Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Aukin virkni mælist á byggingamarkaði og færri íbúðir eru á sama framvindustigi á milli talninga

Áfram fækkar íbúðum í byggingu á höfuðborgarsvæðinu utan Reykjavíkur

HMS gerir ráð fyrir að 3.100-3.400 íbúðir verði fullbúnar í ár

Alls voru 7.566 íbúðir í byggingu í september og voru þær 5,3% fleiri en í marsmánuði. Þetta kemur fram í niðurstöðum úr nýjustu talningum HMS á íbúðum í byggingu, sem nánar verða kynntar á opnum fundi kl. 12 í dag. Lesa má niðurstöður talningarinnar með því að smella á hnappinn hér að neðan.

Samkvæmt greiningu HMS stafar fjölgun íbúða í byggingu á milli talninga fyrst og fremst af  uppsöfnun fullbúinna íbúða sem ekki eru teknar í notkun.  Að þeim frátöldum eru álíka margar íbúðir í virkri uppbyggingu í september og í síðustu talningum.

Reykjavík aftur orðin leiðandi í uppbyggingu

Uppbygging íbúða í Reykjavík eykst þó nokkuð og er nú 26% meiri en í síðustu talningu. Reykjavík er þannig orðin leiðandi á höfuðborgarsvæðinu með fleiri íbúðir í byggingu en öll önnur sveitarfélög á svæðinu samanlagt. Um 40% allra nýrra framkvæmda á landinu öllu, sem fóru af stað á milli talninga, voru í Reykjavík. Þetta markar breytingu frá fyrri talningum þar sem uppbygging í borginni hefur verið hlutfallslega lítil m.t.t. íbúafjölda.

Fjöldi nýrra framkvæmda annarstaðar á höfuðborgarsvæðinu dróst hins vegar lítillega saman, um 4%, þar sem fækkun var í Kópavogi og á Seltjarnarnesi. Nýjum framkvæmdum fjölgaði þó lítillega í Garðabæ, en í Hafnafirði og Mosfellsbæ stóð fjöldinn u.þ.b. í stað. Á sama tíma dregur úr íbúðauppbyggingu á landsbyggðinni.

Fullbúnar nýbyggðar íbúðir, á framvindustigi 7, teljast nú alls 1.002 talsins. Til samanburðar eru það 42% fleiri íbúðir en á sama stigi fyrir ári síðan þegar 606 íbúðir voru á því stigi. Meira en helmingi fleiri íbúðir standa því ónýttar  en á sama tíma í fyrra. Einnig hefur orðið veruleg aukning á fjölda íbúða á framvindustigi 5, sem eru tilbúnar til innréttinga, þar sem nú teljast 1.175 íbúðir, eða 17% fleiri en í síðustu talningu.

Þetta sýnir að fjöldi íbúða sem annaðhvort eru fullbúnar eða nánast fullbúnar án þess að vera teknar í notkun hefur aukist verulega og bendir margt til að birgðasöfnun á markaði muni halda áfram að vaxa á næstunni.

Framkvæmdum þar sem framvinda helst óbreytt á milli talninga heldur á fram að fækka eftir að hafa aukist verulega í kjölfar hraðra vaxtahækkana sem hófust árið 2022. Stærstur hluti íbúðanna eiga sér eðlilegar skýringar á að vera á sama framvindustigi á milli talninga og af þeim 1.112 íbúðum sem þar mælast eru einungis um 200 af þeim sem taldar eru vera í stoppi.

Miðað við fjölda íbúða í virkum framkvæmdum og áætluð verklok þeirra má gera ráð fyrir að heildarfjöldi fullbúinna íbúða árið 2025 verði á bilinu 3.100 - 3.400 talsins. Árið 2026 er áætlað að 2.800-3.200 íbúðir verði kláraðar, en árið 2027 gæti fjöldinn numið 2.600-3.400. Óvissan er þó meiri um árið 2027 þar sem framkvæmdir sem hafa áhrif á niðurstöðuna hafasumar hverjar ekki hafist, en áætlað er að nýjar framkvæmdir verði með sambærilegum hætti og þær mælast nú.

Hlutfall fullbúinna íbúða aldrei verið hærra í talningum HMS

Á tímabilinu maí til ágúst á þessu ári var farið í 100 heimsóknir til söluaðila raffanga, í þessum heimsóknum voru 2.230 rafföng „skimuð“. Með skimun er átt við lauslega skoðun á sem flestum rafföngum á viðkomandi sölustað með það að markmiði að sigta út rafföng sem ekki uppfylla kröfur, m.a. með því að yfirfara merkingar, þ.m.t. CE-merkingar.

