Endurbótalán
Við veitum verðtryggð lán með föstum vöxtum til 5 ára í senn og óverðtryggð lán með föstum vöxtum til 3ja ára í senn. Einnig er mögulegt að fá lán með föstum vöxtum út lánstímann.
Einungis er veitt lán til íbúða sem ætlaðar eru til eigin nota. Óheimilt er að eiga fleiri en eina íbúð með láni frá Húsnæðis- og mannvirkjastofnun nema ef sérstakar aðstæður eiga við t.d. vegna atvinnu eða fjölskylduaðstæðna.
Við lánum:
- Þegar fyrir liggur staðfesting á að endurbótum sé lokið*.
- Ef minna en 12 mánuðir eru liðnir frá lokum endurbóta.
- Ef liðin eru meira en 10 ár frá því að eign er fokheld.
- Þegar endurbótakostnaður er að lágmarki 625 þúsund krónur.
- Fyrirframgreitt endurbótalán, gegn bankaábyrgð.
Lánshæfar endurbætur:
- Endurnýjun á raf- og/eða vatnslögnum.
- Utanhússviðgerðir.
- Málningarvinna og endurnýjun innréttinga, ef hluti af framkvæmd vegna annarra endurbóta.
- Ekki er lánað til eigin vinnu, né efnis eða vinnu sem umsækjendur hafa fengið að gjöf.
*Aðilar með leyfi frá Háskóla-, iðnaðar- og nýsköpunarráðuneytinu, t.d. byggingafræðingar, arkitekta-, tæknifræði- eða verkfræðistofur og byggingarfulltrúar, geta staðfest að umfang framkvæmda samkvæmt kostnaðaryfirliti sé eðlilegt og að verkinu sé lokið.
