu. Sótt er um framlengingu með tölvupósti á netfangið brunavarnasvid@hms.is.

Breytt verklag við staðfestingu brunahólfandi innihurða tekur gildi

Fjármögnun, framkvæmdarkostnaður og aðgengi að hentugum lóðum eru enn meðal helstu áskorana sem óhagnaðardrifin húsnæðisfélög standa frammi fyrir

Mikilvægt er að auka yfirsýn yfir húsnæðisþörf með samræmdum biðlistum

Óvissa ríkir um stefnu sveitarfélaga í húsnæðismálum að nýlega loknum sveitarstjórnarkosningum

Í vikunni hittust fulltrúar óhagnaðardrifinna húsnæðisfélaga, sem standa að uppbyggingu íbúða með viðráðanlegum húsnæðiskostnaði, ásamt HMS. Á fundinum var fjallað um stöðu verkefna félaganna og helstu áskoranir við áframhaldandi uppbyggingu. Vettvangurinn var stofnaður sem liður í framkvæmd rammasamnings ríkis og sveitarfélaga um aukið framboð húsnæðis.

Á fundinum var meðal annars rætt um að hátt vaxtastig, aukinn fjármögnunar- og framkvæmdakostnaður og takmarkað framboð byggingarhæfra lóða séu helstu áskoranir sem félögin standa frammi fyrir og hafa áhrif á möguleika þeirra til að ráðast í ný verkefni til frekari uppbyggingar. Þessar áskoranir eru þó ekki nýjar af nálinni og hafa komið til umræðu áður. Aðgengi að lóðum og fyrirsjáanleg fjármögnun til lengri tíma eru því meðal þeirra þátta sem félögin telja mikilvægust fyrir framhald uppbyggingarinnar.

Meðal helstu óvissuþátta sem fundarmenn voru almennt sammála um var breytt landslag sveitarfélaga og sú óvissa sem ríkir um framtíðarstefnu þeirra á þessu sviði í kjölfar sveitastjórnarkosninga á árinu.

Samræmdir biðlistar gætu gefið betri mynd af þörf

Nokkur félaganna eru með langa biðlista og vinna jafnframt að því að bæta yfirsýn yfir húsnæðisþörf síns markhóps. Rætt var um að biðlistar hafi áður verið í veldisvexti en að félögin sjái nú að hægt hafi á þeirri þróun. Biðlistar eru þó enn langir og uppbygging annar ekki eftirspurn hjá flestum félögunum. Á fundinum var fjallað um mikilvægi þess að samræma betur upplýsingar um biðlista hjá húsnæðisfélögum og sveitarfélögum til að fá skýrari mynd af raunverulegri eftirspurn.

Mikilvægur vettvangur til upplýsingamiðlunar

Að samráðsvettvangnum koma ásamt HMS; Bjarg íbúðafélag, Byggingafélag námsmanna, Félagsstofnun stúdenta, Félagsbústaðir, Búseti, Landssamtökin Þroskahjálp, Brynja leigufélag, Leigufélagið Bríet og Brák íbúðafélag.

Samráðsvettvangurinn er mikilvægur liður í reglubundnu samtali HMS og óhagnaðardrifinna leigufélaga. Vettvangurinn gefur félögunum kost á að miðla upplýsingum um stöðu verkefna, ræða sameiginlegar áskoranir og vekja athygli á þáttum sem hafa áhrif á uppbyggingu almenna íbúðakerfisins.

Uppbygging leiguíbúða með viðráðanlegan húsnæðiskostnað annar ekki eftirspurn

Leigjendur búa lengur í sama húsnæði og flytja sjaldnar á milli íbúða en áður

Aðfluttir leigjendur greiða að jafnaði hærra hlutfall af ráðstöfunartekjum heimilisins í leigu heldur en íslenskir leigjendur

Sjö af hverjum tíu leigjendum af erlendum uppruna leigja af einstaklingum

Vísbendingar eru um að aðstæður á leigumarkaði hafi batnað lítillega með tilliti til framboðs af leiguhúsnæði og verðþrýstings undanfarin ár. Leigjendur búa að jafnaði lengur í sama húsnæðinu nú en áður, sem stuðlar að húsnæðisöryggi. Stór hluti leigjenda býr þó við íþyngjandi húsnæðiskostnað, sem er algeng ástæða húsnæðisóöryggis. Leigjendur af erlendum uppruna upplifa minna húsnæðisöryggi en íslenskir leigjendur og leigja oftar herbergi, bílskúra, deilihúsnæði og atvinnuhúsnæði.

