Fimmtudaginn 10. september nk. verðar fyrirhugaðar breytingar á byggingarreglugerð er varða burðarþol og stöðugleika kynntar. Fundurinn verður haldinn í sal HMS að Borgartúni 21, kl. 14:00. En einnig verður hægt að fylgjast með honum á hms.is/streymi

HMS boðar til kynningarfundar um breytingu á byggingarreglugerð er varðar hluta 6 um burðarþol og stöðugleika. 

Á fundinum verða tillögur að breyttum hluta um burðarþol og stöðugleika kynntar og í framhaldinu verður boðið upp á opið samtal þar sem hagaðilum gefst tækifæri að koma ábendingum og athugasemdum á framfæri.

Fundurinn er liður í endurskoðun og einföldun byggingarreglugerðar. Markmið endurskoðunarinnar er að gera reglugerðina einfaldari og skýrari með aukinni áherslu á virknimiðaðar kröfur, samræmda uppbyggingu og meira svigrúm til fjölbreyttra lausna.

Hluti 6 um burðarþol og stöðugleika tekur efnislega til 8. hluta gildandi reglugerðar að byggingavörum undanskildum.

Drög að 6. hluta byggingarreglugerðarinnar um burðarþol og stöðugleika ásamt greinargerð um breytingar verða birtar hér fyrir fundinn, einnig verður hægt að skila athugasemdum rafrænt.

Ef þú hefur áhuga á að fylgjast með framvindu verkefnisins geturðu skráð þig á póstlista HMS. Þeir sem skrá sig fá upplýsingar um:

birtingu nýrra draga að reglugerð og leiðbeiningum,

annað efni sem tengist endurskoðun byggingarreglugerðar.

Við hvetjum alla hagaðila til að skrá sig og fylgjast með verkefninu.

Hluti 6 Burðarþol og stöðugleiki: Kynningarfundur vegna breytinga á byggingarreglugerð

HMS boðar til opins fundar þriðjudaginn 15. september kl. 11:15 í Borgartúni 21 þar sem kynntur verður nýr Vegvísir að markvissum húsnæðisstuðningi til leigjenda.

Vegvísir HMS byggir á greiningum á núverandi stuðningskerfum hins opinbera til leigjenda og leggur fram tillögur að einfaldari, skilvirkari og markvissari húsnæðisstuðningi.

Fundurinn er ætlaður öllum þeim sem koma að húsnæðismálum, hvort sem er hjá ríki, sveitarfélögum, hagsmunaaðilum og öðrum sem hafa áhuga á framtíð húsnæðisstuðnings á Íslandi.

Fundurinn verður einnig í streymi. Hlekkur verður birtur síðar hér.

Fundarstjóri: Jónas Atli Gunnarsson, yfirhagfræðingur HMS

Staðan í dag og lagaumgjörðin
Aldís Hlín Skúladóttir, sérfræðingur á leigumarkaðssviði HMS

Greiningar og helstu niðurstöður
Kristín Amalía Líndal, hagfræðingur á húsnæðissviði HMS

Tillögur vegvísisins og næstu skref
Regína Valdimarsdóttir, framkvæmdastjóri leigumarkaðssviðs HMS

Sjónarhorn leigjenda
Yngvi Ómar Sigrúnarson, Leigjendasamtökunum

Aðgerðir stjórnvalda í leigumálum
Ragnar Þór Ingólfsson, félags- og húsnæðismálaráðherra

Kynning á Vegvísi að markvissum húsnæðisstuðningi til leigjenda

Housing benefit takes the form of monthly payments intended to assist those who rent residential premises, whether this is within the socially-assisted housing system, in student residences or on the open rental market. The Housing and Construction Authority handles the implementation of the Housing Benefit Act, No. 75/2016, and takes decisions regarding entitlement to housing benefit.

Húsnæðis- og mannvirkjastofnun

Mælaborð

Vefþjónustur

Mánaðarskýrsla HMS

Útgefið efni

Grunngögn til niðurhals

Vefsjár fasteigna

Gögn og mæliborð

Eignin mín

Lán til einstaklinga

Starfsleyfi og löggildingar

Húsnæðisbætur og leigumál

Rafmagnsöryggi

Umsóknir og eyðublöð

Ísland.is

Housing benefits

Loan site

Öryggi mannvirkja

Um HMS

Upplýsingar

Fréttir og tilkynningar

Mælanleg gögn

Contact us

Hafðu samband

Um 80% íbúða seldust undir auglýstu verði í júlí

Miðgildi afsláttar var 3,1% eða um 2,4 milljónir króna

Aðeins 6% íbúða seldust yfir auglýstu verði í júlí

Kaupendur hafa meira svigrúm til að semja um verð en fyrir tveimur árum. Mikill meirihluti íbúða selst undir auglýstu verði og afslátturinn hefur aukist. Munurinn á kaupverði og auglýstu verði er jafnframt meiri þegar eign selst undir auglýstu verði en þegar hún selst yfir því.

