13. febrúar 2025
13. febrúar 2025
Fjórða úthlutun úr Aski - mannvirkjarannsóknarsjóði
Útgáfuáætlun
Hér má sjá útgáfuáætlun HMS
- 182 milljónir veittar úr Aski – mannvirkjarannsóknasjóði til 40 verkefna
- 70% styrkhafa með rætur í atvinnulífinu, 25% háskólum og 5% einstaklingar
- 15 verkefni hljóta styrk fyrir rannsóknir á vistvænum byggingarefnum, önnur styrkt verkefni snúa að orkunýtingu mannvirkja, gæðum í mannvirkjagerð, göllum og rakaskemmdum í mannvirkjum og tækninýjungum
HMS boðar til hátíðarúthlutunar úr Aski – mannvirkjarannsóknarsjóði. Úthlutunin fer fram í húsakynnum HMS þriðjudaginn 18. febrúar frá kl. 12:30 – 14:00. Viðburðinum verður einnig streymt á hms.is/streymi.
Askur – mannvirkjarannsóknasjóður styrkir 40 verkefni til nýsköpunar- og mannvirkjarannsókna að fjárhæð 182 milljónir króna í fjórðu úthlutun úr sjóðnum. Inga Sæland, félags- og húsnæðismálaráðherra og Logi Einarsson, menningar-, nýsköpunar- og háskólaráðherra afhenda styrkina.
Um er að ræða úthlutun ársins 2024 eða fjórðu úthlutun sjóðsins. Sjóðurinn var stofnaður árið 2021 og hlutverk hans er að veita styrki til nýsköpunar – og mannvirkjarannsókna með áherslu á aukna þekkingu, umbætur og nýsköpun til að mæta samfélagslegum áskorunum á sviði mannvirkjagerðar í samræmi við markmið laga um mannvirki. Áherslur sjóðsins snúa einkum að samfélagslegum áskorunum í byggingariðnaði, svo sem rakaskemmdum í mannvirkjum og aðgerðum til lækkunar kolefnisspors.
Dagskrá
- Ávarp
Inga Sæland, félags- og húsnæðismálaráðherra - Ávarp
Logi Einarsson, menningar,- nýsköpunar- og háskólaráðherra - Forsendur úthlutunar og styrkveitingar
Hrafnhildur Sif Hrafnsdóttir, verkefnastjóri Asks
Gústaf Adolf Hermannsson, formaður fagráðs Asks
Fundarstjóri: Róbert Smári Gunnarsson, verkefnastjóri hjá HMS
Skráning á viðburðinn
Útgáfuáætlun
Hér má sjá útgáfuáætlun HMS
