Vinnustaðurinn
Hjá Húsnæðis- og mannvirkjastofnun starfar öflugur hópur starfsfólks með fjölbreytta reynslu og þekkingu.
Okkar hlutverk er að:
- Vernda líf og heilsu, eignir og umhverfi með því að tryggja virkt eftirlit með gæðum og öryggi í mannvirkjagerð, brunavörnum, minnkun vistspors og réttleika skráningar fasteigna.
- Tryggja húsnæðisöryggi með því að auka aðgengi almennings að viðunandi húsnæði á viðráðanlegu verði, hvort sem er til eignar eða leigu.
- Stuðla að stöðugleika og virkni á húsnæðismarkaði með greiningum á íbúðaþörf, birtingu rauntímaupplýsinga og áreiðanlegu fasteignamati.
Stofnunin hefur aðsetur á þremur stöðum, Reykjavík, Akureyri og á Sauðárkróki.
Húsnæðis- og mannvirkjastofnun hlaut jafnlaunavottun sem byggist á Jafnlaunastaðlinum ÍST 85:2012 árið 2024 og gildir til 2027. Jafnlaunavottuninni hefur verið viðhaldið og fer viðhaldsvottun fram í janúar ár hvert, síðast í janúar 2024. Meginmarkmið jafnlaunavottunar er að vinna gegn kynbundnum launamun og stuðla að jafnrétti kynjanna á vinnumarkaði.
Það er markmið með jafnlaunastefnu Húsnæðis- og mannvirkjastofnunar (HMS) að allt starfsfólk stofnunarinnar hafi jöfn laun fyrir sömu eða jafnverðmæt störf þannig að enginn ómálefnalegur launamunur sé til staðar á vinnustaðnum sem og þau réttindi sem eru tilgreind í lögum um jafna stöðu og jafnan rétt kynjanna nr. 150/2020 sem tóku gildi 29. desember 2020.
Hjá Húsnæðis- og mannvirkjastofnun er það kappsmál að við launaákvarðanir sé ekki mismunað á grundvelli kyns, aldurs, uppruna eða annarra þátta.