HMS boðar til opins fundar um innleiðingu stafrænna byggingarleyfa. Fundurinn verður haldinn í húsakynnum HMS í Borgartúni 21 miðvikudaginn 9. apríl og hefst kl. 11:30. Léttar veitingar verða í boði. Fundinum verður einnig streymt á hms.is/streymi.

Á fundinum verður fjallað um þróun og innleiðingu á útgáfu 1 fyrir umsóknir um byggingarleyfi sem ætlað er að stuðla að samræmdri afgreiðslu byggingarleyfa.  Stafræn byggingarleyfi eru stórt skref í átt að bættri skráningu, skilvirkari afgreiðslu við leyfisveitingu og  birtingu rauntímaupplýsinga um mannvirkjagerð á Íslandi.

Innleiðing stafrænna byggingarleyfa
Dagný Geirdal, sérfræðingur í teymi mannvirkjaskrár HMS

Lífsferilsgreiningar í byggingarreglugerð
Elín Þórólfsdóttir, teymisstjóri starfsumhverfis mannvirkjagerðar hjá HMS

Fundarstjóri: Þórunn Sigurðardóttir, framkvæmdastjóri sviðs mannvirkja og sjálfbærni hjá HMS

Byggingarleyfi á Íslandi - allt á einum stað

Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Fræðsla og forvarnir

Gögn og mælaborð

Brunamálaskólinn

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Slökkviliðin

Stofnframlög

Þjónustuaðilar brunavarna

Þjónustuflokkar

Húsnæðisbætur og lán

Lánavefur

Öryggi mannvirkja

Brunavarnir

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Alls voru skráðar 103 lóðir í fasteignaskrá HMS í mars

Flestar lóðir voru atvinnuhúsalóðir eða 31 talsins

Íbúðarhúsalóðir voru 24 talsins í mars

Í mars voru samtals 103 lóðir stofnaðar í kerfum HMS. Er það fækkun frá því í febrúar þegar skráðar voru 197 lóðir. Flestar lóðir voru atvinnuhúsalóðir eða 31 talsins sem er sami fjöldi og var stofnaður í febrúar. Flestar þeirra voru stofnaðar í Reykjavík eða 7 talsins.

Stofnaðar voru 24 íbúðarhúsalóðir í mars. Þar af voru 6 í Reykjavík og 5 í Hvalfjarðarsveit. Í Bláskógabyggð voru stofnaðar 2 sumarhúsalóðir en í Kjósarhrepp, Hvalfjarðarsveit, Rangárþingi eystra, Múlaþingi og Vopnafjarðarhreppi var ein sumarhúsalóð stofnuð í hverju þessara sveitarfélaga.

Myndin hér að ofan sýnir mánaðarlegar tölur um fjölda nýskráðra lóða eftir öllum flokkum. Lóðir skráðar sem annað land eða einfaldlega lóð voru 27 talsins í mars, en líklegast er að þessar lóðir breyti um gerð þegar fram líða stundir og verði þá skráðar sem atvinnu-, sumarhúsa- eða íbúðarlóðir.

Bjarg íbúðafélag er að ljúka við uppbyggingu á raðhúsi á Húsavík þar sem sex nýjar leiguíbúðir rísa með stuðningi stofnframlaga frá ríki og sveitarfélagi. Verkefnið fékk samþykkt úthlutun stofnframlaganna árið 2023.

Um er að ræða nýsköpunarverkefni þar sem íbúðirnar voru forsmíðaðar af SG húsum á Selfossi og fluttar nánast fullbúnar til Húsavíkur. Á sama tíma og húsin voru í smíðum á Selfossi sáu heimamenn á Húsavík um jarðvinnu og undirstöður fyrir húsin. Þannig var hægt að vinna að tveimur verkþáttum á sama tíma og þannig stytta byggingartíma umtalsvert.

Íbúðirnar eru um 95 fermetrar að stærð með þremur svefnherbergjum og þær verða leigðar út til tekju- og eignaminni fjölskyldna á vinnumarkaði en það er nú þegar búið að finna leigjendur fyrir allar íbúðirnar. „Verkefnið tókst vel og það kom á óvart hversu margir sóttu um íbúðirnar til leigu sem sýnir að veruleg þörf er fyrir íbúðir í þessu kerfi hér á Húsavík,“ segir Katrín Sigurjónsdóttir, sveitarstjóri Norðurþings.

Umframeftirspurn var eftir lánum en veitt voru 26 lán af þeim 85 umsóknum sem bárust.