Þetta er á meðal þess sem fjallað er um í samantekt á niðurstöðum leigumarkaðskönnunar HMS fyrir árið 2026. Samantektina í heild sinni má nálgast með því að smella á hnappinn hér að neðan

Leigjendur búa að jafnaði lengur í sama húsnæðinu nú en áður

Leigjendur hafa að jafnaði búið í rúm fjögur ár í því húsnæði sem þeir búa í núna, en sá tími hefur lengst undanfarin ár. Til samanburðar höfðu leigjendur að jafnaði búið í tæplega tvö og hálft ár í þáverandi húsnæði árið 2020. Árið 2015 mældist meðaltíminn í þáverandi húsnæði tæplega þrjú ár.

Á sama tíma og meðaltími í núverandi húsnæði hefur lengst hefur meðaltíðni flutninga smám saman farið lækkandi undanfarin ár. Niðurstöður nýjustu könnunarinnar gefa til kynna að leigjendur hafi að meðaltali flutt rétt rúmlega þrisvar sinnum á síðastliðnum 10 árum, en árið 2018 höfðu leigjendur að meðaltali flutt tæplega fjórum sinnum á tíu ára tímabili þar á undan.

Eftir því sem leigjendur hafa búið lengur í núverandi húsnæði og flutt sjaldnar á síðastliðnum 10 árum upplifa þeir að jafnaði meira húsnæðisöryggi. Þeir leigjendur sem telja sig ekki búa við húsnæðisöryggi nefna tímabundna leigusamninga og mögulega sölu þess íbúðarhúsnæðis sem þeir hafa búsetu í meðal helstu ástæðna húsnæðisóöryggis.  

Tæplega helmingur leigjenda býr við íþyngjandi leigubyrði

Algengast er að leiga nemi á bilinu 30 til 39% af ráðstöfunartekjum heimila samkvæmt niðurstöðum leigumarkaðskönnunarinnar. Um 20% greiða á bilinu 20 til 29% af ráðstöfunartekjum heimilisins í leigu á meðan um 8% greiða minna en fimmtung tekna í leigu.

Húsnæðiskostnaður telst almennt íþyngjandi ef hann nemur meira en 40% af ráðstöfunartekjum heimilis. Samkvæmt niðurstöðum könnunarinnar býr um 45% leigjenda við íþyngjandi leigubyrði þegar einungis er tekið tillit til leigufjárhæðar en ekki annars húsnæðiskostnaðar. Þar af greiða um 13% leigjenda meira en 60% ráðstöfunartekna heimilisins í leigu.

Leigjendur greiddu að meðaltali um 43% af ráðstöfunartekjum sínum í leigu í maí samkvæmt könnuninni. Leigjendur af erlendum uppruna greiddu að jafnaði hærra hlutfall tekna sinna í leigu en leigjendur af íslenskum uppruna, eða 45% samanborið við 38%, sé einungis litið til leigjenda sem eru virkir þátttakendur á vinnumarkaði.

Aðfluttir leigjendur eru líklegri til að leigja herbergi, deiliíbúðir, bílskúra og atvinnuhúsnæði

Einstaklingar eru umfangsmestu leigusalarnir hér á landi, en rúmlega helmingur leigjenda segist leigja íbúð af einstaklingi. Sé eingöngu litið til leigjenda sem eru virkir á vinnumarkaði er hlutfallið um 60%. Leigjendur af erlendum uppruna eru talsvert líklegri en leigjendur af íslenskum uppruna til að leigja af einstaklingum, en um 70% aðfluttra leigjenda leigja af einstaklingum samanborið við um 50% meðal innfæddra leigjenda.

