Þeir sem bjóða þjónustu við viðhald, skoðun, áfyllingu og þrýstiprófun handslökkvitækja skulu hafa starfsleyfi útgefið af Húsnæðis- og mannvirkjastofnun í samræmi við 38. gr. a. í lögum nr 75/2000 og ákvæði reglugerðar nr. 1067/2011.
Skilyrði fyrir útgáfu starfsleyfis er að viðkomandi þjónustuaðili hafi nægan fjölda hæfra starfsmanna í sinni þjónustu og að tilnefndur hafi verið ábyrgðarmaður.
Í starfsleyfi þjónustuaðila kemur fram hvaða gerðir handslökkvitækja þjónustuaðili hefur leyfi til að þjónusta. Bjóði þjónustuaðili upp á þrýstiprófun skal það koma fram í starfsleyfi hans.
Þeir þjónustuaðilar brunavarna sem hafa fengið samþykki Brunamálastofnunar fyrir starfsemi sinni í gildistíð eldri reglugerða halda leyfi sínu í samræmi við ákvæði og gildistíma þess leyfis, þó ekki lengur en til 1. janúar 2013. Í þessum eldri leyfum er þjónustustöðvunum skipt í 3 flokka eftir því hvaða slökkvitæki þau geta þjónustað, flokk 1 (þurrduftstæki, vatnstæki og léttvatnstæki), flokk 2 (þurrduftstæki, vatnstæki, léttvatnstæki, kolsýrutæki og kolsýruhylki) og flokk 3 (þurrduftstæki, vatnstæki, léttvatnstæki, kolsýrutæki, kolsýruhylki og þrýstiprófun á ofangreindum tækjum) í samræmi við ákvæði í reglum 170/1989 um eftirlit og viðhald handslökkvitækja.
Þjónustuaðilar sem hlotið hafa starfsleyfi eftir reglugerð 1067/2011:
