Nýbyggingalán

Hámarkslánsfjárhæð er 44 milljónir króna.

Lánshlutfall getur numið allt að 80% af byggingarkostnaði eða markaðsverði, hvort heldur er lægra. Byggingarkostnaður er endurstofnsverð íbúðar að viðbættu lóðarmati.

Aðeins er heimilt að veita lán vegna íbúða sem eru með fasteignamat lægra en 73 milljónir kr.

Byggingarkostnaður sem myndar grundvöll lánveitingar er reiknaður skv. opinberum upplýsingum um byggingarkostnað og liggur fyrst fyrir þegar fokheldisstigi er náð, um leið og fasteignamat kemur á eignina. Byggingarkostnaður samanstendur af endurstofnsverði og endurspeglar byggingarkostnað eignarinnar, auk lóðarmats.

Fyrri hluti lánsins (frumbréf) er veittur þegar eignin er fokheld (byggingarstig 4). Seinni hluti lánsins (viðaukabréf) er oftast veittur við endanlegt brunabótamat eignarinnar.

Hægt er að senda inn umsókn um nýbyggingalán þegar eignin er orðin fokheld (byggingastig 4) og endurstofnsverð liggur fyrir. Hægt er að sækja um nýbyggingalán í allt að 5 ár frá því að bygging er fokheld, en þó ekki síðar en einu ári eftir að eignin var fullbúin og komið á hana endanlegt brunabótamat. Hægt er að sækja um undanþágu frá tímaskilyrðum ef um sérstakar aðstæður er að ræða.

Gefið er út viðaukabréf vegna lánshæfra viðbygginga við íbúð, hvort sem um er að ræða nýbyggingu við íbúð, hluta af húsi sem keyptur er og bætt við íbúð eða bílskúr, sem keyptur er eða byggður. Viðaukinn skal falla undir skráningu íbúðarinnar í fasteigna- og brunabótamati og samkvæmt veðbókum. Sjá nánar skilyrði endurbótalána.

Verðtryggð lán með vaxtaendurskoðun

Óverðtryggð lán með vaxtaendurskoðun

Verðtryggð lán með föstum vöxtum út lánstímann

Mögulegt er að blanda saman lánategundum.  Sem dæmi má nefna er hægt að taka verðtryggt grunnlán með vaxtaendurskoðun upp í 70% veðsetningu og síðan óverðtryggt viðbótarlán með vaxtaendurskoðun upp í 80% veðsetningu. 

Sótt er um húsnæðislán á öruggu svæði með rafrænum skilríkjum á heimasíðu HMS. Eftir útfyllingu umsóknarinnar fer umsækjandi í greiðslumat sem einnig er framkvæmt á vefnum. Umsóknir eru ekki teknar til vinnslu fyrr en greiðslumati hefur verið lokið. 

Gögn sem þurfa að fylgja umsókn

Ef eignin er keypt í smíðum skal einnig skila:

Húsnæðis- og mannvirkjastofnun getur óskað eftir fleiri gögnum en hér eru tilgreind telji stofnunin þörf á.

Ef sótt er um fyrir þriðja aðila á grundvelli umboðs skal koma skýrt fram á umboðinu hvaða heimildir það veitir. Það skal vera dagsett og vottað af tveimur vitundarvottum. Óskað er eftir frumriti umboðsins eða staðfestu afriti af þinglýstu umboði. Sé kaupandi eða seljandi ekki lögráða þarf samþykki yfirlögráðanda á umboðið.