Niðurstöður könnunarinnar benda til þess að leigjendur af erlendum uppruna séu talsvert líklegri en leigjendur af íslenskum uppruna til að leigja herbergi, bílskúra, deilihúsnæði, aukaíbúðir í einbýlishúsum, atvinnuhúsnæði eða annars konar húsnæði. Líkt og sjá má á myndinni hér að neðan leigja aðfluttir leigjendur slíkt húsnæði í um 24% tilvika, samanborið við um 9% tilvika meðal innfæddra leigjenda, ef einungis er litið til leigjenda sem eru virkir á vinnumarkaði.

Leigjendur af erlendum uppruna upplifa minna húsnæðisöryggi

Brunahólfandi innihurðir eru lykilþáttur í öryggi fólks 

Ekki liggja fyrir gögn um öryggi hurða í um 80% tilvika  

HMS birtir upplýsingar um niðurstöður eftirlits 

Fyrstu niðurstöður markaðseftirlits HMS með brunahólfandi innihurðum vekja alvarlegar áhyggjur. Rekstraraðilar hafa ekki skilað gögnum vegna um 80% þeirra hurðagerða sem markaðssettar eru hér á landi. Án slíkra gagna er ekki hægt að staðfesta að hurðirnar uppfylli kröfur og veiti þá vernd sem þeim er ætlað að tryggja þegar eldur kemur upp.  

Átta af hverjum tíu hurðum gætu talist ólöglega markaðssettar 

Faggilt skoðunarstofa á vegum HMS hefur undanfarna mánuði unnið að umfangsmiklu markaðseftirliti með brunahólfandi innihurðum. Fyrstu niðurstöður eftirlitsins sýna að fyrir um 80% þeirra hurðagerða sem upplýst hefur verið um að séu seldar hér á landi vantar öll eða hluta þeirra gagna sem nauðsynleg eru til að sýna fram á að þær uppfylli lögbundnar kröfur og séu löglega markaðssettar. Rekstraraðilum ber skylda til að tryggja að slík gögn liggi fyrir og séu aðgengileg áður en vara er sett á markað. Verði umbeðin gögn ekki lögð fram við framkvæmd markaðseftirlitsins teljast þær ólöglega markaðssettar og HMS mun þá beita viðeigandi úrræðum til að tryggja úrbætur. Í alvarlegustu tilfellum getur HMS sett á sölubann eða krafist innköllunar. 

Brunahólfandi innihurðir – mikilvægur þáttur í brunavörnum  

Óviðunandi gagnaskil framleiðenda og söluaðila eru verulegt áhyggjuefni, enda gegna brunahólfandi innihurðir veigamiklu hlutverki í brunavörnum mannvirkja. Þær eru frábrugðnar hefðbundnum innihurðum að því leyti að þær eiga að takmarka útbreiðslu elds og reyks og vernda þar með líf og öryggi fólks og eigna þegar eldur kemur upp. Þessu þarf almenningur að geta treyst. Helsta markmið markaðseftirlits snýst um að sannreyna hvort þær hurðagerðir sem eru seldar hérlendis geti gegnt hlutverki sínu með fullnægjandi hætti. Við framkvæmd markaðseftirlits er það því algjör grundvallarforsenda að rekstraraðilar upplýsi HMS um þær gerðir brunahólfandi innihurða sem þeir hafa framleitt og selt hér á landi og leggi fram þau gögn sem stofnunin óskar eftir.  

HMS mun birta niðurstöður markaðseftirlits 

HMS mun birta niðurstöður eftirlitsins eftir að rekstraraðilar hafa fengið hæfilegan frest til úrbóta. Þar munu koma fram upplýsingar um þær vörur sem ekki hafa reynst uppfylla kröfur og hvaða rekstraraðilar hafa ekki sinnt fyrirmælum um úrbætur. HMS hvetur þá rekstraraðila sem ekki hafa nú þegar skilað nauðsynlegum gögnum að gera það án tafar í tölvupósti á netfangið markadseftirlit@hms.is.