Þetta er á meðal þess sem fjallað verður um í mánaðarskýrslu HMS fyrir septembermánuð sem kemur út þann 17. september.

Sífellt fleiri íbúðir seljast undir auglýstu verði

HMS hefur á undanförnum misserum fjallað reglulega um þróun á mun kaupverðs og auglýsts söluverðs en hlutfall íbúða sem seljast undir auglýstu verði hefur farið vaxandi á síðustu tveimur árum. Á sama tíma hefur dregið úr hlutfalli þeirra eigna sem seljast yfir auglýstu verði eða á því verði sem óskað var eftir.

Í september 2024 seldust tæplega 60% íbúða undir auglýstu verði en hlutfallið var komið í um 80% í júlí síðastliðnum. Á sama tímabili lækkaði hlutfall íbúða sem seldust yfir auglýstu verði úr um 20% í 6%. Hlutfall þeirra sem seldust á auglýstu verði lækkaði jafnframt úr rúmlega 20% í um 15%.

Miðgildi afsláttar meðal íbúða sem seldust undir auglýstu verði var lengst af 2,3–2,7%, en hækkaði í 3,1% í júní og júlí 2026. Í júlí nam miðgildi afsláttarins um 2,4 milljónum króna, sem var hæsta gildi tímabilsins.

Miðgildi álags á íbúðir sem seldust yfir auglýstu verði var hins vegar um 1,3%, eða um ein milljón króna, í júlí. Þegar kaupverð víkur frá auglýstu verði er frávikið því almennt meira til lækkunar en hækkunar.

Niðurstöðurnar byggja á kaupsamningum þar sem upplýsingar liggja fyrir um kaupverð og síðasta skráða auglýsta verð eignar. Miðgildi er notað til að draga úr áhrifum viðskipta með óvenjulega mikinn verðmun.

Hagdeild HMS hefur útbúið nýjan póstlista fyrir alla sem vilja fylgjast með húsnæðismálum. Áskrifendur póstlistans munu fá helstu greiningar sendar til sín úr mánaðarskýrslum HMS, ásamt tilfallandi greiningum um fasteigna-, leigu-, lána- og byggingarmarkaðinn og auglýsingum um komandi viðburði.

Hægt er að skrá sig á póstlistann með því að smella á hnappinn hér fyrir neðan.

Fjórar af hverjum fimm íbúðum seljast undir auglýstu verði

HMS annast markaðseftirlit með rafföngum á Íslandi, en BSI á Íslandi ehf. framkvæmir skoðanir á rafföngum í umboði HMS

Frá maí til ágúst voru 104 heimsóknir farnar til söluaðila og 3.160 rafföng skimuð, meðal annars með yfirferð merkinga og CE-merkinga

Flest skimuð rafföng voru lýsingarbúnaður, raflagnabúnaður og heimilistæki, alls 2.326 vörur af þeim 3.160 sem voru skimaðar

HMS annast markaðseftirlit með rafföngum á Íslandi. Stofnunin fylgist með rafföngum á markaði og tekur við ábendingum frá notendum og öðrum aðilum. Faggilt skoðunarstofa, BSI á Íslandi ehf, annast í umboði HMS, framkvæmd skoðana á rafföngum á markaði í samræmi við gildandi samning hverju sinni, verklagsreglur og skoðunarhandbók stofnunarinnar.

Á tímabilinu maí til ágúst á þessu ári var farið í 104 heimsóknir til söluaðila raffanga, í þessum heimsóknum voru 3.160 rafföng „skimuð.“ Með skimun er átt við lauslega skoðun á sem flestum rafföngum á viðkomandi sölustað með það að markmiði að sigta út rafföng sem ekki uppfylla kröfur, m.a. með því að yfirfara merkingar, þ.m.t. CE-merkingar.

Af skimuðum rafföngum flokkuðust flest sem lýsingarbúnaður (806), raflagnabúnaður (794) og heimilistæki (726).

