Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunamálaskólinn

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Slökkviliðin

Stofnframlög

Þjónustuaðilar brunavarna

Þjónustuflokkar

Húsnæðisbætur og lán

Lánavefur

Öryggi mannvirkja

Brunavarnir

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

HMS hefur endurvakið útgáfu á svonefndum Rb-blöðum, sem eru tækni- og leiðbeiningablöð um mannvirkjagerð. Viðfangsefni Rb-blaða hafa verið fjölbreytt í gegnum tíðina. Í tilefni útgáfu nýrra blaða endurútgefur HMS eldri blöð í lok hvers mánaðar, það er blöð sem tengjast málefnum líðandi stundar. Rb-blað mánaðarins er í þetta skiptið tvö blöð og fjalla þau um snjóbræðslu.

Rb-blöð mánaðarins voru gefin út í ágúst 2002 og fjalla annars vegar um fræðilegu hlið þess að setja upp snjóbræðslukerfi og hins vegar um hagnýt atriði er varða uppbyggingu og frágang snjóbræðslukerfa. Blaðið Snjóbræðsla – fræðilegur grunnur má nálgast með því að smella á þennan hlekk. Blaðið Snjóbræðsla – hagnýt atriði má nálgast með því að smella á þennan hlekk.

Önnur útgefin Rb-blöð má nálgast með því að smella á þennan hlekk

Undanfarna áratugi hefur færst í vöxt að bræða snjó á gangstéttum, bílastæðum og götum með varmagjöf frá snjóbræðslukerfum.

Mikilvægt er að vanda til verka og huga meðal annars að afli, varma- og orkuþörf og afköstum kerfisins. Einnig þarf að huga vel að uppbyggingu og frágangi kerfanna. Skoða þarf hvort kerfin liggi undir hellum, malbiki eða steypu varðandi frágang og skilvirkni kerfisins. Enn fremur er mikilvægt að leggja kerfið rétt, að velja réttar lagnir og að velja rétt stjórnkerfi miðað við aðstæður.

Að mörgu er að hyggja sé verið að leggja snjóbræðslukerfi. Til að vel takist til er mikilvægt að undirbúningur, efnisval og frágangur sé í samræmi við áætluð not.

Vegvísir leigumarkaðar er kominn út og er honum ætlað að vera heildstæð árleg samantekt á stöðu og þróun leigumarkaðar

Vegvísinum er einnig ætlað að vera innlegg í stefnumótun stjórnvalda í málaflokknum og fyrir vikið hefur hún að geyma umfjöllun um framtíðarhorfur og tillögur að aðgerðum  

Ný ríkisstjórn hyggst ráðast í bráðaaðgerðir í húsnæðismálum m.a. til að fjölga íbúðum hratt og kerfisbreytingum sem miða að jafnvægi á húsnæðismarkaði

Nýr vegvísir leigumarkaðar er kominn út, en vegvísirinn er liður í stefnumótunarverkefni HMS um kortlagningu leigumarkaðar á Íslandi. Í vegvísinum má finna afurðir rannsókna og greininga á leigumarkaði árið 2024 og er honum ætlað að vera heildstæð árleg samantekt á stöðu og þróun leigumarkaðar. Farið var yfir helstu atriði vegvísis á opnum fundi um leigumarkaðinn á Íslandi í húsakynnum HMS fyrr í dag. 

Á fundinum fjallaði Jónas Atli Gunnarsson hagfræðingur hjá HMS um leigumarkaðinn á Íslandi, sögu hans, alþjóðlegan samanburð og núverandi stöðu. Drengur Óla Þorsteinsson verkefnastjóri leigumála HMS fór yfir framtíðarhorfur leigumarkaðar og tillögur HMS. Loks kynnti Anna Guðmunda Ingvarsdóttir sem situr í aðgerðarhópi um bráðaaðgerðir á húsnæðismarkaði frá vinnu hópsins sem er framundan.

Síðastliðin ár hefur verið markvisst unnið að því hjá stjórnvöldum að öðlast betri yfirsýn yfir íslenskan leigumarkað, stöðu hans og horfur. HMS var þannig falið það hlutverk að fylgjast með þróun og ástandi húsaleigumarkaðar, annast greiningar, rannsóknir og útgáfu upplýsinga um leigumarkaðinn. 

Tilgangur Vegvísis leigumarkaðar er að upplýsa almenning og stjórnvöld um stöðu leigumarkaðarins eins og hún birtist okkur í dag, en í rökréttu samhengi við söguna. Vegvísinum er einnig ætlað að vera innlegg í stefnumótun stjórnvalda í málaflokknum og fyrir vikið hefur hún að geyma umfjöllun um framtíðarhorfur og tillögur að aðgerðum.   

Vegvísir leigumarkaðar er ætlað að vera heildstæð árleg samantekt á stöðu og þróun leigumarkaðar. 