Dauðans alvara ef brunahólfandi innihurðir virka ekki 

Meðaltími á leigumarkaði hefur lengst undanfarin ár og fleiri leigja af nauðsyn

Vísbendingar eru þó um aukið framboð af leiguhúsnæði samhliða minni verðþrýstingi ef miðað er við síðasta ár

Leigjendur af erlendum uppruna leigja oftar herbergi, deiliíbúðir, bílskúra og atvinnuhúsnæði  heldur en leigjendur af íslenskum uppruna

Vísbendingar eru um að fleiri sitji fastir á leigumarkaði þar sem meðaltími á leigumarkaði hefur lengst og hlutfall þeirra sem leigja af nauðsyn hefur hækkað. Framboð leiguhúsnæðis hefur þó aukist á sama tíma og hægt hefur á verðhækkunum á markaðnum undanfarin ár. Merki eru um að leigjendur af erlendum uppruna búi við lakari húsnæðisaðstæður en leigjendur af íslenskum uppruna.

Þetta er á meðal þess sem lesa má úr niðurstöðum nýrrar leigumarkaðskönnunar sem Prósent framkvæmdi fyrir hönd HMS nú undir lok sumars. Ítarlegri umfjöllun og greiningar á niðurstöðum verða birtar í næstu viku.

Færri sjá fram á að komast af leigumarkaði

Meðaltími leigjenda á leigumarkaði hefur lengst jafnt og þétt á undanförnum árum. Hann mælist nú 12 ár en var um 7 ár árið 2020. Á sama tíma hefur hlutfall þeirra sem leigja af nauðsyn hækkað úr 64% upp í 77% á meðan þeim sem vilja vera á leigumarkaði hefur fækkað úr tæplega 30% niður í um 12%. Þessi þróun gefur vísbendingar um að hópur þeirra sem situr fastur á leigumarkaði hafi stækkað undanfarin ár.

Niðurstöður könnunarinnar bera jafnframt merki þess að aukinnar svartsýni gæti meðal leigjenda. Fleiri leigjendur eru nú að safna fyrir útborgun en færri sjá þó fram á að komast af leigumarkaði.

Líkt og sjá má á myndinni hér að ofan telur rúmlega helmingur leigjenda ólíklegt að komast nokkurn tímann af leigumarkaði, eða 53%. Það er talsverð fjölgun frá því í fyrri könnun þegar rétt rúmlega 40% töldu ólíklegt að komast af leigumarkaði yfir höfuð. Á sama tíma hefur fækkað í hópi þeirra sem telja sig munu fara af leigumarkaði á næstu fimm árum.

Framboð af leiguhúsnæði hefur aukist og verðþrýstingur minnkað

Leigjendur telja framboð af hentugu íbúðarhúsnæði til leigu vera lítið hér á landi, en samkvæmt niðurstöðum könnunarinnar hefur það þó aukist lítillega á undanförnum árum. Helmingur svarenda telur að framboð af íbúðum til leigu muni standa í stað á næstu 12 mánuðum en tæplega fjórðungur telur að það muni aukast aðeins.

Á sama tíma og framboð hefur aukist hefur verðþrýstingur á leigumarkaði minnkað líkt og þróun vísitölu leiguverðs á höfuðborgarsvæðinu ber með sér. Leiguverð hefur að mestu staðið í stað að raunvirði síðustu mánuði en árshækkun leiguverðs hefur að jafnaði verið um 5,2% það sem af er ári, samanborið við um 8% árið 2025 og 12% árið 2024. Leigjendur vænta þess flestir að leiguverð haldi áfram að hækka á næstu 12 mánuðum, þó fleiri telji það munu standa í stað heldur en í síðustu könnun.

Aðfluttir leigjendur búa við lakari húsnæðisaðstæður

Niðurstöður leigumarkaðskönnunarinnar benda til þess að leigjendur af erlendum uppruna séu líklegri en leigjendur af íslenskum uppruna til þess að leigja herbergi, bílskúra, deilihúsnæði (með sameiginlegu eldhúsi eða alrými), aukaíbúðir í einbýlishúsum, atvinnuhúsnæði eða annars konar húsnæði.

HMS fjallaði ítarlega um húsnæðisaðstæður aðfluttra í skýrslu sem kom út í september 2025 og byggði á spurningakönnun sem lögð var fyrir félagsmenn stéttarfélaganna Eflingar, VR og Einingar-Iðju. Í þeirri skýrslu kom meðal annars fram að næstum þrír af hverjum fjórum aðfluttum séu á leigumarkaði.