42 umsóknir uppfylltu skilyrði úthlutunar og var andvirði þeirra umsókna 544 milljónir króna. Í fyrsta skipti kom til þess að draga þurfti úr umsóknum.

Opnað verður á ný fyrir umsóknir um hlutdeildarlán þann 3. apríl næstkomandi.

HMS hefur lokið mati á umsóknum sem bárust um hlutdeildarlán í mars og veitti lán til kaupa á 26 íbúðum að þessu sinni. Heildarfjárhæð lánanna nam um 343 milljónum króna. Meirihluti veittra lána voru til kaupa á íbúðum á höfuðborgarsvæðinu og var það helst til íbúða í Hafnarfirði og Mosfellsbæ. Fjöldi og fjárhæðir hlutdeildarlána má sjá í töflu hér að neðan.

Hlutdeildarlán eru veitt til kaupa á nýjum íbúðum og standa þau til boða fyrir fyrstu kaupendur og þau sem ekki hafa átt íbúð síðastliðin fimm ár og eru undir tilteknum tekjumörkum. Í forgangi eru umsóknir þar sem staðfest kauptilboð liggur fyrir, auk þess sem miða skal við að á hverju ári verði að minnsta kosti 20% veittra hlutdeildarlána veitt til kaupa á íbúðum utan höfuðborgarsvæðisins.

Alls bárust HMS 85 umsóknir um hlutdeildarlán í mars að andvirði um 1.167 milljónum króna, en 350 milljónir króna eru til úthlutunar fyrir tímabilið. Að lokinni úrvinnslu var fjárhæð lána sem uppfylltu skilyrði um úthlutun að fjárhæð 544 milljónir króna.

Af þeim umsóknum sem bárust um hlutdeildarlán í mars voru 72 þeirra með samþykkt kauptilboð og 13 umsóknir án kauptilboðs. Heildarfjárhæð umsókna með samþykkt kauptilboð var um 973 milljónir króna.

Forgangsúthlutun til umsókna á landsbyggð með samþykktu kauptilboði

Í ljósi fjármagns sem var til úthlutunar í mars þurfti að draga í fyrsta sinn úr innsendum umsóknum. Dregið var í samræmi við forgangsreglur úthlutunar hlutdeildarlána. Voru því einungis umsóknir sem uppfylltu skilyrði lánveitingar og voru með samþykkt kauptilboð með í útdrættinum. Þær umsóknir sem voru vegna kaupa á íbúðum utan höfuðborgarsvæðisins voru í fyrsta forgangi svo um 20% fjármagns sem væri til úthlutunar færi til íbúða á þeim svæðum.

Umsækjendum sem voru með umsóknir sem uppfylltu skilyrði lánveitingar en voru ekki dregnir út að þessu sinni hefur verið boðið að færa umsókn sína yfir á næsta úthlutunartímabil.

Opnað verður aftur fyrir nýtt umsóknartímabil hlutdeildarlána þriðjudaginn 3. apríl næstkomandi og mun umsóknartímabilið standa til klukkan 12:00 þann 14. apríl næstkomandi. Til úthlutunar fyrir tímabilið verða 357 milljónir króna.

Brák íbúðafélag hses. er að ljúka við byggingu á fjögurra íbúða raðhúsi á Hólmavík í Strandabyggð.

Byggingaraðilinn Búðingar ehf. hóf framkvæmdir við bygginguna í ágúst síðastliðinn. Húsið er byggt úr forsmíðuðum timbureiningum sem fluttar eru á verkstað og er framkvæmdartíminn því einungis tæplega 12 mánuðir. Íbúðirnar eiga að fara í útleigu í byrjun sumars og eru þær ætlaðar fyrir tekju- og eignaminna fólk á vinnumarkaði.

Verkefnið fékk samþykkt stofnframlag í fyrstu úthlutun ársins 2023. Fjármögnun verkefnisins er unnin með stuðningi stofnframlaga ríkis og sveitarfélags ásamt leiguíbúðaláni frá HMS.

