Mánudaginn 9. nóvember halda HMS og Tryggð byggð í samstarfi við SSNE opinn fund um þróun og framtíðahorfur íbúðamarkaðar, bygginga og skipulagsmála á Norðurlandi eystra. Fundurinn verður haldinn í húsakynnum HMS við Hafnarstræti 107 á Akureyri, kl. 12 og er opinn öllum.

Á fundinum verður meðal annars fjallað um atvinnuþróun í landsbyggðunum, stöðuna á íbúðamarkaði og stöðu innleiðingar nýs viðmóts byggingarleyfa og næstu skref við þróun viðmótsins. Einnig það helsta sem er á döfinni í skipulagsmálum, eftirlitsmálum í mannvirkjagerð og tillögum að breytingum ásamt því að farið verður yfir starfsemi slökkviliða.

Berglind Ósk Guðmundsdóttir, bæjarstjóri Akureyrarbæjar

Kristín Amalía Líndal, hagfræðingur hjá HMS

Auður Ævarr Sveinsdóttir, verkefnastjóri mannvirkjaskrár hjá HMS

Ólafur Árnason, framkvæmdastjóri skipulags og umhverfismats hjá HMS

Breytt byggingareftirlit og einföldun regluverks

Jörundur Ragnar Blöndal, teymisstjóri öryggis og eftirlits mannvirkja hjá HMS

Starfsemi slökkviliða og stjórntæki sveitarfélaga

Helga Einarsdóttir, teymisstjóri brunavarna og slökkviliða hjá HMS

Fundarstjóri verður Albertína Friðbjörg Elíasdóttir, framkvæmdastjóri SSNE.

Húsið opnar kl. 11:45 og verður boðið upp á léttar veitingar meðan á fundi stendur. Fundargestum er boðið samtal við frummælendur eftir fundinn.

Við bjóðum öll velkomin á fundinn og hlökkum til að sjá ykkur sem flest.

Þróun og framtíðarhorfur íbúðamarkaðar, bygginga- og skipulagsmála á Norðurlandi eystra

HMS og IÐAN fræðslusetur standa í sameiningu fyrir námskeiði um CE-merkingar byggingarvara og þær kröfur sem gilda um markaðssetningu þeirra og notkun.

Á námskeiðinu verður farið yfir lög og reglugerðir um byggingarvörur, mikilvægi CE-merkinga og skyldur þeirra sem framleiða, selja eða nota byggingarvörur. Einnig verður fjallað um samhæfða staðla og hvernig meta skuli eiginleika byggingarvara þegar slíkir staðlar eru ekki fyrir hendi.

Markmið námskeiðsins er að efla þekkingu þátttakenda á gildandi reglum og gera þeim kleift að meta hvort byggingarvörur uppfylli viðeigandi kröfur.

Nánar um námskeiðið er á vef IÐUNNAR fræðsluseturs.

Housing benefit takes the form of monthly payments intended to assist those who rent residential premises, whether this is within the socially-assisted housing system, in student residences or on the open rental market. The Housing and Construction Authority handles the implementation of the Housing Benefit Act, No. 75/2016, and takes decisions regarding entitlement to housing benefit.

Húsnæðis- og mannvirkjastofnun

Mælaborð

Vefþjónustur

Mánaðarskýrsla HMS

Útgefið efni

Grunngögn til niðurhals

Vefsjár fasteigna

Gögn og mæliborð

Eignin mín

Lán til einstaklinga

Starfsleyfi og löggildingar

Húsnæðisbætur og leigumál

Rafmagnsöryggi

Umsóknir og eyðublöð

Ísland.is

Housing benefits

Loan site

Öryggi mannvirkja

Um HMS

Upplýsingar

Fréttir og tilkynningar

Mælanleg gögn

Contact us

Hafðu samband

Landeigendur geta bókað fund með sérfræðingum HMS til að ræða tillögur að eignamörkum og koma á framfæri athugasemdum

Fundir verða haldnir á Egilsstöðum 9.–10. nóvember og í Reykjavík 16.–17. nóvember

Hægt er að bóka 15–30 mínútna fund með tölvupósti á jardir@hms.is eða í síma 440-6400

Landeigendum gefst kostur á að bóka fund með sérfræðingum HMS vegna Áætlunar eignamarka. Á fundi er hægt að fá nánari upplýsingar um verkefnið, skoða tillögur að eignamörkum og koma á framfæri athugasemdum eða upplýsingum sem kunna að skipta máli.

