Mælaborð íbúða í byggingu
Mælaborð íbúða í byggingu
Mælaborð fyrir íbúðir í byggingu birtir samantekin gögn og talningar fyrir íbúðarhúsnæði úr Mannvirkjaskrá HMS. Í mælaborðinu eru birtar upplýsingar um íbúðir í byggingu, byggingaráform og fullbúnar íbúðir, eftir tegund húsnæðis, stærðarflokkun og framvindu.
Innsend gögn eru rýnd af HMS og staðfest með skoðun tvisvar á ári þar sem farið er um allt landið í framvindu skoðanir og ákveðin svæði oftar. Mannvirkjaskrá er ætlað að veita áreiðanlegar rauntímaupplýsingar um mannvirkjagerð, tegundir húsnæðis, tegund notkunar og stöðuna á húsnæðismarkaði. Mannvirkjaskrá geymir gögn um byggingar á Íslandi, byggingarhluta og eiginleika þeirra, ásamt byggingarleyfismálum og úttektum tengt þeim. Mannvirkjaskrá nýtir meðal annars gögn úr fasteignaskrá ásamt gögnum frá sveitarfélögum um byggingaleyfismál svo sem byggingarleyfisumsóknir, útgefin byggingarleyfi og stöðu þeirra. Byggingarstjórar og skoðunarmenn byggingafulltrúaembætta framkvæma lögbundnar áfangaúttektir ásamt stöðuskoðunum, öryggisúttektum og lokaúttektum og skrá niðurstöður þeirra í mannvirkjaskrá.
Matsstig
Skráning á framkvæmdastöðu byggingar íbúða meðal annars byggð á matsstigum bygginga. Matsstigin eru 9 stig, en til þess að geta birt sem bestar upplýsingar um verkstöðu hverrar framkvæmdar eru skráð undirstig undir hverju matsstigi.
Byggingarstig
Byggingarstig eru skráð fyrir hverja framkvæmd samkvæmt ÍST 51:2021. Byggingarstigin eru fjögur og eru einkennd með bókstöfum og tölustaf; BS 1, BS 2, BS 3 og BS 4. Byggingarfulltrúi og skoðunarmenn stýra eftirliti með framkvæmdum samkvæmt ferlum og verklagi viðkomandi sveitafélags og uppfæra skráð byggingarstig í kerfum HMS til samræmis við raunverulega framvindu framkvæmda.
Stöðumat íbúða
Hver og ein íbúð er metin í ákveðinni stöðu eftir þeim gögnum sem liggja fyrir í kerfum HMS. Mannvirkjaskrá HMS nýtir gögn úr fasteignaskrá og eftir atvikum gögn um byggingarleyfismál sem berast úr kerfum sveitarfélaga. Mannvirkjaskrá geymir einnig skráningar um úttektir sem byggingarstjórar og skoðunarmenn byggingarfulltrúa framkvæma vegna útgefinna byggingarleyfa. Þessi gögn eru nýtt til að meta sem best stöðu hverrar íbúðar, á hverjum tíma í mannvirkjaskrá.
Íbúð flokkast í byggingu ef:
Stærðir íbúða
Íbúðir eru flokkaðar í mismunandi stærðarflokka eftir því hvort tegund húsnæðis er einbýlis og sérbýlishús eða fjölbýlishús. Stærðarflokkun byggist á sömu forsendum og notaðar eru við stærðarflokkun útreiknings á vísitölu húsnæðisverðs hjá HMS.
Framvinda
Framvinda íbúða er ákvörðuð út frá matsstigi og gerð byggingar. Matsstig íbúða í byggingu endurspeglar m.a. talningu HMS.
