Veittur er aðgangur að grunnupplýsingum á borð við stærð fasteignar, brunabótamat og fasteignamat á opnu svæði. Gefinn er kostur á að nálgast ítarlegri upplýsingar um lóðir og mannvirki í læstum aðgangi.

Fasteignaskrá er gagna- og upplýsingakerfi sem HMS annast. Skráin geymir upplýsingar um fasteignir og réttindi sem þeim tengjast. Fasteignaskrá er ein altæk skrá fyrir mörg stjórnvöld og leysir af hólmi fasteignaskrár sveitarfélaga og þinglýsingabækur sýslumanna um fasteignir.

Ýmsir aðilar koma að skráningu upplýsinga í fasteignaskrá:

HMS sér um skráningu á brunabóta- og fasteignamati ásamt forsendum þess. Byggingarfulltrúar sveitarfélaga skrá landeignir og mannvirki og sýslumannsembætti skrá og þinglýsa skjölum rafrænt í þinglýsingarhluta fasteignaskrár. Sumar tegundir upplýsinga eru aðeins færðar í skrána með samvinnu allra ofangreindra skráningaraðila.

Hægt er að tengja upplýsingar úr fasteignaskrá beint inn í önnur tölvukerfi með því að nýta vefþjónustu. Til þess að fá slíka tengingu þarf umsækjandi (fyrirtæki eða stofnun) að hafa rafræn skilríki frá viðurkenndum vottunaraðila til auðkenningar.
Eyðublöð sérvinnslu fasteignaskrár
Gjaldskrá HMS