Af skimuðum rafföngum flokkuðust flest sem raflagnabúnaður (466), ýmiskonar heimilistæki (399), lýsingarbúnaður (391), tölvur og ýmiskonar skrifstofuvélar (228).

HMS annast markaðseftirlit með rafföngum á Íslandi. Stofnunin fylgist með rafföngum á markaði og tekur við ábendingum frá notendum og öðrum aðilum. Faggilt skoðunarstofa, BSI á Íslandi ehf, annast í umboði HMS, framkvæmd skoðana á rafföngum á markaði í samræmi við gildandi samning hverju sinni, verklagsreglur og skoðunarhandbók stofnunarinnar.

100 heimsóknir til söluaðila raffanga frá maí til ágúst á þessu ári

HMS boðar til opins fundar um stöðu íbúðauppbyggingar fyrir landið allt þriðjudaginn 23. september. HMS mun þá gefa út greiningu á niðurstöðum septembertalningar á íbúðum í byggingu. Fundurinn hefst kl. 12:00 í húsnæði HMS í Borgartúni 21. Léttar veitingar verða í boði fyrir fundargesti. Fundinum verður hægt að fylgjast með í streymi.

Á fundinum verða kynntar niðurstöður talningarinnar og verða einnig ávarpaðar áskoranir og sjónarmið sveitarfélaga og byggingaraðila þegar kemur að uppbyggingu íbúðarhúsnæðis.

Staða íbúðauppbyggingar og framtíðarhorfur
Jón Örn Gunnarsson, sérfræðingur hjá HMS

Sjónarmið byggingaraðila
Rannveig Eir Einarsdóttir, forstjóri Reir verks ehf.

Pallborðsumræður
Jón Örn Gunnarsson, sérfræðingur hjá HMS
Rannveig Eir Einarsdóttir, forstjóri Reir verks ehf.
Regína Ásvaldsdóttir, bæjarstjóri Mosfellsbæjar

Fundarstjóri verður Jónas Atli Gunnarsson hagfræðingur hjá HMS

Fundur um stöðu íbúðauppbyggingu og framtíðarhorfur

Íslenskir leigjendur eru meira en tvöfalt líklegri til að þiggja húsnæðisbætur en erlendir leigjendur 

Erlendir bótaþegar eru á fjölmennari heimilum en íslenskir bótaþegar 

Opinn fundur um stöðu erlendra íbúa á húsnæðismarkaði verður haldinn í húsakynnum HMS að Borgartúni 21, mánudaginn 29. september 2025. 

Vísbendingar eru um ójafna stöðu íslenskra og erlendra leigjenda, þar sem hlutfallslega færri erlendir leigjendur þiggja húsnæðisbætur. Þetta kemur fram í greiningu sem birtist í nýútkominni mánaðarskýrslu HMS.   

Íslenskir leigjendur tvöfalt líklegri að þiggja húsnæðisbætur 

Meirihluti þeirra sem þiggja húsnæðisbætur eru einstaklingar sem fæddir eru hér á landi en 35% húsnæðisbótaþega eru með erlent fæðingarland. Frá árinu 2017 hefur hlutfall erlendra húsnæðisbótaþega hækkað úr 18% á sama tíma og hlutfall erlendra ríkisborgara af íbúum landsins hefur tvöfaldast úr 9% í 18%.  

Heilt yfir hefur húsnæðisbótaþegum fjölgað um 36% frá ársbyrjun 2017 á sama tíma og landsmönnum hefur fjölgað um 17%. Fjölgun húsnæðisbótaþega skýrist að langmestu leyti af fjölgun erlendra húsnæðisbótaþega, en þeim hefur fjölgað um 181% á tímabilinu á meðan íslenskum húsnæðisbótaþegum fjölgaði um 6%. Á sama tíma varð 136% fjölgun meðal íbúa með erlent ríkisfang hér á landi, en 6% fjölgun meðal íbúa með íslenskt ríkisfang.  

Erlendir ríkisborgarar á leigumarkaði eru þó ólíklegri en íslenskir ríkisborgar til að þiggja húsnæðisbætur. Samkvæmt upplýsingum úr búsetukönnunum og húsnæðisbótagrunni HMS þiggja á bilinu 15-20% erlendra á leigumarkaði húsnæðisbætur samanborið við um 34-37% íslenskra á leigumarkaði. 

Lægri húsnæðisbætur á hvern heimilismann meðal erlendra bótaþega  

Í nýliðnum ágústmánuði bjuggu að meðaltali 2,1 heimilismaður á heimilum erlendra bótaþega, en þeim hefur fækkað úr 2,2 að meðaltali í janúar 2017. Á heimilum íslenskra húsnæðisbótaþega bjuggu aftur á móti að meðaltali 1,6 heimilismenn í ágúst, en þeim hefur fækkað úr 1,9 að meðaltali í janúar 2017.  