Sérfræðingar HMS verða til viðtals á eftirfarandi stöðum:

Egilsstaðir 9.–10. nóvember: Austurbrú, Vonarland, Egilsstaðir

Reykjavík 16.–17. nóvember: Skrifstofa HMS, Borgartún 21, Reykjavík

Utan þessara dagsetninga er einnig hægt að koma við á skrifstofu HMS á Akureyri, Hafnarstræti 107, og ræða við sérfræðinga verkefnisins. Við mælum með að fólk geri boð á undan sér.

Boðið er upp á 15–30 mínútna fundi með hverjum landeiganda. Til að nýta tímann sem best eru landeigendur hvattir til að kynna sér tillögurnar fyrir fundinn og hafa meðferðis þær upplýsingar eða gögn sem þeir telja að geti skipt máli.

Hægt er að bóka fund með því að senda tölvupóst á jardir@hms.is eða hringja í 440-6400.

Landeigendur geta bókað fund vegna Áætlunar eignamarka

Að meðaltali 69 íbúðir urðu fullbúnar á Austurlandi undanfarin þrjú ár á sama tíma og áætluð þörf miðað við fólksfjölgun var um 70 íbúðir á ári 

Í september voru 84 íbúðir í byggingu á Austurlandi, 17 færri en ári áður

Landeigendur geta bókað viðtal við sérfræðinga HMS á Egilsstöðum til að fara yfir áætluð eignamörk jarða sinna

Íbúðauppbygging á Austurlandi hélt í við fólksfjölgun á árunum 2023–2025 og útlit er fyrir að svo verði einnig í ár. Það sem af er ári bendir þróun mannfjöldans til þess að fólksfjölgun verði nálægt lágspá sveitarfélaganna. Gangi það eftir er líklegt að fjöldi fullbúinna íbúða á árinu verði í takt við þörf. Þetta kom fram á vel sóttum fundi sem HMS og Tryggð byggð héldu í samstarfi við Austurbrú á Reyðarfirði þriðjudaginn 3. nóvember.

Jóna Árný Þórðardóttir, bæjarstjóri Fjarðabyggðar, og Dagmar Ýr Stefánsdóttir, sveitarstjóri Múlaþings, fluttu hvor sitt erindi um stöðuna í sveitarfélögunum. Jóna Árný fjallaði um íbúðauppbyggingu í nokkrum byggðakjörnum Fjarðabyggðar og kynnti nýjar aðferðir við framleiðslu húsa á svæðinu. Dagmar Ýr fór yfir stöðu framkvæmda í Múlaþingi og húsnæðisáætlun sveitarfélagsins, þar sem áhersla er lögð á minni og meðalstórar íbúðir.

Á fundinum kynnti Auður Ævarr Sveinsdóttir, verkefnastjóri hjá HMS, einnig þróun mannvirkjaskrár og Ólafur Árnason, framkvæmdastjóri skipulags og umhverfismats hjá HMS, fór yfir það helsta sem er á döfinni í skipulagsmálum.

Íbúðum í byggingu fækkar þrátt fyrir horfur á aukinni þörf

Jón Örn Gunnarsson, sérfræðingur húsnæðisáætlana hjá HMS, fjallaði um þróun íbúðamarkaðarins á Austurlandi. Fólksfjölgun í landshlutanum hefur einkum verið í Múlaþingi og Fjarðabyggð. Frá árinu 2015 hefur íbúum Múlaþings fjölgað um rúmlega 600 og íbúum Fjarðabyggðar um tæplega 350.

