Samningur um greiðslu vanskila​

Frekari innheimtuaðgerðir stöðvast á meðan staðið er við vanskilasamninginn. Hafi lántakandi fengið á sig innheimtukostnað áður en samið var fellur sá kostnaður ekki niður við samningsgerð. Einnig bera lánin dráttarvexti á samningstímanum og því er hagur skuldara að stilla samningstímanum í hóf.

Sótt er um gerð vanskilasamnings með því að:​

Við mat á umsókn um vanskilasamning er m.a. litið til fyrri greiðslusögu umsækjanda, möguleika umsækjanda til að standa við samninginn og veðsetningarhlutfalls í fasteigninni.

Kröfur vegna vanskilasamnings sem gerður hefur verið stofnast í heimabanka lántakanda/greiðanda. Ein krafa stofnast fyrir hvert lán sem er í vanskilum. Krafan inniheldur mánaðarlega afborgun láns ásamt samningsupphæð. 

Mánaðarlegar greiðslur þurfa að berast í síðasta lagi 5 dögum eftir gjalddaga, að öðrum kosti fellur samningskrafan

Afborganir í vanskilasamningnum byggjast á áætlun fram í tímann þannig að einhver fjárhæð getur staðið eftir í lok samningstímans.

Lánin eru í vanskilum á samningstímanum og ógreiddar greiðslur bera dráttarvexti en engar innheimtuaðgerðir eru framkvæmdar á meðan samningur er í skilum. Samningsgreiðslur greiðast inn á elstu gjalddaga fyrst og svo koll af kolli þar til samningi er lokið. Það er hagur skuldara að ná að greiða vanskilin niður á sem stystum samningstíma þar sem ógreiddar greiðslur bera dráttarvexti þar til þær eru að fullu greiddar í skil.