Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Opnað hefur verið fyrir umsóknir um stofnframlög í fyrstu úthlutun ársins 2026. Stofnframlögin eru veitt til samfélagssinnaðra leigusala til að byggja eða kaupa almennar leiguíbúðir fyrir tekju- og eignaminni heimili. 

Umsóknarfrestur er til og með 5. mars næstkomandi 

Stofnframlög hafa verið veitt til uppbyggingar á um 4.000 íbúðum 

Frá árinu 2016 þegar lög um almennar íbúðir tóku gildi hafa stjórnvöld, ríki og sveitarfélög úthlutað stofnframlögum upp á um 51 milljarð króna til uppbyggingar á um 4.000 leiguíbúðum víðsvegar um landið.  

Fjölgun íbúða með stofnframlögum eftir landshlutum 

Stofnframlög eru stuðningur í formi eiginfjár sem veitt eru annars vegar fyrir hönd ríkisins í gegnum HMS og hins vegar frá viðkomandi sveitarfélagi þar sem íbúðirnar koma til með að vera staðsettar í. 

Markmiðið með stofnframlögum er að fjölga hagkvæmum leiguíbúðum með viðráðanlegan húsnæðiskostnað og bæta húsnæðisöryggi tekju- og eignaminni heimila. Húsnæðiskostnaður á að vera í samræmi við greiðslugetu og að jafnaði ekki umfram fjórðung tekna. 

Það eru ýmsar kröfur gerðar til almennra íbúða, sem eru byggðar eða keyptar með stofnframlögum, þær þurfa að uppfylla skilyrði um hagkvæmni t.a.m. stærðarmörk m.t.t. fjölda svefnherbergja. Þessi umgjörð er til þess fallin að lækka leiguverð og skapa aukið húsnæðisöryggi tekju-og eignaminni heimila. 

Fyrirspurnir beinast á stofnframlag@hms.is 

Markmið uppfærslunnar er að veita betri upplýsingar um stöðu fyrstu kaupenda á húsnæðismarkaði, í samræmi við markmið HMS um að efla upplýsingagjöf og aðgengi að gögnum. Samhliða uppfærslunni verður annað mælaborð um fjölda og aldur kaupenda lokað.

Fyrstu kaupendur eru að meðaltali 33 ára gamlir

Frá mælaborðinu má meðal annars lesa að meðalaldur fyrstu kaupenda hefur haldist tiltölulega stöðugur á síðustu tveimur áratugum og er að jafnaði um 33 ár yfir tímabilið í heild.

Þá má einnig sjá á mælaborðinu að hlutfall fyrstu kaupenda af heildarfjölda kaupenda hefur sveiflast nokkuð yfir tímabilið, á bilinu um 25 til 35 prósent. Hæstu og lægstu gildi komu fram á tímamótum í samfélaginu, bæði fyrir og eftir fjármálahrunið og í kringum kórónuvírusfaraldurinn, þegar miklar breytingar urðu á efnahagslegum aðstæðum og vaxtastigi. 

Að meðaltali voru fyrstu kaupendur um 30 prósent allra kaupenda yfir tímabilið, eins og sjá má á myndinni hér að ofan. Hlutdeild fyrstu kaupenda á fasteignamarkaði hefur hins vegar aukist töluvert á síðustu mánuðum, en hún dróst hratt saman árið 2024 þegar kaupsamningum annarra kaupenda fjölgaði eftir jarðhræringar í Grindavík.

Uppfært mælaborð fyrstu kaupenda sýnir nú aldur og fjölda kaupenda

Meðalaldur fyrstu kaupenda hefur haldist nokkuð stöðugur frá árinu 2007

Hlutfall fyrstu kaupenda á fasteignamarkaði hefur aukist frá árinu 2024

Mælaborð fyrstu kaupenda á heimasíðu HMS hefur verið uppfært. Nú er hægt að nálgast upplýsingar um fjölda og aldur kaupenda eftir ársfjórðungum í mælaborðinu, sem nálgast má hér að neðan.