104 heimsóknir til söluaðila raffanga frá maí til ágúst 2026

Kjarni kærumálsins varðar hvort synja hefði átt endurnýjun rekstrarleyfis sökum nálægðar við mikilvægan fjarskiptastreng

Í nýlegum úrskurði úrskurðarnefndar umhverfis- og auðlindamála (hér eftir nefnd ÚUA) var tekin fyrir kæra á ákvörðun Matvælastofnunar um að endurnýja rekstrarleyfi fyrir sjókvíaeldi á laxi í Arnarfirði. Kærandinn Míla er eigandi og rekstraraðili sæstrengs í Arnarfirði

Strandsvæðisskipulag Vestfjarða öðlaðist gildi í mars 2023. Eitt eldissvæða Arnarlax í Arnarfirði, við Tjaldaneseyrar, er að mestu leyti innan reits í nýtingarflokknum Lagnir og vegir (LV) í strandsvæðisskipulaginu

Skoða þurfi áhættuna betur að áliti HMS

Í áliti HMS frá 5. maí sl. um samræmi tillögu vegna endurnýjun rekstrarleyfis við strandsvæðisskipulag Vestfjarða kemur fram að fjarskiptastrengir séu ráðandi landnýting innan LV reita, þar á meðal á reit LV6. Af því leiði að önnur nýting á reitnum, þar á meðal sjókvíaeldi, þurfi að geta farið fram án þess að skerða öryggi eða virkni þeirra innviða sem nýtingarflokkurinn tekur til. Í áliti sínu gerir HMS ekki skipulagslega athugasemd við staðsetningu fiskeldis á LV6, í ljósi túlkunar innviðaráðuneytisins á fjarskiptalögum og þess að 7 fulltrúar svæðisráðs telja að gert sé ráð fyrir sjókvíaeldi á reit LV6. Í niðurlagi álits HMS segir stofnunin eftirfarandi: Í samræmi við áherslur innviðaráðuneytis og almenn ákvæði strandsvæðisskipulags um að öryggi fjarskipta sé í fyrirrúmi á reitnum, er þó áréttuð þörf á áhættumati og ábyrgð framkvæmdaraðila á að leggja fram gögn um að starfsemin hafi ekki áhrif á ásættanlegt öryggi strengsins.  

ÚUA telur að tilefni hafi verið til nánari rannsóknar

ÚUA telur að það hefði verið eðlilegt að Matvælastofnun tæki tillit til sjónarmiða Mílu sem lutu að áhættu fyrir fjarskiptastrenginn vegna fiskeldisins. Kröfur um sönnun þess að fiskeldið raski ekki öryggi strengsins hvíli á framkvæmdaraðilanum. Að áliti ÚUA orkar afstaða Matvælastofnunar um að engin áhætta skapist af nálægð fiskeldisins við fjarskiptastrenginn tvímælis og er ekki nægilega ígrunduð með tilliti til stefnumörkunar strandsvæðisskipulagsins um öryggi fjarskipta.

Með vísan til sjónarmiða um meðalhóf ákvað ÚUA að ógilda ekki ákvörðun Matvælastofnunar um endurnýjað rekstrarleyfi. Fram kemur í úrskurðarorðum ÚUA að Matvælastofnun eigi að taka til efnislegrar meðferðar að nýju hvort strandsvæðisskipulag Vestfjarða girði fyrir endurnýjun á rekstrarleyfinu.

Sjá úrskurð úrskurðarnefndar umhverfis- og auðlindamála í heild sinni

Sjá Strandsvæðisskipulag Vestfjarða í vefsjá

Strandsvæðisskipulag Vestfjarða í brennidepli úrskurðar

Samþykktar umsóknir árið 2026 nema samtals um 3,5 milljörðum króna

Uppsöfnuð eftirspurn var unnin upp í júlí

HMS hefur lokið úthlutun hlutdeildarlána vegna ágústmánaðar. Á fyrstu átta mánuðum ársins hafa alls 240 umsóknir um hlutdeildarlán verið samþykktar og nemur samanlögð fjárhæð þeirra um 3,5 milljörðum króna.

Eftirspurn var ítrekað umfram það fjármagn sem var til úthlutunar á fyrri hluta ársins og frá mars til  júní var því fjóra mánuði í röð valið af handahófi úr hópi umsókna sem uppfylltu öll skilyrði til úthlutunar.