Alls urðu 208 íbúðir fullbúnar á Austurlandi á árunum 2023–2025, eða 69 á ári að meðaltali. Horft lengra fram í tímann gerir miðspá í húsnæðisáætlunum sveitarfélaganna ráð fyrir að á Austurlandi þurfi að meðaltali 94 nýjar íbúðir á ári á tímabilinu 2026–2035. Gangi miðspáin eftir þyrfti því að byggja um 25 fleiri íbúðir á ári en að jafnaði á árunum 2023–2025. Þróunin það sem af er ári bendir þó til þess að fólksfjölgun á Austurlandi verði nær lágspá sveitarfélaganna á þessu ári. Miðað við þær horfur er útlit fyrir að íbúðauppbygging verði í takt við þörf í ár líkt og síðustu ár.

Íbúðum í byggingu hefur á sama tíma fækkað tvö ár í röð. Í september 2024 voru 114 íbúðir í byggingu á Austurlandi, 101 í september 2025 og 84 í september síðastliðnum. Það jafngildir 17 prósenta fækkun á einu ári.

Landeigendur geta bókað viðtal á Egilsstöðum

Friðrik Örn Bjarnason, sérfræðingur í fasteignaskráningu hjá HMS, kynnti vinnu við að áætla eignamörk jarða á Austurlandi. Nýlega sendi HMS eigendum um 1.160 jarða á Norðaustur- og Austurlandi tilkynningu um að drög að eignamörkum væru aðgengileg í vefsjá landeigna. Við gerð draganna var meðal annars stuðst við landamerkjalýsingar, þinglýst skjöl og loftmyndir. Staðþekking landeigenda getur skipt máli, til dæmis þegar örnefni í eldri landamerkjalýsingu er eina vísbendingin um hvar mörk liggja.

Teymi frá HMS verður á Egilsstöðum 8. og 9. nóvember og geta landeigendur bókað tíma til að fara yfir drögin með sérfræðingum stofnunarinnar. Fyrirspurnir um viðtalstíma má senda á jardir@hms.is en einnig er hægt að koma athugasemdum á framfæri í gegnum island.is. Landeigendur hafa sex vikur frá birtingu draganna til að koma athugasemdum á framfæri.

Næsti fundur HMS og Tryggðrar byggðar verður á Akureyri mánudaginn 9. nóvember kl. 12:15 og sá næsti á Akranesi föstudaginn 13. nóvember kl. 11.45. Síðar í nóvember eru fyrirhugaðir fundir á Sauðárkróki, Selfossi, í Reykjanesbæ og Reykjavík. Fundirnir eru opnir öllum.

Íbúðauppbygging á Austurlandi heldur í við fólksfjölgun

Ný brunavarnaáætlun Slökkviliðs Þingeyjarsveitar hefur verið samþykkt og gildir í fimm ár

Starfssvæði slökkviliðsins nær yfir 12.000 ferkílómetra

Nú eru 74% slökkviliða með virka brunavarnaáætlun

Þann 22. október sl. var ný brunavarnaáætlun Slökkviliðs Þingeyjarsveitar samþykkt. Áætlunin var samþykkt af sveitarstjórn Þingeyjarsveitar og HMS. Brunavarnaáætlun er öflugt tæki til að skapa heildarsýn yfir starfsemi og ástand slökkviliðsins og hversu vel það er í stakk búið til að takast á við hættur á sínu starfssvæði til að vernda líf og eignir manna.

Í brunavarnaáætluninni kemur fram að starfssvæði slökkviliðs Þingeyjarsveitar er yfir 12.000 ferkílómetrar að stærð. Stærstu áhætturnar í sveitarfélaginu eru Vaðlaheiðargöng, virkjani og stór hótel. Einnig er talsverð áhætta vegna hópslysa í sveitarfélaginu vegna mikillar umferðar á ferðamannastöðum. Þetta kallar á öflugt, vel mannað og vel þjálfað slökkvilið. Hér má lesa brunavarnaáætlunina í heild:

Brunavarnaáætlun Þingeyjarsveitar samþykkt.pdf

Brunavarnaáætlun Slökkviliðs Þingeyjarsveita

Hörður Sigurðsson slökkviliðsstjóri Þingeyjarsveitar sagði við þetta tækifæri:

„Þingeyjarsveit hefur samþykkt brunavarnaráætlun sveitarfélagsins. Öflug og vel ígrunduð brunavarnaráætlun er grundvallarþáttur í því að tryggja öryggi íbúa, mannvirkja og starfsemi sveitarfélagsins. Þetta á ekki síst við í víðfeðmu og dreifbýlu sveitarfélagi eins og Þingeyjarsveit, þar sem byggð er dreifð, vegalengdir miklar og viðbragðstími getur verið lengri en í þéttbýlli sveitarfélögum. Við slíkar aðstæður skiptir markvisst skipulag brunavarna, mannafla, búnaðar og viðbragðsgetu sérstaklega miklu máli.