Hámarksupphæð húsnæðisbóta hækkar ekki í jöfnu hlutfalli við fjölda heimilismanna, heldur eru viðbótarbætur lækkandi fyrir hvern viðbótar heimilismann. Sökum þess að fleiri búa á heimilum erlendra húsnæðisbótaþega er meðalbótafjárhæð á hvern heimilismann lægri meðal erlendra bótaþega samanborið við íslenska bótaþega. Í ágúst munaði rúmlega 21% á meðalbótafjárhæð á hvern heimilismann eftir uppruna bótaþega, en munurinn hefur farið vaxandi úr tæpum 12% árið 2017.  

Opinn fundur um húsnæðisaðstæður aðfluttra 

Í frétt HMS frá því í vor má lesa að HMS telur að um 37 þúsund fullorðnir gætu verið vantaldir á leigumarkaði vegna misræmis milli kannana um búsetu einstaklinga og eigendaskráningar úr fasteignaskrá. Samkvæmt búsetukönnunum HMS voru um 15% fullorðinna á leigumarkaði árið 2024 en kannanirnar hafa ekki náð til erlendra íbúa nema að óverulegu leyti. 

Sem liður í að bæta upplýsingasöfnun um stöðu erlendra íbúa á húsnæðismarkaði lét HMS framkvæma netkönnun meðal félagsmanna Eflingar, VR og Einingar-Iðju sem eru með annað hvort erlent upprunaland eða ríkisfang. Niðurstöður könnunarinnar verða kynntar á opnum fundi í húsakynnum HMS að Borgartúni 21, mánudaginn 29. september næstkomandi. 

Erlendir á leigumarkaði eru ólíklegri til að þiggja húsnæðisbætur en íslenskir leigjendur  

HMS boðar til opins fundar um stöðu aðfluttra á húsnæðismarkaði mánudaginn 29. september kl. 10:00 í húsakynnum HMS að Borgartúni 21. Hægt er að skrá sig á viðburðinn með því að smella á hnappinn hér að neðan, en einnig verður hægt að fylgjast með fundinum í streymi.

Á fundinum verða kynntar niðurstöður könnunar sem HMS hefur látið framkvæma á meðal félagsmanna Eflingar, VR og Einingar-Iðju um húsnæðisaðstæður þeirra sem eru annað hvort með erlent upprunaland eða ríkisfang.

Í frétt HMS frá því í vor má lesa að stofnunin telur að um 37 þúsund fullorðnir gætu verið vantaldir á leigumarkaði vegna misræmis milli kannana um búsetu einstaklinga og eigendaskráningar úr fasteignaskrá. Samkvæmt búsetukönnunum HMS voru um 15 prósent fullorðinna á leigumarkaði árið 2024 en kannanirnar hafa ekki náð til erlendra íbúa nema að óverulegu leyti.

Staða erlendra á húsnæðismarkaði 
Kristín Amalía Líndal, hagfræðingur hjá HMS

Reynsla Eflingar af stöðu erlendra félagsmanna
Sólveig Anna Jónsdóttir, formaður Eflingar

Samspil húsnæðismála og vinnumarkaðar 
Halla Gunnarsdóttir, formaður VR

Aðgerðir stjórnvalda í húsnæðismálum
Ragnar Þór Ingólfsson, formaður aðgerðahóps um bráðaaðgerðir í húsnæðismálum

Fundarstjóri verður Jónas Atli Gunnarsson, hagfræðingur hjá HMS.

Opinn fundur um húsnæðisaðstæður aðfluttra

Opinn fundur um húsnæðisaðstæður aðfluttra

Póstlisti HMS

Útgáfuáætlun

Skráningarhlekkur á viðburð

Póstlisti HMS

Útgáfuáætlun

Fleiri fréttir

Hlutfall fullbúinna íbúða aldrei verið hærra í talningum HMS

100 heimsóknir til söluaðila raffanga frá maí til ágúst á þessu ári

Fundur um stöðu íbúðauppbyggingu og framtíðarhorfur

Erlendir á leigumarkaði eru ólíklegri til að þiggja húsnæðisbætur en íslenskir leigjendur

Fleiri fréttir

Hlutfall fullbúinna íbúða aldrei verið hærra í talningum HMS

100 heimsóknir til söluaðila raffanga frá maí til ágúst á þessu ári

Fundur um stöðu íbúðauppbyggingu og framtíðarhorfur

Erlendir á leigumarkaði eru ólíklegri til að þiggja húsnæðisbætur en íslenskir leigjendur