Uppsöfnuð eftirspurn unnin upp í júlí

Í kjölfar mikillar ásóknar á vormánuðum söfnuðust upp umsóknir sem uppfylltu skilyrði hlutdeildarlána en fengu ekki úthlutun. Í júlí dugði fjármagnið hins vegar fyrir öllum umsóknum sem uppfylltu skilyrði og tókst þá að afgreiða uppsafnaða eftirspurn eftir lánunum.

Í töflu hér að neðan má sjá fjölda og fjárhæð samþykktra umsókna námunduð að næstu milljón fyrir árið 2026

Hlutdeildarlán ágúst

Alls voru 32 umsóknir til yfirferðar vegna úthlutunar í ágúst. Eftir yfirferð voru 15 umsóknir samþykktar og nam samanlögð fjárhæð þeirra 225,7 milljónum króna.

Samþykktar umsóknir dreifðust á sjö sveitarfélög. Af 15 samþykktum umsóknum voru níu vegna kaupa á höfuðborgarsvæðinu.

Fjölda og fjárhæð samþykktra umsókna í ágúst, námunduð að næstu milljón, má sjá í töflu hér að neðan.

Hlutdeildarlán ágúst 2

Hlutdeildarlán eru veitt til kaupa á nýjum íbúðum og eru ætluð fyrstu kaupendum, og þeim sem ekki hafa átt fasteign síðustu fimm ár og eru undir tilteknum tekjumörkum. Markmið lánanna er að aðstoða kaupendur við að komast inn á húsnæðismarkaðinn með því að brúa bilið við fasteignakaup.

Úthlutað er í hverjum mánuði og er nú opið fyrir umsóknir til 14. september. Til úthlutunar að þessu sinni eru að lágmarki 630 milljónir króna.

Nánari upplýsingar um hlutdeildarlán og umsóknarferlið má finna á Ísland.is.

240 umsóknir um hlutdeildarlán samþykktar það sem af er ári

Að heimsfaraldrinum undanskildum hefur hlutdeild fyrstu kaupenda ekki verið hærri í 19 ár

Fyrstu kaupendur eru þó færri í ár en þeir hafa verið á síðustu árum

Að meðaltali hefur þriðjungur allra kaupsamninga verið um fyrstu kaup

Fyrstu kaupendur komu að rúmlega 36% allra kaupsamninga sem þinglýst var á fyrri helmingi þessa árs. Hlutfall fyrstu kaupa á fasteignamarkaði er með því hæsta sem mælst hefur frá árinu 2007, þótt fjöldi fyrstu kaupenda sé undir meðaltali síðustu ára.

Þetta er á meðal þess sem fjallað verður um í mánaðarskýrslu HMS fyrir septembermánuð, en skýrslan kemur út fimmtudaginn 17. september.

Þriðjungur allra kaupsamninga hafa verið um fyrstu kaup

Í mælaborði um fyrstu kaupendur á heimasíðu HMS má nálgast mánaðartölur um fjölda kaupsamninga eftir tegund kaupenda frá ársbyrjun 2007. Samkvæmt mælaborðinu hafa fyrstu kaupendur að jafnaði staðið að baki 32% allra kaupsamninga á tímabilinu.

Á mynd hér að neðan má sjá fjölda og hlutfall fyrstu kaupa eftir árshelmingum. Líkt og myndin sýnir hefur hlutdeild fyrstu kaupa verið nokkuð stöðug á tímabilinu, en hún var þó sérstaklega lítil eftir fjármálahrunið árið 2009 og í kringum uppkaup Þórkötlu á fasteignum í Grindavík árið 2024.

Á fyrri helmingi þessa árs hefur hlutfall fyrstu kaupa náð 36%, sem er með því hæsta sem mælst hefur síðustu 19 árin. Ef litið er til síðustu sex mánaða er hlutfallið 37%. Hlutfallið hefur aðeins verið sambærilegt á tímum heimsfaraldursins árin 2020 og 2021, en þá komu fyrstu kaupendur að 37% allra kaupsamninga.

Færri fyrstu kaupendur en á síðustu árum

Þrátt fyrir hátt hlutfall fyrstu kaupa er fjöldi kaupsamninga fyrstu kaupenda undir meðaltali síðustu tíu ára. Á fyrri helmingi þessa árs komu fyrstu kaupendur að 1.762 kaupsamningum, en að meðaltali voru um 1.900 kaupsamningar hjá fyrstu kaupendum í hverjum árshelmingi á tímabilinu 2016-2025.