Nánar verður fjallað um stöðu íslenskra og erlendra leigjenda í ítarlegri umfjöllun um niðurstöður leigumarkaðskönnunarinnar sem birt verður í næstu viku.

Vísbendingar um að fleiri sitji fastir á leigumarkaði

Þegar útihitastig lækkar aukast líkur á rakaþéttingu vegna aukins hitamunar milli inni- og útilofts

Hitastig, rakastig, loftskipti og einangrun hafa áhrif á rakaöryggi bygginga og geta ráðið því hvort raki þéttist á köldum yfirborðum

Góð loftun og loftþéttir byggingarhlutar draga úr hættu á rakaþéttingu og þeim skemmdum sem hún getur valdið

Þegar hausta tekur og útihitastig lækkar aukast líkur á rakaþéttingu þar sem hitamunur milli inni- og útilofts eykst.

RB-blöð mánaðarins fjalla að þessu sinni um rakaþéttingu á köldum yfirborðum og þær aðstæður sem geta valdið því að raki þéttist á eða í byggingarhlutum. Í leiðbeiningunum er meðal annars farið yfir samspil hitastigs, rakastigs og yfirborðshita og hvernig loftskipti, einangrun og hönnun byggingarhluta hafa áhrif á rakaöryggi mannvirkja.

Samband raka og lofthita er með þeim hætti að loft við hærra hitastig getur borið meira rakamagn. Sem dæmi má nefna að við 20°C lofthita getur hámarksrakamagn lofts (100% hlutfallsraki / mettunarraki) verið um 17,3 g/m³, en við 10°C er það um 9,4 g/m³.Þetta veldur því að þegar hitastig loftsins lækkar úr 20°C í 10°C getur orðið döggun. Loft við 10°C getur ekki haldið sama rakamagni og loft við 20°C og því fellur umfram rakinn út, (7,9 g/m³) . Þetta getur gerst á yfirborði efna og í byggingarhlutum. 

Við sjáum stundum slíka rakaútfellingu innan á glerjum í gluggum á útvegg eða á spegli í baðherbergi eftir heita sturtu. Þetta getur gefið vísbendingar um gler sem hefur tapað einangrunarhæfni sinni eða ónóg loftun í rýminu.
Góð loftun og loftþéttir byggingarhlutar eru lykilatriði til að draga úr hættu á rakaþéttingu og þeim skemmdum sem hún getur valdið.

Fjölmargar útgefnar leiðbeiningar fjalla um raka og tengdar áskoranir.  Nokkur eldri Rb-blöð tengjast þessu viðfangsefni vel. Annars vegar er fjallað um yfirborðshitastig byggingarhluta og rakaþéttingu, þar sem útskýrt er hvers vegna kaldir fletir geta orðið rakasöfnunarpunktar. Hins vegar er fjallað um rakaþéttingu á gluggum, móðu, hélu, hrími og ís, sem eru algeng viðfangsefni á íslenskum heimilum yfir vetrarmánuðina.

Þrátt fyrir að þessar  Rb-tæknilegar leiðbeiningar hafi verið gefin út fyrir nokkrum árum eiga margar af meginforsendum byggingareðlisfræðinnar enn við í dag. Þau veita gagnlegar upplýsingar fyrir húsbyggjendur, hönnuði, fagfólk í mannvirkjagerð og húsnæðiseigendur sem vilja draga úr rakavandamálum og stuðla að betri innivist.

Rb. (14).006 Varnir gegn rakaskemmdum (2020)

I4.003 Rakþétting á köldum yfirborðum (2011)

I6.001 Yfirborðshitastig byggingarhluta – rakaþétting (1984)

31.107 Rakþétting á gluggum, móða, héla, hrím og ís (2008)

RB-blöð mánaðarins: Rakaþétting á köldum yfirborðum

Skráning er hafin á Nordic Climate Forum for Construction 2026, sem fer fram á netinu 30. september

Áhersla verður á stafræna þróun LCA og aðlögun mannvirkja að loftslagsbreytingum

HMS skipuleggur ráðstefnuna í ár, þar sem sérfræðingar og mannvirkjayfirvöld frá Norðurlöndum koma saman

Síðan 2018 hefur viðburðurinn verið haldinn af Nordic Sustainable Construction (NSC) í samstarfi við norræn mannvirkjayfirvöld og hefur hann verið mikilvægur vettvangur fyrir samtal um sjálfbæra þróun mannvirkjageirans á Norðurlöndum.