HMS boðar til opins fundar þriðjudaginn 25. febrúar kl. 10:00. Tilefni fundarins er útgáfa Vegvísis leigumarkaðar. Fundurinn verður haldinn í húsakynnum HMS í Borgartúni 21 og verður einnig sendur út í streymi á hms.is/streymi.

Síðastliðin ár hefur verið markvisst unnið að því hjá stjórnvöldum að öðlast betri yfirsýn yfir íslenskan leigumarkað, stöðu hans og horfur. HMS var þannig falið það hlutverk að fylgjast með þróun og ástandi húsaleigumarkaðarin, annast greiningar, rannsóknir og útgáfu upplýsinga um leigumarkaðinn.  

Tilgangur Vegvísis leigumarkaðar er að upplýsa almenning og stjórnvöld um stöðu leigumarkaðarins eins og hún birtist okkur í dag, en í rökréttu samhengi við söguna. Vegvísinum er einnig ætlað að vera innlegg í stefnumótun stjórnvalda í málaflokknum og fyrir vikið hefur hún að geyma umfjöllun um framtíðarhorfur og tillögur að aðgerðum. 

Leigumarkaðurinn á Íslandi; saga, alþjóðlegur samanburður og núverandi staða
Jónas Atli Gunnarsson, hagfræðingur og teymisstjóri hjá HMS

Framtíðarhorfur leigumarkaðar og tillögur HMS
Drengur Óla Þorsteinsson, verkefnastjóri leigumála HMS

Bráðaaðgerðir í húsnæðismálum
Ragnar Þór Ingólfsson, þingmaður og formaður aðgerðarhóps um bráðaaðgerðir í húsnæðismálum


Fundarstjóri: Regína Valdimarsdóttir, framkvæmdastjóri leigumarkaðssviðs HMS

Opinn fundur um leigumarkaðinn á Íslandi

Á höfuðborgarsvæðinu er hvorki hægt að tala um seljendamarkað né kaupendamarkað á undanförnum mánuðum, sé tekið mið af mælikvarða á samningsstöðu seljenda á fasteignamarkaði, sem gefur vísbendingu um „hita“ markaðarins. Þetta kemur fram í greiningu sem HMS hefur unnið upp úr gögnum frá fasteignasölum.

Oft er talað um að fasteignamarkaðurinn sé ýmist heitur eða kaldur. Þegar talað er um að markaðurinn sé heitur er alla jafna átt við að það sé mikið um að vera á markaðnum og mögulegir kaupendur séu hlutfallslega margir samanborið seljendur. Á heitum markaði seljast fasteignir hratt og gjarnan yfir ásettu verði vegna mikillar samkeppni um eignir til sölu. Við slíkar aðstæður er samningsstaða seljenda sterk og markaðurinn oft sagður vera seljendamarkaður.

Á köldum fasteignamarkaði er hins vegar lítið um að vera og kaupendur eru hlutfallslega fáir samanborið við seljendur. Við slíkar aðstæður er sölutími langur, undirboð algeng og samningsstaða seljenda fremur veik. Þá er gjarnan talað um kaupendamarkað.

Upplýsingar um sölutíma, auk tíðni og umfang undirboða á fasteignamarkaði geta gefið vísbendingu um samningsstöðu seljenda og þar af leiðandi um „hitastig“ markaðarins. Upplýsingarnar má einnig nota til að smíða nokkurs konar hitamælikvarða fyrir fasteignamarkaðinn. Á meðfylgjandi mynd má sjá þróun á samningsstöðu seljenda á höfuðborgarsvæðinu frá árinu 2017 til dagsins í dag, þar sem há gildi tákna sterka samningsstöðu seljenda en lág gildi tákna veika samningsstöðu seljenda.

Líkt og myndin gefur til kynna var samningsstaða seljenda töluvert sterk á fyrri hluta árs 2017 áður en hún tók að veikjast á síðari hluta þess árs. Segja má að um kaupendamarkað hafi verið að ræða frá upphafi árs 2018 fram að upphafi árs 2020, en á þeim tíma var gildi mælikvarðans undir miðju. 

Seljendur með öll völd á markaði um mitt ár 2022

Samningsstaða seljenda batnaði svo snarlega samhliða lækkun stýrivaxta á árinu 2020 og náði hámarki um mitt ár 2022 þegar gildi mælikvarðans var mjög nálægt efri mörkum. Á þeim tíma var meðalsölutími rétt um 22 dagar og í kringum 60 prósent eigna seldust yfir ásettu verði. Segja má að seljendur hafi verið með yfirhöndina á markaðnum allt frá haustmánuðum ársins 2020 fram á haustmánuði ársins 2022.