Þegar vextir voru í lágmarki á árunum 2020 og 2021 voru kaupsamningar fyrstu kaupenda um 2.870 á hverjum árshelmingi, rúmlega helmingi fleiri en þeir voru á fyrri hluta þessa árs. Þó hafa fleiri íbúðir verið keyptar af fyrstu kaupendum á nýliðnum árshelmingi heldur en á nokkrum árshelmingi á tímabilinu 2008-2019.

Líkt og HMS fjallaði um í mánaðarskýrslu sinni fyrir ágústmánuð njóta langflestir fyrstu kaupendur aðstoðar frá foreldrum eða nánum ættingjum þegar kemur að kaupum á fyrstu fasteign, samkvæmt fasteignasölum. Hlutdeildarlán frá HMS hafa einnig skipt máli, en rúmlega fimmtungur fasteignasala segjast hafa komið að fasteignakaupum fyrstu kaupenda sem fjármögnuð voru með hlutdeildarláni á síðasta ári.

Hlutdeild fyrstu kaupenda hefur aukist á síðustu árum

HMS greiddi alls 924 milljónir króna í húsnæðisstuðning til leigjenda vegna leigu í ágúst

Yfir 17 þúsund heimili á leigumarkaði fengu húsnæðisbætur í mánuðinum

Rúmlega 1.200 heimili í Skagafirði og Kópavogi fengu sérstakan húsnæðisstuðning

Þann 1. september síðastliðinn greiddi HMS um 924 milljónir króna í húsnæðisstuðning til leigjenda vegna leigu í ágúst. Greiðslurnar styðja við þúsundir heimila um land allt og miða að því að draga úr húsnæðiskostnaði tekju- og efnaminni leigjenda og auka húsnæðisöryggi þeirra.

Húsnæðisstuðningurinn skiptist í tvo meginflokka, annars vegar almennar húsnæðisbætur og hins vegar sérstakan húsnæðisstuðning sveitarfélaga.

Stærsti hluti greiðslna í ágúst var vegna almennra húsnæðisbóta. HMS greiddi tæpar 889 milljónir króna til um 17.558 heimila í almennar húsnæðisbætur. Þetta samsvarar um þriðjungi af áætlaðri stærð leigumarkaðarins, en HMS áætlar að hann telji um 50 þúsund heimili.

Sér­stak­ur hús­næð­isstuðn­ing­ur fyr­ir Kópa­vog og Skaga­fjörð

Auk þess greiddi HMS sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Í ágúst voru greiddar tæpar 35 milljónir króna til 1.126 heimila í Kópavogi og 84 heimila í Skagafirði. Sérstakur húsnæðisstuðningur er á vegum sveitarfélaganna og er honum ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna.

Greiðsla húsnæðisbóta í ágúst 2026

Úrskurðanefnd umhverfis- og auðlindamála (hér eftir nefnd ÚUA) felldi nýverið úr gildi samþykkta tillögu að deiliskipulagi fyrir frístundabyggð í landi Heiðarbæjar við Þingvallavatn

Um er að ræða frístundabyggð í landi Heiðarbæjar við Þingvallavatn sem byggst hefur upp frá fjórða áratug síðustu aldar. Ekki er til deiliskipulag fyrir landið en landssvæðið er í eigu ríkissjóðs

ÚUA benti á ýmsa annmarka í málinu eins og t.d. skilmála sem feli í sér mismunun milli lóðahafa, að hættumatslínur úr staðbundnu mati hafi ekki verið færðar inn í aðalskipulag og að ekki hafi verið gerðar breytingar á tillögunni eftir að fallist hafi verið á athugasemdir

Hér að neðan má finna nokkra lærdómspunkta sem taka má frá málinu og gott er að hafa í huga við skipulagsgerð.

Ef fallist er á athugasemd þarf að gera breytingar til samræmis

Í kynningu á tillögu að deiliskipulagi frístundabyggðar Heiðarbæjar bárust athugasemdir. Í svörum sveitarfélagsins  var fallist á nokkrar framkomnar athugasemdir. Þrátt fyrir það voru engar breytingar gerðar á fyrirliggjandi skipulagstillögu. ÚUA taldi það verulegan annmarka á málsmeðferð skipulagstillögunnar að samsvarandi breytingar og boðaðar voru í umræddum svörum hafi ekki verið gerðar á skipulagstillögunni áður en hún var send til Skipulagsstofnunar og auglýsing um gildistöku hennar birt í B-deild Stjórnar­tíðinda.