Þorgeir Pálsson, sveitarstjóri í Strandabyggð, leggur áherslu á mikilvægi verkefnisins fyrir samfélagið: „Þessi húsbygging er mjög mikilvæg fyrir Strandabyggð. Hér hefur lengi verið skortur á nýju húsnæði, sérstaklega í þeim flokki sem hér um ræðir og því er þessi bygging mjög kærkomin. Sveitarfélagið stuðlar með aðkomu sinni að verkefninu, að því að hér eru í boði íbúðir og það er eitt af grundvallar hlutverkum hvers sveitarfélags. Við fögnum því byggingunni og horfum jákvæð til frekari samvinnu við Brák og HMS yfir höfuð.“

Brák er rekið án hagnaðarmarkmiða og er ætlað að tryggja tekjuminni fjölskyldum aðgengi að íbúðum í langtímaleigu með því að kaupa eða byggja, eiga og hafa umsjón með rekstri og viðhaldi íbúðanna. Í dag eru 35 sveitarfélög um allt land sem eru aðilar að Brák og er félagið með rúmlega 300 íbúðir sem ýmist eru komnar í útleigu eða eru í undirbúningi.

HMS tekur þátt á málþinginu Léttari í spori - vistvænni byggingariðnaður sem haldið verður í Grósku fimmtudaginn 3. apríl frá klukkan 13:00–16:00 í tengslum við HönnunarMars 2025. Á málþinginu verður fjallað um lausnir og leiðir til að draga úr vistspori mannvirkjagerðar og stuðla að sjálfbærari byggingariðnaði. 

Elín Þórólfsdóttir, arkitekt MAA, umhverfis- og auðlindafræðingur og teymisstjóri hjá HMS mun fjalla um Vegvísi að vistvænni mannvirkjagerð og þann árangur sem hefur náðst og næstu skref. Hún mun einnig fara yfir hvernig lífsferilsgreiningar (LCA) eru innleiddar í byggingarreglugerð og hvaða áhrif þær hafa á byggingariðnaðinn. 

Sinus Lynge, arkitekt og einn af stofnendum dönsku félagasamtakanna Reduction Roadmap mun kynna aðferðir sem miða að því að draga úr losun í mannvirkjagerð í samræmi við markmið Parísarsáttmálans. 

Harpa Birgisdóttir, prófessor og sviðsstjóri sjálfbærni bygginga við Álaborgarháskóla mun segja frá rannsóknum á vistspori bygginga. Hún mun segja frá þróun hugbúnaðar sem styður við útreikninga og löggjöf, og hvaða aðgerða er þörf til að byggingar verði raunverulega sjálfbærar. 

Fundarstjóri verður Brynja Þorgeirsdóttir, lektor við Háskóla Íslands, með áratugareynslu úr fjölmiðlum. 

Að loknum erindum verða panelumræður og opnar umræður þar sem gestir í sal fá tækifæri til þátttöku. 

Málþingið er haldið að frumkvæði Arkitektafélags Íslands í samstarfi við Grænni byggð, HMS, Miðstöð hönnunar og arkitektúrs, Samtök arkitektastofa, Samtök iðnaðarins og Visku – stéttarfélag. Málþingið er jafnframt styrkt af Starfsþróunarsetri háskólamanna. 

HMS tekur þátt á málþingi um vistvænni byggingariðnað

Áætlað er að íbúum fjölgi um 2.672 manns á næstu 5 árum, sem er fjölgun um 21,7%.

Byggja þarf um 60-80 fleiri íbúðir árlega til að halda í við áætlaða íbúðaþörf.

Sveitarfélagið stefnir að úthlutun lóða fyrir 2.404 íbúðir á næstu 5 árum til að tryggja nægt framboð.

Sveitarfélagið Árborg hefur staðfest endurskoðaða húsnæðisáætlun fyrir árið 2025. Samkvæmt áætluninni er gert ráð fyrir að íbúum sveitarfélagsins muni fjölga um 5.922 á næstu tíu árum, sem samsvarar 48% aukningu. Til samanburðar hefur íbúum fjölgað um 1.778 frá árinu 2020, eða 17,3%, og um 4.104 á síðustu tíu árum, sem jafngildir 51,6% fjölgun. Þá var íbúafjölgunin árið 2024 um 145 manns fleiri en spáð hafði verið, sem er 41% umfram spá síðasta árs.

Mikið uppbyggingartímabil og vaxandi íbúðaþörf

Samkvæmt húsnæðisáætluninni er áætlað að þörf verði fyrir um 235 nýjar íbúðir á ári að meðaltali, eða alls 1.061 íbúð á næstu fimm árum og 2.350 á næstu tíu árum. Veruleg uppbygging hefur verið í sveitarfélaginu undanfarin ár og hefur fullbúnum íbúðum fjölgað um 207 á ári að meðaltali síðustu fimm ár, og um 174 á ári síðustu tíu ár.