Við gerð brunavarnaráætlunarinnar naut Þingeyjarsveit góðrar aðstoðar og faglegrar ráðgjafar starfsmanna brunavarnarsviðs HMS. Sveitarfélagið vill koma á framfæri sérstökum þökkum til starfsmanna sviðsins fyrir þeirra mikilvæga framlag, leiðbeiningar og gott samstarf við gerð áætlunarinnar.“

74 prósent slökkviliða með virka brunavarnaáætlun

Á þessu ári hafa einnig verið samþykktar brunavarnaáætlanir hjá Brunavörnum Suðurnesja, Brunavörnum Árnessýslu, Slökkviliði Múlaþings og Slökkviliði Langanesbyggðar. Hlutfall slökkviliða landsins með virka brunavarnaáætlun er komið upp í 74 prósent og er markmiðið að 80 prósent slökkviliða séu með samþykkta brunavarnaáætlun fyrir árslok. Hlutfall landsmanna með virka brunavarnaáætlun er komið upp í 96 prósent og hefur aldrei verið hærra. Í byrjun árs 2026 voru um 90 prósent landsmanna með virka brunavarnaáætlun.

Að hafa samþykktar brunavarnaáætlanir er mikilvægt hagsmunamál fyrir íbúa landsins, þar sem þær lýsa viðbúnaði slökkviliða og eiga þar með að tryggja betra öryggi.

HMS óskar Slökkviliði Þingeyjarsveitar og íbúum sveitarfélagsins innilega til hamingju með nýja brunavarnaáætlun.

Ný brunavarnaáætlun Þingeyjarsveitar tekur gildi

HMS greiddi tæpan milljarð króna í húsnæðisstuðning til 18 þúsund heimila í október

Rúmlega helmingur heimilanna fengu skertar húsnæðisbætur af ýmsum ástæðum

Skerðing húsnæðisbóta er misalgeng eftir tegund húsnæðis

HMS greiddi 966 milljónir króna í húsnæðisstuðning til 18.087 heimila á leigumarkaði vegna leigu í október 2026. Rúmlega helmingur þeirra fékk greiddar skertar húsnæðisbætur, en ástæður skerðingar má ýmist rekja til hárra tekna, mikilla eigna eða lágrar leigufjárhæðar. Skerðing húsnæðisbóta er algengust meðal heimila sem leigja húsnæði í sambýlum fyrir fólk með fötlun, en er sjaldgæfari meðal námsmanna sem leigja húsnæði á stúdentagörðum.

Af þeim 18.087 heimilum sem fengu greiddar húsnæðisbætur í október fengu 53% heimila greiddar skertar húsnæðisbætur á meðan 47% fengu greiddar óskertar bætur.

Hlutfall heimila sem fengu skertar bætur er þó mishátt eftir tegund húsnæðis. Um 70% þeirra sem leigja húsnæði í sambýlum fyrir fólk með fötlun fengu skertar bætur í október. Leiguverð í sambýlum er oft lægra en fullar húsnæðisbætur og þar sem húsnæðisbætur geta ekki numið hærri fjárhæð en 75% af heildarleiguverði getur lágt leiguverð leitt til skerðingar á greiddum húsnæðisbótum.

Að öðru leyti er meginástæða bótaskerðingar almennt að umsækjendur hafa tekjur eða eignir umfram neðri skerðingarmörk í húsnæðisbótakerfinu. Skerðing vegna tekna eða eigna er til að mynda algeng meðal leigjenda sem leigja húsnæði í eigu ríkis eða sveitarfélaga, þar sem 57% heimila fengu skertar húsnæðisbætur. Sambærilegt hlutfall leigjenda sem leigja húsnæði í einkaeigu fengu skertar húsnæðisbætur vegna tekna eða eigna.