HMS greiddi þann 30. janúar sl. um 950 milljónir króna í húsnæðisstuðning til leigjenda vegna leigu í janúar. Þessar greiðslur styðja við þúsundir heimila um land allt og miða að því að draga úr húsnæðiskostnaði efnaminni leigjenda og auka húsnæðisöryggi þeirra.

Húsnæðisstuðningurinn skiptist í tvo meginflokka. Það eru, almennar húsnæðisbætur og sérstakur húsnæðisstuðningur sveitarfélaga.  

Stærsti hluti stuðningsins eru húsnæðisbætur, sem er ætlað að lækka húsnæðiskostnað tekju- og efnaminni leigjenda. HMS greiddi tæpar 920 milljónir króna til um 18.100 umsækjenda í almennar húsnæðisbætur vegna leigu í janúar.

Sérstakur húsnæðisstuðningur fyrir Kópavog og Skagafjörð

HMS greiðir einnig sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Sérstakur húsnæðisstuðningur er á vegum sveitarfélaganna og er ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna. Í janúar voru greiddar tæpar 30 milljónir króna til 1.025 umsækjenda í Kópavogi og 85 umsækjenda í Skagafirði vegna leigu í janúar.

Vísitölur íbúða- og leiguverðs verða framvegis birtar kl. 11:00, en þær voru áður gefnar út eftir lokun markaða kl. 15:30. Vísitala íbúðaverðs verður eftir sem áður birt á þriðja þriðjudegi hvers mánaðar og leiguvísitalan á miðvikudeginum eftir.

Hægt er að nálgast upplýsingar um vísitölurnar á heimasíðu HMS.

Mánaðarskýrsla HMS er gefin út á fimmtudegi í sömu viku og vísitölurnar eru birtar. Valin atriði úr skýrslunni verða framvegis kynnt á opnum fundi í húsakynnum HMS í Borgartúni 21 á útgáfudegi. Fundurinn verður einnig í opnu streymi á heimasíðu HMS.

Skráning er hafin á námskeið sem getur leitt til löggildingar mannvirkjahönnuða. Námskeiðið er ætlað fyrir mannvirkjahönnuði, sem óska löggildingar HMS til að gera aðal- og séruppdrætti sbr. ákvæði 25. og 26. gr. laga um mannvirki nr. 160/2010.

Námskeiðið verður haldið í mars og apríl 2026. Um er að ræða vefnámskeið haldið af Iðan-fræðslusetur. Kennsluform byggir aðallega á fyrirlestrum  (myndbönd) sem eru samtals um 22 klukkustundir og lestri á t.d. viðeigandi lögum og reglugerðum.  Námskeiðið verður opnað þriðjudaginn 24. mars kl. 9.00 og verða þeir opnir til 17. apríl kl. 13.00. Námskeiðinu lýkur með prófi föstudaginn 17. apríl kl. 9.00 – 13.00

Námskeið löggildingu mannvirkjahönnuða

Staðfesting ráðuneytis um réttindi til starfsheitis

Vottorð/um 3 ára starfsreynslu, sbr. 1. mgr. 26. gr. laga um mannvirki

Umsóknir skulu berast eigi síðar en mánudaginn 16. mars 2026

Námskeið fyrir löggildingu mannvirkjahönnuða

Námskeið fyrir löggildingu mannvirkjahönnuða

Póstlisti HMS

Útgáfuáætlun

Námskeið löggildingu mannvirkjahönnuða

Póstlisti HMS

Útgáfuáætlun

Fleiri fréttir

Opið fyrir umsóknir um stofnframlög

Mælaborð fyrstu kaupenda uppfært

Greiðsla húsnæðisbóta í janúar

Breyttur birtingartími vísitalna HMS

Fleiri fréttir

Opið fyrir umsóknir um stofnframlög

Mælaborð fyrstu kaupenda uppfært

Greiðsla húsnæðisbóta í janúar

Breyttur birtingartími vísitalna HMS