Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um Húsnæðis-, mannvirkja- og skipulagsstofnun

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Óhagnaðardrifin leigufélög sóttu um stofnframlög fyrir 354 íbúðir í fyrstu úthlutun ársins

Stofnframlögin eru nýtt til uppbyggingar og kaupa á almennum leiguíbúðum með viðráðanlegan húsnæðiskostnað

Ráðherra hefur mælt fyrir frumvarpi um hækkun stofnframlaga ríkisins á Alþingi

Umsóknarfrestur fyrir stofnframlög í fyrstu úthlutun ársins er nú liðinn, en HMS opnaði fyrir umsóknir þann 5. febrúar síðastliðinn. Sótt var um stofnframlög fyrir samtals 4,4 milljarða króna fyrir 354 íbúðir sem yrðu staðsettar í 13 sveitarfélögum í öllum landshlutum. 

Stofnframlög eru veitt af ríki og sveitarfélögum til óhagnaðardrifinna leigusala til að byggja eða kaupa almennar leiguíbúðir fyrir tekju- og eignaminni heimili. Alls eru 7,5 milljarðar króna til úthlutunar af hálfu ríkisins í stofnframlög á árinu.

Á mynd hér að neðan má sjá staðsetningu íbúða sem sótt er um stofnframlög fyrir í fyrstu úthlutun 2026. Líkt og myndin sýnir eru 326 íbúðir staðsettar á höfuðborgarsvæðinu og á Norðurlandi eystra.

Staðsetning íbúða sem sótt er um stofnframlög fyrir 
í fyrstu úthlutun 2026

Ráðherra vill hækka stofnframlög ríkisins

Ragnar Þór Ingólfsson, félags- og húsnæðismálaráðherra, mælti í gær fyrir frumvarpi um hækkun á stofnframlögum ríkisins. Lesa má nánar um frumvarpið í frétt á vef stjórnarráðsins, en það felur í sér að stofnframlag ríkisins verði hækkað úr 18% af stofnkostnaði húsnæðis í 23%.

Frumvarpið er liður í aðgerðum sem ríkisstjórnin kynnti í fyrsta húsnæðispakkanum sínum á haustmánuðum 2025. HMS hefur áður gert grein fyrir innihaldi húsnæðispakkans og áætluðum áhrifum hans á húsnæðismarkaði. Betri nýting stofnframlaga getur unnið gegn verðhækkunum á leigumarkaði til langs tíma með því að stuðla að auknu framboði leiguhúsnæðis á viðráðanlegu verði.

Mikil eftirspurn eftir stofnframlögum fyrir almennar leiguíbúðir í fyrstu úthlutun ársins

Opnað hefur verið fyrir umsóknir um hlutdeildarlán vegna úthlutunar í mars og mun umsóknartímabilið standa til kl. 12:00 þann 16. mars.  

Til úthlutunar fyrir tímabilið verða að lágmarki 458 milljónir króna.  

Nánari upplýsingar um hlutdeildarlán og umsóknarferlið má finna á island.is

Opnað fyrir umsóknir um hlutdeildarlán vegna úthlutunar í mars

968 milljónir króna voru greiddar í húsnæðisstuðning vegna leigu í febrúar til þúsunda heimila um land allt

18.267 umsækjendur fengu greiddar almennar húsnæðisbætur

Tæpar 31 milljón króna í sérstakan húsnæðisstuðning greiddur til 1.142 umsækjenda í Kópavogi og Skagafirði

HMS greiddi þann 27. febrúar sl. um 968 milljónir króna í húsnæðisstuðning til leigjenda vegna leigu í febrúar. Þessar greiðslur styðja við þúsundir heimila um land allt og miða að því að draga úr húsnæðiskostnaði efnaminni leigjenda og auka húsnæðisöryggi þeirra.

Húsnæðisstuðningurinn skiptist í tvo meginflokka. Það eru, almennar húsnæðisbætur og sérstakur húsnæðisstuðningur sveitarfélaga.  

Stærsti hluti stuðningsins eru húsnæðisbætur, sem er ætlað að lækka húsnæðiskostnað tekju- og efnaminni leigjenda. HMS greiddi tæpar 937 milljónir króna til um 18.267 umsækjenda í almennar húsnæðisbætur vegna leigu í febrúar.

Sérstakur húsnæðisstuðningur fyrir Kópavog og Skagafjörð

HMS greiðir einnig sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Sérstakur húsnæðisstuðningur er á vegum sveitarfélaganna og er ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna. Greiddar voru tæpar 31 milljónir króna til 1.055 umsækjenda í Kópavogi og 87 umsækjenda í Skagafirði vegna leigu í febrúar.