Lægst var hlutfall skerðingar meðal heimila sem leigja húsnæði á heimavistum og námsgörðum, eða um 31%. Námsmenn eru að jafnaði með lágar tekjur á meðan á skólaárinu stendur sem kann að skýra lágt hlutfall skerðingar meðal þeirra. Af þeim sem leigja húsnæði á áfangaheimilum var hlutfall heimila sem fengu skertar húsnæðisbætur jafnframt í lægri kantinum, en meginástæða bótaskerðingar í þeim hópi voru tekjur og eignir umfram neðri skerðingarmörk.

Tæpur milljarður króna var greiddur í húsnæðisstuðning vegna leigu í október

Þann 30. október síðastliðinn greiddi HMS um 966 milljónir króna í húsnæðisstuðning til leigjenda vegna leigu í október. Greiðslurnar miða að því að draga úr húsnæðiskostnaði tekju- og efnaminni leigjenda og auka húsnæðisöryggi þeirra.

Stærsti hluti greiðslna í október var vegna almennra húsnæðisbóta, en HMS greiddi tæpar 932 milljónir króna til um 18.087 heimila í almennar húsnæðisbætur.

HMS greiðir einnig sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Í október voru greiddar tæpar 34 milljónir króna til 1.128 heimila í Kópavogi og 79 heimila í Skagafirði. Sérstakur húsnæðisstuðningur er á vegum sveitarfélaganna og er honum ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna.

Tilraunaverkefnið hefur gefið góða raun með aukinni skilvirkni í afgreiðslu umsókna og einfaldara ferli gagnvart leigjendum. Í vegvísi að markvissari húsnæðisstuðningi við leigjendur lagði HMS til að kerfi almennra húsnæðisbóta og sérstaks húsnæðisstuðnings verði samþætt í eitt heildstætt kerfi. Fyrsta skrefið verði að sameina umsóknarferli og eftir atvikum umsóknarkerfi þannig að hægt verði að sækja um allan stuðning á einum stað.  

Húsnæðisbætur voru skertar hjá rúmlega helmingi heimila í október

HMS hefur uppfært leiguverðsjá til að bæta gæði og auka samræmi við Hagstofu Íslands í meðhöndlun gagna um leigumarkaðinn

Samhliða uppfærslu var útreikningum í leiguverðsjá breytt til að taka betur mið af samsetningu leigumarkaðarins

Upplýsingar í leiguverðsjá hafa verið uppfærðar afturvirkt þannig að þróun leiguverðs yfir tíma byggi á samræmdri aðferð

Ný og uppfærð leiguverðsjá HMS hefur verið tekin í notkun. Hægt er að nálgast hana með því að smella á hnappinn fyrir neðan, en uppfærslan er afrakstur samvinnu HMS og Hagstofu til að bæta enn frekar gæði og samanburðarhæfni í upplýsingum um þróun leiguverðs á Íslandi.

Aukið samræmi í upplýsingum um leigumarkaðinn

Á síðustu misserum hefur reiknuð og greidd húsaleiga í vísitölu neysluverðs hækkað hraðar en meðalleiga á fermetra í leiguverðsjá HMS og vísitala leiguverðs. HMS hefur áður bent á þetta ósamræmi, en mismunandi þróun er að miklu leyti vegna þess að grundvallarmunur er á aðferðarfræði og undirliggjandi gögnum hjá Hagstofu og HMS.

HMS og Hagstofa hafa undanfarið unnið saman við að auka enn frekar samræmi og gæði gagna um leigumarkaðinn. Í kjölfar þeirrar samvinnu hefur HMS fært verklag sitt við gagnahreinsun nær verklagi Hagstofu. Meiri áhersla er nú á að sigta út samninga sem ekki eru taldir gefa rétta mynd af markaðsverði.

Í eldri útgáfu leiguverðsjár var litið til gildra samninga í leiguskrá, að undanskildum samningum sem álitnir eru útlagar með tilliti til stærðar, leiguverðs og fermetraverðs. Auk þess voru undanskildir samningar þar sem meira en 5 ár voru liðin frá upphafsdegi samnings eða síðustu breytingu á samningi.

