Alls bárust HMS 47 umsóknir um hlutdeildarlán í desember að andvirði um 594 milljónir króna, en 400 milljónir króna eru til úthlutunar fyrir tímabilið. HMS hefur lokið mati á umsóknunum og var niðurstaðan sú að samþykktar voru umsóknir til kaupa á 18 íbúðum og heildarfjárhæð lánanna um 229 milljónir króna.

Um­sókn­ir með sam­þykkt kauptil­boð í for­gangi

Hlutdeildarlán eru veitt til kaupa á nýjum íbúðum og standa þau til boða fyrir fyrstu kaupendur og þau sem ekki hafa átt íbúð síðastliðin fimm ár og eru undir tilteknum tekjumörkum. Í forgangi eru umsóknir þar sem staðfest kauptilboð liggur fyrir, auk þess sem miða skal við að á hverju ári verði að minnsta kosti 20% veittra hlutdeildarlána veitt til kaupa á íbúðum utan höfuðborgarsvæðisins.

Af þeim umsóknum sem bárust um hlutdeildarlán í desember voru 29 þeirra með samþykkt kauptilboð og 18 umsóknir án kauptilboðs. Heildarfjárhæð umsókna með samþykkt kauptilboð var um 402 milljónir króna.

Meiri­hluti lán­að­ur til kaupa á íbúð­um á höf­uð­borg­ar­svæð­inu

Flestar lán voru vegna kaupa á íbúðum á höfuðborgarsvæðinu þar sem fjárhæð hlutdeildarlána var um 177 milljónir króna til 13 íbúða. Mikill meirihluti þeirra íbúða eru staðsettar í Hafnarfirði og í Reykjavík.