27. nóvember 2025
28. nóvember 2025
BURÐUR opnar fyrir umsóknir í Ask - mannvirkjarannsóknasjóð 2025
Útgáfuáætlun
Hér má sjá útgáfuáætlun HMS
Markmið sjóðsins er að styðja við rannsóknir sem skila gagnlegum og áreiðanlegum niðurstöðum og styrkja húsnæðis og mannavirkjagerð í heild. Við úthlutanir er horft sérstaklega til þarfa og áskorana í íslenskri mannvirkjagerð, með áherslu á lausnir byggðar á gögnum, nýjustu þekkingu og skýrum markmiðum um sjálfbærni.
Askur - mannvirkjarannsóknasjóður
ASKUR hvetur fagfólk úr háskólasamfélaginu, rannsókna- og nýsköpunargeiranum, opinberum aðilum og atvinnulífi að vinna saman að metnaðarfullum verkefnum. Verkefni eru metin út frá nýútgefin Rannsóknarþörf húsnæðis og mannvirkja og eru þrír áhersluflokkar í ár.
Íslenskt veðurfar
- Veður, slagregn, vindur, frost- og þíðuálag og áhrif loftslagsbreytinga á byggingar og byggingahluta
Rakatengd málefni og byggingagallar
- Virkni veðurhjúps, þéttingar, lagnakerfi og orsakavaldar rakaskemmda
Innivist
- Loftgæði, hljóðvist, ljósvist og áhrif á heilsu, vellíðan og notagildi bygginga.
Rannsóknarþörfin varpar ljósi á mikilvægi, umfang, eðli og samfélagslegan ávinning mannvirkjarannsókna í breiðum skilningi. Markvissari rannsóknavinna á sviði mannvirkjagerðar hjálpar rannsakendum að velja brýn viðfangsefni til rannsókna og mun hún vera í leiðarljósi við val á verkefnum til úthlutunar úr Aski. Rannsóknarþörfin í dag er ekki tæmandi yfirlit eða forgangsröðun rannsóknaþarfar í íslenskri húsnæðis- og mannvirkjagerð, hún gefur mynd af stöðunni eins og hún er í dag.
Nýjar áherslur í úthlutun 2025
Til að styðja markvissar rannsóknir verða úthlutanir á eftirfarandi hátt:
- Færri styrkir – hærri fjárhæðir. Í ár er leitast eftir að styðja færri en stærri verkefni.
- Meiri áhersla lögð á lokaafurðir. Nýtt matskerfi leggur m.a. aukna áherslu á gæði niðurstaða/lokaafurða og að niðurstöður nýtist húsnæðis- og mannvirkjagerð og samfélaginu í heild.
- Miðlun í fyrirrúmi. Burður er sameiginlegur miðlunarvettvangur og gert er ráð fyrir virkri miðlun niðurstaðna á vettvangi hans. Miðlun rannsókna fer fram í gegnum Burð – samstarfsvettvang mannvirkjarannsókna og prófana www.burdur.is
- Breytt fyrirkomulag útgreiðslna. Styrkir verða greiddir út í þremur hlutum (í stað tveggja)
- Lengri rannsóknarverkefni. Eins og undanfarin ár er miðað við að styrkja verkefni til 12 mánaða. Hægt er að sækja um rannsóknastyrki til allt að 36 mánaða. Fjármagn er tryggt fyrir fyrsta hluta verkefnisins og vilyrði veitt fyrir seinni úthlutunum. Skila þarf áfangaskýrslum (niðurstöðum) árlega sem verða birtar á vef Burðar.
Opið er fyrir umsóknir til 31. desember 2025. Veittur er frestur til lokaskila fylgigagna til 16. janúar 2026, sjá nánar í umsóknarferli.
Heildarfjármagn Asks í ár er 187,5 m.kr.
Nánari upplýsingar á askur@hms.is
Útgáfuáætlun
Hér má sjá útgáfuáætlun HMS
