Sérþarfalán

Hámarkslán vegna sérþarfa eru 14.378.000 kr. og þar sem lánið kemur til viðbótar almennu íbúðarláni HMS getur heildarlánsupphæð orðið 58.378.000 kr. að hámarki (44 milljónir + 14,378 milljónir kr.)

Lánshlutfall getur numið allt að 90% af matsverði, byggingarkostnaði eða kaupverði íbúðar eftir því sem við á.

Aðeins er heimilt að veita lán vegna íbúða sem eru með fasteignamat lægra en 73 milljónir króna.

Lán vegna breytinga eða viðbóta á íbúð greiðist út þegar framkvæmdum er lokið.

Þar sem aukalánið er veitt vegna sérþarfa fólks þá fellur lánið í gjalddaga og endurgreiðist að fullu við eigendaskipti íbúðar. Hið sama gildir ef lántaki flytur úr húsnæðinu og ljóst er að hann flytur ekki þangað aftur.

Umsækjendur um aukalán vegna sérþarfa þurfa að sýna fram á að sérþarfirnar leiði til aukins kostnaðar við breytingar, viðbætur, byggingu eða kaup á íbúð. Umsókn þarf að fylgja ítarleg greinargerð frá umsækjanda ásamt læknisvottorði.

Verðtryggð lán með vaxtaendurskoðun

Verðtryggð lán með föstum vöxtum út lánstímann

Sótt er um húsnæðislán á öruggu svæði með rafrænum skilríkjum á heimasíðu HMS. Eftir útfyllingu umsóknarinnar fer umsækjandi í greiðslumat sem einnig er framkvæmt á vefnum. Umsóknir eru ekki teknar til vinnslu fyrr en greiðslumati hefur verið lokið.  

Gögn sem þurfa að fylgja umsókn

Húsnæðis- og mannvirkjastofnun getur óskað eftir fleiri gögnum en hér eru tilgreind telji stofnunin þörf á.

Ef sótt er um fyrir þriðja aðila á grundvelli umboðs skal koma skýrt fram á umboðinu hvaða heimildir það veitir. Það skal vera dagsett og vottað af tveimur vitundarvottum.  Óskað er eftir frumriti umboðsins eða staðfestu afriti af þinglýstu umboði. Sé kaupandi eða seljandi ekki lögráða þarf samþykki yfirlögráðanda á umboðið. 

Skylt er að þinglýsa kvöð þessa efnis á íbúðina samhliða þinglýsingu lánsins. Stjórn Húsnæðis- og mannvirkjastofnunar getur þó heimilað aðila sem fengið hefur aukalán vegna sérþarfa að flytja það með sér við sölu íbúðar.