Ekki er fortakslaus skylda að sýna byggingarreiti lóða í deiliskipulagi

Í uppdrætti deiliskipulagsins var ákveðið að taka út byggingarreiti þeirra lóða sem voru nær stofn- eða tengivegum en 100m og eða nær vatni en 50m. ÚUA féllst á að það hafi verið í lagi, það er að ekki sé „fortakslaus skylda“ að sýna byggingarreiti í deiliskipulagi. Með hliðsjón af  ákvæðum í gr. 5.3.2.5 og gr. 5.3.2.14 í skipulagsreglugerð um fjarlægðarmörk bygginga frá stofn- og tengivegum og vötnum og þar sem innviðaráðuneytið hafði hafnað beiðni um undanþágu frá reglugerðarákvæðunum var sveitarfélögunum því heimilt að sýna ekki byggingarreiti á öllum lóðum.

Ekki er hægt að gera efnislegar breytingar á samþykktum og birtum skipulagsgögnum

Sveitarfélögin töldu að þau gætu lagfært skipulagsuppdrátt eða skipulagsgreinargerð á grundvelli 23. gr. stjórnsýslulaga nr. 37/1993. ÚUA benti á að það ætti einungis við um „bersýnilegar villur“. Efnislegar breytingar verði ekki gerðar á samþykktum og birtum skipulagsgögnum nema að undangenginni málsmeðferð sem fer fram á grundvelli skipulagslaga.

Málefnalegt er að afmarka lóðir í ákveðinni fjarlægð frá strandlengjunni

Mörk lóða við Þingvallavatn voru dregin 25 metra frá strandlengjunni. Í greinargerð deiliskipulagsins kemur fram að það hafi verið gert vegna mikilvægis strandlengjunnar sem útivistarsvæðis og til að tryggja aðgengi almennings að henni. ÚUA taldi það málefnalegt sjónarmið að afmarka lóðir í ákveðinni fjarlægð frá strandlengjunni til að tryggja aðgengi almennings að henni.

Gæta þarf að skilmáli um heildarflatarmál leiði ekki til mismununar milli lóðahafa.

Í greinargerð deiliskipulagsins er því m.a. lýst að heildarflatarmál frístundahúss skuli ekki vera meira en 3% af stærð lóðar en þó ekki meira en 250 fermetrar. Einnig kemur fram að þar sem lóðir séu undir hálfum hektara að stærð megi heildarflatarmál frístundahúss ekki vera meira en 5% af stærð lóðarinnar. Skipulagsákvæðið leiðir til þess að í ákveðnum tilvikum geta lóðir undir stærðarmörkum haft stærri frístundahús á sinni lóð heldur en lóðir sem eru yfir mörkunum. T.d. er lóð nr. 29 samkvæmt skipulaginu 4.717 fermetrar að flatarmáli og má heildarflatarmál frístundahúss á lóðinni því vera 236 fermetrar, en lóð nr. 13 er 5.121 fermetrar og má heildarflatarmál frístundahúss á henni vera 154 fermetrar.

ÚUA telur að ofangreind tilhögun sé ekki rökstudd nánar í greinargerðinni og verður að telja að í því felist mismunun milli lóðahafa sem ekki er að sjá að byggi á málefnalegum sjónarmiðum.

Hættumatslínur úr staðbundnu mati skulu sýndar á uppdrætti aðalskipulags

Árið 2024 vann Veðurstofa Íslands að staðbundnu hættumati vegna gerðar þess deiliskipulags sem hér um ræðir. Með hættumatinu var afmarkað hættusvæði í flokki A sem var svo fært inn á deiliskipulagsuppdrátt með hættumatslínu. Sú lína var ekki færð inn í aðalskipulag sveitarfélaganna. Að mati ÚUA var deiliskipulagið því  í ósamræmi við aðalskipulag.

Úrskurð ÚUA má lesa í heild sinni hér

Hvað má læra af úrskurði um deiliskipulag Heiðarbæjar?

Shortcuts

Events

An equity loan is a new solution for low-income persons and individuals with limited assets.

This type of loan is intended to aid first time buyers who are below a certain income possibility curve in order to enable them to bridge the equity gap when buying real estate property.

Equity loan

Housing benefit takes the form of monthly payments intended to assist those who rent residential premises, whether this is within the socially-assisted housing system, in student residences or on the open rental market.

Housing, construction and planning authority

Landið allt

Housing, construction and planning authority

Events

Hluti 6 Burðarþol og stöðugleiki: Kynningarfundur vegna breytinga á byggingarreglugerð

Kynning á Vegvísi að markvissum húsnæðisstuðningi til leigjenda