Skipting greiðslna miðað við aldursbil

Gerð var greining á greiðslu húsnæðisbóta eftir aldri og tegund húsnæðis, bæði á höfuðborgarsvæðinu og á landsbyggðinni. Niðurstöðurnar endurspegla skiptingu þeirra sem fengu greiddar húsnæðisbætur á viðkomandi tímabili. Á báðum svæðum eru flestir umsækjendur að leigja á einkamarkaði og er sá hópur langfjölmennastur í öllum aldursflokkum.

Aldurshópurinn 30 til 39 ára er fjölmennastur meðal þeirra sem fengu greiddar húsnæðisbætur og næstfjölmennasti hópurinn er 40 til 49 ára. Þetta bendir til þess að húsnæðisbætur vegna leigu á einkamarkaði séu algengastar meðal fólks á miðjum aldri, sérstaklega á aldrinum 30 til 49 ára. Fæstir umsækjendur á leigumarkaði eru 70 ára og eldri.

Sé litið til heimavista eða námsgarða er sú húsnæðistegund einkum áberandi meðal yngsta aldurshópsins, frá 18 til 29 ára og fækkar bótaþegum í þeim flokki jafnt og þétt með hækkandi aldri. Það endurspeglar að húsnæðisbætur vegna slíks húsnæðis nýtast fyrst og fremst yngra fólki, svo sem námsmönnum.

Húsnæði í eigu ríkis eða sveitarfélaga vegur hlutfallslega meira hjá eldri aldurshópum en þeim yngri, sem bendir til þess að opinbert leiguhúsnæði og tengdur stuðningur hafi aukið vægi með hækkandi aldri.

Áfangaheimili og sambýli fatlaðra eru fámennir flokkar í heildarsamhenginu hvað varðar greiðslu húsnæðisbóta. Af greiningunni má sjá að framboð þessara húsnæðisúrræða er takmarkaðra á landsbyggðinni miðað við höfuðborgarsvæðið. Flest áfangaheimili virðast staðsett á höfuðborgarsvæðinu og endurspeglast það í hærri fjölda umsækjenda á því svæði. Sambýli fatlaðra eru einnig færri á landsbyggðinni samkvæmt ofangreindu, sem bendir til minni uppbyggingar slíkra úrræða utan höfuðborgarsvæðisins.

Í heild sýnir greiningin að greiðsla húsnæðisbóta dreifist fyrst og fremst til einstaklinga á miðjum aldri á einkamarkaði og að ákveðin húsnæðisúrræði eru aldurstengd og jafnframt misjafnlega aðgengileg eftir landsvæðum.

Flest sveitarfélög á landinu hafa lokið vinnu við álagningu fasteignagjalda ársins 2026 og álagningarseðlar hafa verið birtir á Ísland.is

Flest sveitarfélögin eru með fyrsta gjalddaga í janúar, febrúar eða mars

Borgað þegar hent er (BÞHE) hringrásarhagkerfi úrgangsstjórnunar hefur verið innleitt hjá meirihluta sveitarfélaga

Eigendur fasteigna í flestum sveitarfélögum landsins eiga nú að geta nálgast álagningarseðla fyrir fasteignagjöld á Mínum síðum á Ísland.is. Á álagningarseðlunum má finna sundurliðun á fasteignagjöldunum, en þau innihalda öll gjöld sem lögð eru á fasteignirnar og taka mið af fasteignamati.

Í byrjun hvers árs ber sveitarfélögum að leggja á fasteignaskatt og þjónustugjöld á allar fasteignir sem metnar eru í fasteignamati 31. desember fyrra árs.  HMS heldur utan um og rekur álagningakerfi fasteignagjalda fyrir sveitarfélögin og þar er hægt að nálgast allar upplýsingar um fasteignamat og skráningu fasteigna.

Álagningakerfi fasteignagjalda er nýtt til að leggja á gjöld vegna sorphirðu

Meirihluti sveitarfélaga hefur innleitt sorpferilinn Borgað þegar hent er (BÞHE) sem Samband íslenskra sveitarfélaga innleiddi í samráði við stefnu Umhverfis- orku og loftslagsráðuneytisins og gengur út á að innheimt er eftir magni og tegund úrgangs í stað fasts gjalds. Verkefnið tengist innleiðingu Evróputilskipunar um bætta úrgangsstjórnun, sem leiddi til lagabreytinga á árinu 2023 þegar hin svokölluðu Hringrásarlög tóku gildi hér á Íslandi. Nánari upplýsingar um Hringrásarlögin má finna á heimasíðu Umhverfis- og orkustofnunar.