Í nýrri útgáfu leiguverðsjár er áfram miðað við framangreinda útlagahreinsun að viðbættum tveimur síum. Leiguverðsjá tekur nú einungis til leigusamninga þar sem heildarflatarmál gildra leigusamninga á tiltekna leigueiningu á hverjum tíma rúmast innan skráðs flatarmáls leigueiningarinnar samkvæmt fasteignaskrá. Í því samhengi eru nýrri samningar teknir fram yfir eldri samninga.

Jafnframt tekur leiguverðsjá nú einungis til nýjasta samnings sem tiltekinn leigjandi gerir um tiltekna  leigueiningu á hverjum tíma í þeim tilvikum þar sem fleiri en einn samningur er í gildi. Með framangreindum viðbótarsíum er leitast við að fá betri mynd af þróun leiguverðs gildra leigusamninga.

HMS minnir á að samkvæmt húsaleigulögum er leigusölum skylt að afskrá leigusamninga sem fallið hafa úr gildi. Afskráning samninga sem eru ekki lengur í gildi er afar mikilvæg til að tryggja að upplýsingar sem miðlað er úr leiguskrá endurspegli raunverulega stöðu á leigumarkaði.

Leiguverðsjá uppfærð til að taka betur mið af samsetningu leigumarkaðarins

Í nýrri útgáfu leiguverðsjár er tekið tillit til mismunandi fjölda leigusamninga í mismunandi flokkum þegar meðalfermetraverð leigusamninga er reiknað. Fyrri útgáfa leiguverðsjár sýndi óvigtað meðaltal af fermetraverði gildra samninga um íbúð eftir stærð, herbergjafjölda staðsetningu, aldri húsnæðis og gerð leigusamnings, en tók tillit til þessara þátta í útreikningum á fermetraverði nýrra samninga.

Leiguverðsjáin byggir á öllum samningum sem eru skráðir í leiguskrá HMS og teljast tækir til tölfræðivinnslu. Í leiguverðsjánni er hægt að athuga meðalleiguverð á fermetra í nýjum samningum og öllum gildum samningum um allt land.

Um 25 þúsund leigusamningar liggja nú til grundvallar útreikningum á fermetraverði gildra samninga í leiguverðsjá HMS fyrir októbermánuð. Þó eru rúmlega 35 þúsund leigusamningar í gildi samkvæmt leiguskrá, en HMS undanskilur hluta þeirra við verðútreikninga ef samningar teljast ekki endurspegla eðlilega markaðsvirkni.

Leiguverðsjá er í stöðugri þróun og HMS fagnar öllum ábendingum sem geta orðið til þess að bæta upplýsingagjöf um leigumarkað og önnur málefnasvið HMS.

HMS og Hagstofa vinna að bættum upplýsingum um leiguverð

Skyld ákvæði um aðgengi og öryggi sameinuð í einn hluta

Algild hönnun sett fram sem meginregla með afmörkuðum undanþágum

Aukið svigrúm til faglegs mats og mismunandi lausna

Í drögum að nýjum 4. hluta byggingarreglugerðar um algilda hönnun og öryggi er lagt til að ákvæði um aðgengi og örugga notkun mannvirkja og lóða þeirra verði sameinuð og framsetning þeirra einfölduð. Markmiðið er að skapa skýrari heild, draga úr endurtekningum og gera grunnkröfur reglugerðarinnar aðgengilegri.

Nýr 4. hluti tekur efnislega einkum til ákvæða í 6. hluta gildandi byggingarreglugerðar um aðkomu, umferðarleiðir og innri rými mannvirkja, 7. hluta um útisvæði við mannvirki og 12. hluta um öryggi við notkun. Í drögunum er efninu skipað í fimm kafla sem fjalla um:

Almenn ákvæði um algilda hönnun og öryggi

Kröfur út frá fyrirhugaðri notkun og sérákvæði

Ein helsta breytingin felst í skýrari framsetningu meginreglunnar um algilda hönnun. Í drögunum er meginreglan sett fram með almennum hætti fyrir allar byggingar, aðkomu að þeim og útisvæði, en þau tilvik þar sem heimilt er að víkja frá henni eru tilgreind sérstaklega. Samkvæmt greinargerðinni er breytingunni ætlað að skýra gildissvið krafnanna og samræmist þessi framsetning því sem almennt tíðkast á Norðurlöndum. Áhersla er lögð á að hönnun taki mið af ólíkum þörfum fólks og stuðli að sjálfstæði notenda.