Frá miðju ári 2022 tók samningsstaða seljenda að veikjast á ný í kjölfar þess að taumhald peningastefnunnar var hert og þrengt var að lánamöguleikum einstaklinga. Á árinu 2023 ríkti mikið jafnvægi á milli samningsstöðu kaupenda og seljenda, áður en samningsstaða seljenda styrktist aftur og var nokkuð sterkari en samningsstaða kaupenda fram að síðasta ársfjórðungi 2024.

Markaðurinn hvorki á valdi kaupenda né seljenda síðustu mánuði

Gildi mælikvarðans á allra síðustu mánuðum hefur verið mjög nálægt miðju sem bendir til þess að samningsstaða seljenda og kaupenda sé um það bil jafn sterk og því sé hvorki um að ræða seljendamarkað né kaupendamarkað á höfuðborgarsvæðinu um þessar mundir.

Mælikvarðinn sem reiknaður er hér að ofan er úr greininni To Sell or Not to Sell: Measuring the Heat of the Housing Market eftir Paul E. Carillo sem birtist í tímaritinu Real Estate Economics árið 2013. Formúlan fyrir mælikvarðann er eftirfarandi:

Þar sem θ táknar samningsstöðu seljenda, d táknar hlutfall eigna sem seldust undir ásettu verði,  рₗ táknar meðaltal ásetts verðs (í logra),  рₘ táknar meðalsöluverð (í logra), og T táknar meðalsölutíma í dögum.  r er daglegur afvöxtunarstuðull og hefur hér verið gefið gildið 0,0001 sem jafngildir um 3,7% á ársgrundvelli og Φ er fasti sem mælir að hve miklu leyti kaupendur bregðast við breytingum á umfangi undirboða (eða yfirboða) og hefur hér verið gefið gildið 8, í samræmi við Carillo et al. (2015). Þróun mælikvarðans yfir tíma er óháð vali á gildi fyrir Φ þó það hafi áhrif á stig mælikvarðans.

Heimildir:
Carillo, P. E. (2013). To sell or Not to Sell: Measuring the Heat of the Housing Market. Real Estate Economics, 41(2), 310-346. https://doi.org/10.1111/reec.12003

Carillo, P. E., Wit, E. R., & Larsson, W. (2015). Can Tightness in the Housing Market Help Predict Subsequent Home Price Appreciation? Evidence from the United States and the Netherlands. Real Estate Economics, 43(3), 609-651. https://doi.org/10.1111/1540-6229.12082

Samn­ings­staða selj­enda og kaup­enda er álíka sterk

Aðalfundur Félags slökkviliðsstjóra á Íslandi (FSÍ) fór fram í Reykjanesbæ 24. – 26. mars sl. Félagið er fagfélag   í   málefnum   er   varða   brunavarnir   og   slökkviliðsmál   sem   starfar   að   sameiginlegum hagsmunamálum  slökkviliða  í  landinu.  Fulltrúum  brunavarnasviðs  HMS  var  boðið  að  taka  þátt  í  fundinum og vera með fræðsluerindi um málefni slökkviliða. Eftirfarandi erindi voru til kynningar og  umræðu við stjórnendur liðanna:

Brunamálaskólinn, þróun og nýjar áherslur

Tölfræði útkallsskýrslna og verkefni slökkviliða

Eftirfylgni með tillögum á skýrslu um stöðu slökkviliða

Starfshópur um varnir gegn gróðureldum, hlutverk og verkefni

Brunavarnasvið HMS þakkar fyrir góðan og málefnalegan fund og hlakkar til áframhaldandi samstarfs  við slökkviliðin í landinu.

Aðalfundur Félags slökkviliðsstjóra á Íslandi

Þjónustuflokkar

Þjónustuflokkar

Aðalfundur Félags slökkviliðsstjóra á Íslandi

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Rb-blað mánaðarins: Snjóbræðsla

Vegvísir leigumarkaðar er kominn út

Opinn fundur um leigumarkaðinn á Íslandi

Samningsstaða seljenda og kaupenda er álíka sterk

Fleiri fréttir

Rb-blað mánaðarins: Snjóbræðsla

Vegvísir leigumarkaðar er kominn út

Opinn fundur um leigumarkaðinn á Íslandi

Samningsstaða seljenda og kaupenda er álíka sterk

Þjónustuflokkar

Aðalfundur Félags slökkviliðsstjóra á Íslandi

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Rb-blað mánaðarins: Snjóbræðsla

Vegvísir leigumarkaðar er kominn út

Opinn fundur um leigumarkaðinn á Íslandi

Samn­ings­staða selj­enda og kaup­enda er álíka sterk

Fleiri fréttir

Rb-blað mánaðarins: Snjóbræðsla

Vegvísir leigumarkaðar er kominn út

Opinn fundur um leigumarkaðinn á Íslandi

Samn­ings­staða selj­enda og kaup­enda er álíka sterk

Samningsstaða seljenda og kaupenda er álíka sterk

Samningsstaða seljenda og kaupenda er álíka sterk