Gögn sem snúa að hleðslu rafbíla þarf að skila inn til byggingarfulltrúa viðkomandi sveitarfélags:

Aðgengi hreyfihamlaðra að stæðum til hleðslu rafbíla

Í byggingarreglugerð er gerð sú krafa að aðgengi að hleðslustöðvum fyrir rafbíla við bílastæði hreyfihamlaðra sé gott og hindrunarlaust.

Í reglugerðinni er einnig sú krafa, varðandi byggingar til annarra nota en íbúðar, að við öll stæði fyrir hreyfihamlaða sé tengibúnaður til hleðslu rafbíla.

Íbúðarhúsnæði

Frá árinu 2018 hefur byggingarreglugerð kveðið á um að í nýbyggingum íbúðarhúsa og við endurbyggingu þeirra skuli gera ráð fyrir tengibúnaði vegna hleðslu rafbíla við hvert bílastæði.

Kröfurnar gilda fyrir allar nýbyggingar íbúðarhúsnæðis sem samþykktar hafa verið af byggingarnefnd viðkomandi sveitarfélags frá þeim tíma. Athuga ber að kröfurnar gilda jafnvel þó láðst hafi að geta þeirra á uppdráttum.

Kröfurnar gilda einnig fyrir endurbyggingu íbúðarhúsnæðis. Til að þær eigi við í slíkum tilfellum þarf að vera um nokkra endurbyggingu að ræða, s.s. breytingar er varða bílastæði og fyrirkomulag þeirra, eða breytingar á notkun bygginga (t.d. breyting úr atvinnuhúnæði í íbúðir).

Kröfurnar gilda fyrir öll bílastæði, hvort sem þau eru utandyra eða í bílgeymslu eða bílskúr.

Byggingar til annarra nota en íbúðar

Frá árinu 2018 hefur byggingarreglugerð, varðandi byggingar til annarra nota en íbúðar, kveðið á um lágmarksfjölda bílastæða þar sem hleðsla rafbíla er möguleg.

Síðan skal bæta við að lágmarki einu stæði þar sem tengibúnaður vegna hleðslu rafbíla er til staðar fyrir hver 5 stæði. Að auki skal tengibúnaður vegna hleðslu rafbíla vera til staðar við öll bílastæði fyrir hreyfihamlaða.