Þá er lagt til að nánari tæknileg viðmið og dæmi um útfærslur verði færð í leiðbeiningar þar sem því verður við komið. Grunnkröfur um aðgengi og öryggi verða áfram í reglugerðinni, en með breytingunum er leitast við að skapa aukið svigrúm til faglegs mats og ólíkra lausna sem uppfylla þær kröfur.

Drögin eru hluti af endurskoðun byggingarreglugerðarinnar. Drög að 4. hluta, greinargerð og upptaka af kynningarfundi eru aðgengileg á vefsíðu byggingarreglugerðar. Hagaðilar eru hvattir til að kynna sér drögin og greinargerðina og koma sjónarmiðum sínum á framfæri. Athugasemdir má senda rafrænt á byggingarreglugerd@hms.is.

Þau sem hafa áhuga á að fylgjast áfram með framvindu verkefnisins geta skráð sig á póstlista HMS. Þau sem skrá sig fá upplýsingar um:

birtingu nýrra draga að reglugerð og leiðbeiningum,

annað efni sem tengist endurskoðun byggingarreglugerðar.

Við hvetjum alla hagaðila til að skrá sig og fylgjast með verkefninu.

Skýrari ákvæði um algilda hönnun og öryggi í drögum að nýrri byggingarreglugerð

Aðeins níu íbúðir voru í byggingu á Vestfjörðum í september þrátt fyrir væntingar um áframhaldandi fólksfjölgun

Mannvirkjaskrá á að einfalda gagnaskil og draga úr tvíverknaði

Skipulag íbúðabyggðar ætti að taka meira mið af áætlaðri húsnæðisþörf og langtímasýn sveitarfélaga 

Góð mæting var á opinn fund HMS og Tryggðrar byggðar á Ísafirði fimmtudaginn 29. október síðastliðinn. Fundurinn var hluti af fundaröð sem HMS og Tryggð byggð standa fyrir í samstarfi við landshlutasamtök sveitarfélaganna um stöðu og framtíðarhorfur íbúðauppbyggingar og mannvirkjamála. 

Á fundinum var fjallað um húsnæðismarkaðinn á Vestfjörðum auk þess sem helstu verkefni HMS í mannvirkja- og skipulagsmálum voru kynnt. Gylfi Ólafsson, bæjarstjóri Ísafjarðarbæjar, fjallaði jafnframt um stöðuna í sveitarfélaginu.

Fólki fjölgar en fáar íbúðir eru í byggingu

Tryggvi Magnússon, sérfræðingur húsnæðisáætlana hjá HMS, fór yfir stöðu íbúðauppbyggingar og framtíðarhorfur á Vestfjörðum. Eftir áratugi fólksfækkunar hefur íbúum landshlutans aftur fjölgað og íbúðauppbygging tekið við sér. Fasteignamarkaðurinn hefur þó kólnað líkt og annarstaðar samhliða vaxtahækkunum frá árinu 2022.

Í september voru aðeins níu íbúðir í byggingu á Vestfjörðum, samanborið við 74 á sama tíma árið 2023. Flestar íbúðirnar eru jafnframt skammt á veg komnar. Húsnæðisáætlanir vestfirskra sveitarfélaga gera hins vegar ráð fyrir áframhaldandi fólksfjölgun og meiri íbúðaþörf en uppbygging síðustu ára hefur að jafnaði mætt.

Hár vaxtakostnaður getur gert uppbyggingaraðilum erfiðara fyrir að mæta aukinni íbúðaþörf með nýbyggingum. Víða á Vestfjörðum bætist við að byggingarkostnaður getur verið hærri en markaðsverð íbúða, en sá vandi var til staðar áður en vextir hækkuðu. Fólksfjölgun og aukin íbúðaþörf tryggja því ekki einar og sér fjárhagslegar forsendur fyrir nýbyggingum.

