Í ágúst voru 138 nýjar lóðir um allt land staðfestar í fasteignaskrá og fjölgar þeim um eina lóð milli mánaða. Flestar lóðir voru íbúðarhúsalóðir eða alls 37. Slíkum lóðum fækkar á milli mánaða, en í júlí var 61 íbúðarhúsalóð skráð. Auk þess voru skráðar 22 sumarhúsalóðir og 28 atvinnuhúsalóðir.

Fjöldi ný­skráðra lóða eft­ir öll­um flokk­um

Myndin hér að ofan sýnir mánaðarlegar tölur um fjölda nýskráðra lóða eftir öllum flokkum. Lóðir skráðar sem annað land eða einfaldlega lóð voru 44 talsins í ágúst, en líklegast er að þessar lóðir breyti um gerð þegar fram líða stundir og verði þá skráðar sem atvinnu-, sumarhúsa- eða íbúðarlóðir.

Flest­ar ný­skráð­ar íbúð­ar­húsa­lóð­ir í Sveit­ar­fé­lag­inu Ár­borg

Flestar nýjar íbúðarhúsalóðir voru staðfestar í Sveitarfélaginu Árborg í ágúst eða alls 11 lóðir, en flestar íbúðarhúsalóðir hafa verið staðfestar þar frá áramótum eða 99 talsins. Sjö sumarhúsalóðir voru staðfestar í Grímsnes- og Grafningshreppi í ágúst, en alls hafa 75 sumarhúsalóðir verið staðfestar þar á árinu.

Þrjú ræktunarlönd voru staðfest í ágúst í Eyjafjarðarsveit og Þingeyjarsveit. Auk þess voru þrjú vegsvæði staðfest í ágúst í Dalabyggð og Múlaþingi. Vegsvæði og vegamannvirki flokkast þó ekki undir mannvirki samkvæmt mannvirkjalögum og vegsvæði fá ekki fasteignamat.