Í ár sér HMS um skipulagningu, og sérstök áhersla verður lögð á tvö málefni sem eru í brennidepli bæði á Norðurlöndum og innan Evrópusambandsins: stafræna þróun lífsferilsgreininga (LCA) og aðlögun mannvirkja að loftslagsbreytingum.

Styður við framkvæmd Vegvísis að vistvænni mannvirkjagerð

Viðfangsefni ráðstefnunnar tengjast beint nokkrum lykilaðgerðum í Vegvísi að vistvænni mannvirkjagerð 2030.

Eitt af meginþemunum er þróun og samnýting stafrænna lausna sem styðja við sjálfbærari mannvirkjagerð. Þar verður meðal annars fjallað um byggingarvörureglugerðina (CPR), stafrænt vöruvegabréf (DPP) og stafræna mannvirkjaskrá, auk þess hvernig nýta má stafrænar lausnir til að bæta umhverfisgögn og lífsferilsgreiningar. Þetta tengist aðgerð 5.1.15 Nýting stafrænna lausna til að auka sjálfbærni í byggingariðnaði. Aðgerðin snýst meðal annars um að nýta BIM, hugbúnað fyrir lífsferilsgreiningar og önnur stafræn verkfæri til að einfalda ferla og auka nákvæmni gagna. Jafnframt er lögð áhersla á samhæfingu milli Norðurlandanna í gagnasöfnun og notkun stafrænnar tækni.

Á dagskránni verður einnig fjallað um aðlögun mannvirkja að loftslagsbreytingum, þar á meðal kortlagningu og vöktun loftslagsáhættu. Umfjöllunin styður við aðgerðir 5.3.9 Hönnun fyrir aðlögun að loftslagsbreytingum og 5.3.7 Líffræðilegur fjölbreytileiki í hinu byggða umhverfi. Aðgerð 5.3.9 miðar að gerð leiðbeininga um aðlögun mannvirkja að loftslagsbreytingum, með áherslu á náttúruvá, kortlagningu helstu áhættuþátta og náttúrumiðaðar lausnir. Aðgerð 5.3.7 styður þessa nálgun með því að stuðla að mælanlegri aukningu líffræðilegrar fjölbreytni í byggðu umhverfi, enda verður samhengi loftslagsaðlögunar og vistkerfa sífellt mikilvægara við skipulag og hönnun mannvirkja framtíðarinnar.

Yfirvöld og sérfræðingar frá Norðurlöndum

Meðal fyrirlesara eru fulltrúar mannvirkjayfirvalda frá Íslandi, Danmörku, Finnlandi, Noregi, Svíþjóð og Eistlandi, auk leiðandi sérfræðinga úr norrænu atvinnulífi og fræðasamfélagi. Pieter Staelens, yfirmaður sjálfbærrar mannvirkjagerðar hjá DG GROW – framkvæmdastjórn Evrópusambandsins, flytur lykilfyrirlestur um nýju byggingarvörureglugerðina og stafræna þróun upplýsingakerfa byggingargeirans.

Opið öllum sem hafa áhuga á sjálfbærri mannvirkjagerð

Viðburðurinn er ætlaður stjórnvöldum, sveitarfélögum, hönnuðum, verktökum, fræðasamfélaginu, hugbúnaðarþróunaraðilum og öðrum sem koma að sjálfbærri þróun hins byggða umhverfis.

Norræn ráðstefna um loftslagsvæna mannvirkjagerð

Shortcuts

Events

An equity loan is a new solution for low-income persons and individuals with limited assets.

This type of loan is intended to aid first time buyers who are below a certain income possibility curve in order to enable them to bridge the equity gap when buying real estate property.

Equity loan

Housing benefit takes the form of monthly payments intended to assist those who rent residential premises, whether this is within the socially-assisted housing system, in student residences or on the open rental market.

Housing, construction and planning authority

Landið allt

Housing, construction and planning authority

Events

Hluti 4 Aðgengi og öryggi við notkun

Skipulagsdagurinn 2026