Þar geta úrræði HMS, meðal annars landsbyggðarlán, stofnframlög og sérstök byggðaframlög hjálpað til við að rjúfa kyrrstöðu. Húsnæðisáætlanir eru grunnur að því að beina stuðningi þangað sem þörfin er mest. Aðeins fimm af átta sveitarfélögum á Vestfjörðum höfðu hins vegar skilað og staðfest húsnæðisáætlun á árinu. Á fundinum var lögð áhersla á mikilvægi þess að sveitarfélög uppfæri áætlanir sínar og meti hvort fyrirhuguð uppbygging og lóðaframboð samræmist íbúðaþörf.

Mannvirkjaskrá á að einfalda ferli og bæta gögn

Auður Ævarr Sveinsdóttir, verkefnastjóri Mannvirkjaskrár hjá HMS, kynnti skrána og næstu skref í þróun hennar. Mannvirkjaskrá heldur utan um upplýsingar um stærð og eiginleika mannvirkja, stöðu framkvæmda, byggingarleyfi og úttektir. Henni var komið á til að samræma skráningu og ferli á landsvísu, draga úr tvískráningu og auðvelda upplýsingaflæði milli sveitarfélaga, fagaðila og stjórnvalda.

Áfram verður unnið að því að samræma hvernig sótt er um byggingarleyfi. Í framhaldinu verður unnið að frekari tengingum milli kerfa og aukinni sjálfvirkni, meðal annars við sannprófun upplýsinga. Til lengri tíma er horft til móttöku stafrænna hönnunarlíkana (BIM) og þess að gögnin nýtist yfir líftíma mannvirkja, auk þess að styðja eftirlit, áætlanagerð og stefnumótun.

Húsnæðis- og skipulagsáætlanir þurfa að tala betur saman

Ólafur Árnason, framkvæmdastjóri sviðs skipulags og umhverfismats hjá HMS, fór yfir helstu verkefni á döfinni í skipulagsmálum. Þar er meðal annars unnið að aukinni samþættingu húsnæðisáætlana og skipulags, svo að skipulag íbúðabyggðar taki betur mið af áætlaðri húsnæðisþörf og langtímasýn sveitarfélaganna.

Í kynningunni kom fram að stefnt sé að innleiðingu stafrænna undirritana skipulagsáætlana vorið 2027 og að greiningarvinna og samráð vegna heildarendurskoðunar skipulagslaga hefjist í upphafi næsta árs. Jafnframt var fjallað um mikilvægi þess að sveitarfélög meti þörf á endurskoðun aðalskipulags í kjölfar sveitarstjórnarkosninga, meðal annars með hliðsjón af húsnæðisþörf, loftslagsbreytingum og náttúruvá.

Einnig kom fram að samkvæmt skipulagsgátt voru 44 mál á Vestfjörðum í vinnslu. Gáttin veitir almenningi aðgang að skipulagsmálum, umhverfismati og framkvæmdaleyfum á einum stað. Þar er hægt að kynna sér gögn, senda inn athugasemdir og gerast áskrifandi að málum eða tilkynningum um ný mál á tilteknum svæðum.

Fundaröð HMS og Tryggðar byggðar heldur áfram á næstu vikum. Næstu fundir verða eftirfarandi:

•	Reyðarfjörður: 3. nóvember kl. 11:45.

Í seinni hluta nóvember eru jafnframt fyrirhugaðir fundir á Sauðárkróki, Selfossi, í Reykjanesbæ og Reykjavík. Nánari upplýsingar verða auglýstar síðar.

Fundirnir eru opnir öllum og áhugasamir eru hvattir til að mæta.

Íbúðauppbygging á Vestfjörðum þarf að halda í við fólksfjölgun

Shortcuts

Events

An equity loan is a new solution for low-income persons and individuals with limited assets.

This type of loan is intended to aid first time buyers who are below a certain income possibility curve in order to enable them to bridge the equity gap when buying real estate property.

Equity loan

Housing benefit takes the form of monthly payments intended to assist those who rent residential premises, whether this is within the socially-assisted housing system, in student residences or on the open rental market.

Housing, construction and planning authority

Landið allt

Housing, construction and planning authority

Events

Þróun og framtíðarhorfur íbúðamarkaðar, bygginga- og skipulagsmála á Norðurlandi eystra

Námskeið: CE merkingar byggingavara