Byggja þarf fleiri íbúðir ef spár ganga eftir

Samkvæmt nýjustu talningu HMS voru 392 íbúðir í byggingu í mars 2025. Það er töluvert færra en á sama tíma síðustu tvö ár, en aukning frá síðustu talningu í september 2024. Í mars í fyrra voru 17,3% fleiri íbúðir í byggingu og í mars 2023 voru þær 36,3% fleiri en þær eru nú. Á myndinni hér að neðan má sjá að mikill meirihluti íbúðanna er á fyrstu tveimur framvindustigunum, sem þýðir annars vegar að framkvæmdir við  jarðvinnu er hafin og hins vegar að undirstöður eru fullgerðar.

Fjöldi íbúða sem nú teljast í byggingu dugir ekki til að mæta þeirri íbúðaþörf sem sveitarfélagið áætlar að verði á næstu tveimur árum. Þrátt fyrir að undanförnu hafi framkvæmdir hafist við byggingu á fleiri íbúðum og aukning í fjölda íbúða sem teljast í byggingu þá þyrfti að hefja byggingu á enn fleiri íbúðum ef spár ganga eftir. Byggja þyrfti að meðaltali 60-80 íbúðir til viðbótar árlega.

Húsnæðisáætlun Árborgar fyrir árið 2025 byggir á því að styðja við hraðan vöxt byggðar með markvissri og fjölbreyttri uppbyggingu íbúðarhúsnæðis. Sérstök áhersla er lögð á að fjölga einstaklingsíbúðum og almennum leiguíbúðum fyrir tekju- og eignalága, einkum með stuðningi stofnframlaga. Þá er horft til þarfa eldra fólks með því að hvetja til fjölgunar leiguíbúða sem ekki eru í eigu sveitarfélagsins og móta samsetningu húsnæðis með tilliti til heimahjúkrunar og heimaþjónustu.

Áætlanir taka einnig mið af samspili húsnæðisuppbyggingar og orkuþarfar og hefur sveitarfélagið átt gott samstarf við framkvæmdaaðila í þessum efnum. Þó að dregið hafi úr hraða nýframkvæmda vegna ytri aðstæðna, eins og hárra vaxta og verðhækkana á byggingarefnum, er staðan traust fyrir komandi ár og stefnt er að því að tryggja áframhaldandi orkuöflun og uppbyggingu innviða til að mæta áframhaldandi fólksfjölgun.

Nægt lóðaframboð til að mæta vaxandi íbúðaþörf

Árborg hefur nú skipulagt lóðir fyrir 5.153 íbúðir og á næstu 5 árum stefnir sveitarfélagið að því að úthluta lóðum fyrir allt að 2.404 íbúðir. Lóðaframboð ætti því að mæta vel áætlaðri íbúðaþörf gangi úthlutunaráætlanir eftir.

Mest skoðað

Viðburðir á vegum HMS

Mánaðarskýrsla HMS fyrir mars er komin út.

Mánaðarskýrsla mars 2025

Hlutverk Húsnæðis- og mannvirkjastofnunar er að vernda líf og heilsu, eignir og umhverfi með því að tryggja virkt eftirlit með gæðum og öryggi í mannvirkjagerð, brunavörnum, minnkun vistspors og réttleika skráningar fasteigna.

Þjónustuflokkar

Þjónustuflokkar

Húsnæðis- og mannvirkjastofnun

Húsnæðis- og mannvirkjastofnun

Fréttir

Byggingarleyfi á Íslandi - allt á einum stað

103 nýjar lóðir stofnaðar í mars

Nýtt raðhús á Húsavík

HMS veitti 26 hlutdeildarlán í mars

Nýtt raðhús rís á Hólmavík

HMS tekur þátt á málþingi um vistvænni byggingariðnað

Mikil uppbyggingarþörf í Árborg

Fréttir

Byggingarleyfi á Íslandi - allt á einum stað

103 nýjar lóðir stofnaðar í mars

Nýtt raðhús á Húsavík

HMS veitti 26 hlutdeildarlán í mars

Nýtt raðhús rís á Hólmavík

HMS tekur þátt á málþingi um vistvænni byggingariðnað

Mikil uppbyggingarþörf í Árborg

Viðburðir á vegum HMS

Byggingarleyfi á Íslandi - allt á einum stað

Mánaðarskýrsla mars 2025

Mánaðarskýrsla mars 2025