Heildarvelta kaupsamninga um atvinnuhúsnæði nam 8,28 milljörðum króna í október, sem er 23 prósentum minni en velta septembermánaðar. Hins vegar hækkar velta um 29 prósent á milli októbermánaða 2023 og 2024 á föstu verðlagi. Þetta kemur fram í mánaðarlegum tölum HMS um veltu með atvinnuhúsnæði, sem nálgast má hér að neðan.

Þinglýstir kaupsamningar um atvinnuhúsnæði voru alls 101 talsins í október um allt land, þar sem 59 samningar voru þinglýstir á höfuðborgarsvæðinu og 42 samningar þinglýstir á landsbyggðinni. Fjöldi kaupsamninga í október er álíka mikill og hefur verið síðustu tvö ár, en á því tímabili hafa að meðaltali 98 samningum verið þinglýstir um allt land í hverjum mánuði.

Mán­að­ar­leg­ur fjöldi kaup­samn­inga um at­vinnu­hús­næði 2020-2024

Á myndinni hér að ofan má sjá mánaðartölur yfir fjölda kaupsamninga um atvinnuhúsnæði á landinu öllu, höfuðborgarsvæðinu og annars staðar á landinu frá ársbyrjun 2020.

Með­al­kaup­verð at­vinnu­hús­næð­is hækk­ar á höf­uð­borg­ar­svæð­inu þrátt fyr­ir minni veltu milli mán­aða

Velta með atvinnuhúsnæði nam 6,7 milljörðum króna á höfuðborgarsvæðinu og 1,5 milljörðum króna á landsbyggðinni í október. Meðalkaupverð atvinnuhúsnæðis var því 114 milljónir króna á höfuðborgarsvæðinu, sem er 10 prósent hærra en í september á föstu verðlagi. Hins vegar lækkaði meðalkaupverð atvinnuhúsnæðis á landsbyggðinni um 47 prósent á milli mánaða í október.

Hægt er að nálgast mánaðarlegar tölur um fjölda kaupsamninga á atvinnuhúsnæði og íbúðarhúsnæði sem og öðru húsnæði eftir sveitarfélögum, landshlutum og fjölda kaupenda í kaupverðsjá HMS með því að smella á þennan hlekk. Þar er hægt að skoða upplýsingar um kaupsamninga eftir byggingarári, fermetrafjölda, tegund og staðsetningu fasteigna.