Innleiðing á BÞHE hófst árið 2023 og hefur gengið vel með samstarfi HMS, Sambands íslenskra sveitarfélaga og annarra sérfræðinga sem komið hafa að verkefninu. Hins vegar hefur innleiðingin í einhverjum tilvikum hægt á vinnu við að klára álagningu fasteignagjalda.

Alls hafa 38 sveitarfélög, þar af þrjú á þessu ári, innleitt hraðalinn hjá sér og vonir standa til að fleiri sveitarfélög innleiði hann fljótlega.

Álagningarseðlar fyrir fasteignagjöld ársins 2026 hafa verið birtir

Heildarfjárhæð samþykktra umsókna nam 448 milljónum króna 

Um 80% samþykktra umsókna voru vegna kaupa á höfuðborgarsvæðinu 

Opnað hefur verið fyrir umsóknir vegna úthlutun í mars 

HMS hefur lokið yfirferð umsókna sem bárust í febrúar vegna hlutdeildarlána. Alls bárust 79 umsóknir og var 31 þeirra samþykkt. Heildarfjárhæð umsókna nam yfir 1,3 milljörðum króna, en til úthlutunar voru að lágmarki 458 milljónir króna. 

Umsækjendur með samþykkt kauptilboð nutu forgangs 

Vegna mikillar eftirspurnar var umsóknum, líkt og í janúar, forgangsraðað og eingöngu afgreiddar þær umsóknir þar sem samþykkt kauptilboð lá fyrir í eignum sem HMS hafði þegar metið og samþykkt sem lánshæfar. 

Mikill meirihluti samþykktra umsókna var vegna kaupa á íbúð á höfuðborgarsvæðinu, eða um 80%. Aðrar samþykktar umsóknir voru í nærliggjandi sveitarfélögum. Af samþykktum umsóknum voru 17 frá einstaklingum, sem er rúmlega helmingur. 

Fjöldi og fjárhæðir samþykktra hlutdeildarlána í febrúar má sjá í töflu hér að neðan.  

HMS samþykkti 31 umsókn um hlutdeildarlán í febrúar 2026

HMS samþykkti 31 umsókn um hlutdeildarlán í febrúar 2026

Póstlisti HMS

Útgáfuáætlun

Umsækjendur með samþykkt kauptilboð nutu forgangs

Opið er fyrir mars umsóknir

Póstlisti HMS

Útgáfuáætlun

Fleiri fréttir

Mikil eftirspurn eftir stofnframlögum fyrir almennar leiguíbúðir í fyrstu úthlutun ársins

Opnað fyrir umsóknir um hlutdeildarlán vegna úthlutunar í mars

Greiðsla húsnæðisbóta í febrúar

Álagningarseðlar fyrir fasteignagjöld ársins 2026 hafa verið birtir

Fleiri fréttir

Mikil eftirspurn eftir stofnframlögum fyrir almennar leiguíbúðir í fyrstu úthlutun ársins

Opnað fyrir umsóknir um hlutdeildarlán vegna úthlutunar í mars

Greiðsla húsnæðisbóta í febrúar

Álagningarseðlar fyrir fasteignagjöld ársins 2026 hafa verið birtir

HMS samþykkti 31 umsókn um hlutdeildarlán í febrúar 2026

Póstlisti HMS

Útgáfuáætlun

Um­sækj­end­ur með sam­þykkt kauptil­boð nutu for­gangs

Opið er fyrir mars umsóknir

Póstlisti HMS

Útgáfuáætlun

Fleiri fréttir

Mikil eftirspurn eftir stofnframlögum fyrir almennar leiguíbúðir í fyrstu úthlutun ársins

Opnað fyrir umsóknir um hlutdeildarlán vegna úthlutunar í mars

Greiðsla húsnæðisbóta í febrúar

Álagningarseðlar fyrir fasteignagjöld ársins 2026 hafa verið birtir

Fleiri fréttir

Mikil eftirspurn eftir stofnframlögum fyrir almennar leiguíbúðir í fyrstu úthlutun ársins

Opnað fyrir umsóknir um hlutdeildarlán vegna úthlutunar í mars

Greiðsla húsnæðisbóta í febrúar

Álagningarseðlar fyrir fasteignagjöld ársins 2026 hafa verið birtir

Umsækjendur með samþykkt kauptilboð nutu forgangs