Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Föstudaginn 31. október var ný brunavarnaáætlun Slökkviliðs höfuðborgarsvæðisins (SHS) undirrituð í Skógarhlíð. Áætlunin tekur við af eldri áætlun sem var í gildi sömuleiðis til 31. október í ár, sú nýja gildir í fimm ár.  Hún er samþykkt af HMS og sveitarfélögum á starfssvæði slökkviliðsins. Markmið brunavarnaáætlunar er samkvæmt lögum um brunavarnir að tryggja að slökkvilið sé mannað, skipulagt, útbúið tækjum, menntað og þjálfað til að ráða við þau verkefni sem því er falið. Áætlunin byggir á áhættumati starfssvæðisins, sem ræður stærð og skipulagi slökkviliðsins og er grundvöllur að forgangsröðun aðgerða og fjármagns og eykur öryggi íbúa svæðisins.

2025 Brunavarnaáætlun SHS.pdf

„Höfuðborgarsvæðið hefur vaxið hratt undanfarin ár og samkvæmt spám mun sá vöxtur halda áfram. Mikil fólksfjölgun, þróun byggðar og uppbygging á svæðinu hefur haft áhrif á starfsemi SHS. Má þar meðal annars nefna aukið álag og lengri viðbragðstíma. Einn liður í því að bæta viðbragð hjá okkur er bygging nýrrar slökkvistöðvar í Tónahvarfi í Kópavogi sem er áætlað að komist í gagnið innan fimm ára. Einnig eru áform um byggingu á stöð á Völlunum í Hafnarfirði á næstu 10 árum,” segir Heiða Björg Hilmisdóttir borgarstjóri og formaður stjórnar SHS.

„Brunavarnaáætlun er öllum slökkviliðum mikilvægt stjórntæki í þeirra lögbundnu verkefnum í brunavörnum. Verkefni Slökkviliðs höfuðborgarsvæðisins eru fjölbreytt þar sem slökkviliðið er það stærsta á landinu og starfssvæðið er bæði þéttbýlt og víðfemt. Í þessari áætlun er farið ítarlega yfir hvernig uppbygging hjá liðinu þarf að vera á næstu árum til að geta tekist á við þær áskoranir sem það stendur frammi fyrir,” segir Hermann Jónasson forstjóri HMS.

Jón Viðar Matthíasson slökkviliðsstjóri SHS kveðst fagna útkomu nýju brunavarnaáætlunarinnar og segir spennandi tíma framundan hjá SHS í uppbyggingu slökkviliðsins. „Ný áætlun gerir okkur enn betur kleift að sinna okkar lögbundnu verkefnum áfram vel, ásamt öðrum sem okkur er falið að leysa,“ segir Jón Viðar.

Áætlunin var undirrituð af stjórn SHS sem er skipuð Heiðu Björgu Hilmisdóttur borgarstjóra Reykjavíkur, Ásdísi Kristjánsdóttur bæjarstjóra Kópavogs, Valdimari Víðissyni bæjarstjóra Hafnarfjarðar, Almari Guðmundssyni bæjarstjóra Garðabæjar, Regínu Ásvaldsdóttur bæjarstjóra Mosfellsbæjar og Þór Sigurgeirssyni bæjarstjóra Seltjarnarness. Einnig undirritaði Þorbjörg Gísladóttir sveitarstjóri áætlunina fyrir hönd Kjósarhrepps, sem og Hermann Jónasson forstjóri HMS og Jón Viðar Matthíassson slökkviliðsstjóri SHS.  

Ný brunavarnaáætlun á höfuðborgarsvæðinu

Tillögur HMS að breyttu byggingareftirliti fela ekki í sér að leggja niður byggingarfulltrúaembætti, heldur breytt hlutverk þeirra

HMS leggur áherslu á opið samtal og samvinnu við sveitarfélög í breytingum á byggingareftirliti

Nýtt kerfi getur aukið eftirlit, fagmennsku og gagnsæi

Í ljósi fjölmiðlaumfjöllunar um breytingar á byggingareftirliti vill HMS koma á framfæri að tillögur stofnunarinnar fela ekki í sér að leggja eigi niður embætti byggingarfulltrúa. Tillögur HMS má finna í Vegvísi að breyttu byggingareftirliti, en þar er gert ráð fyrir að hlutverk byggingarfulltrúa breytist á meðan eftirlit er fært til óháðra skoðunarstofa.

Breytt hlutverk byggingarfulltrúa og aukið faglegt eftirlit

Byggingarfulltrúi sveitarfélagsins Hornafjarðar og varaformaður Félags byggingarfulltrúa hélt því fram í viðtali við Morgunblaðið sem birt var í dag að HMS legði til að embætti byggingarfulltrúa yrði lögð niður eða gerð óvirk í nýjum tillögum að breyttu byggingareftirliti. Engar slíkar tillögur eru hins vegar að finna í tillögum HMS, sem lesa má um í ofangreindum vegvísi.

Í vegvísinum er hins vegar lagt til að eftirlit með byggingaraðilum verði fært til óháðra skoðunarstofa sem hafa sérþekkingu á öllum þeim sviðum sem tengjast mannvirkjagerð. Þetta telur HMS vera nauðsynlegt til að tryggja faglega yfirferð á tæknilegum uppdráttum og sérlausnum sem fylgja mannvirkjum.

HMS hefur óskað eftir fundi með sveitarstjóra og sviðsstjóra sveitarfélagsins sem um ræðir til að fara yfir sjónarmið sem fram komu í viðtalinu við Morgunblaðið og skýra tillögurnar sem lagðar eru fram í vegvísinum. HMS leggur áherslu á opið samtal og samvinnu við sveitarfélög og hagaðila í þessum mikilvægu breytingum.

Núverandi kerfi hefur ekki skilað tilætluðum árangri

Líkt og fram kemur í Vegvísinum er pottur brotinn í núverandi fyrirkomulagi við byggingareftirlit. Þar að auki hafa síðustu breytingar, þar sem áfangaúttektir voru færðar frá byggingarfulltrúum til byggingarstjóra, ekki skilað þeim árangri sem vonast var eftir.

Vegvísirinn gerir ráð fyrir að eftirlit verði ekki í höndum ráðgjafa sem hafa hagsmuni af eigin verkefnum. Lausnin felst í óháðum skoðunarstofum sem tryggja faglegt og hlutlaust eftirlit. Þetta er eitt af úrvinnslumálum vegvísisins sem HMS vinnur að í samstarfi við hagaðila.

HMS vill ekki leggja niður embætti byggingarfulltrúa

16 umsóknir um hlutdeildarlán voru samþykktar í október og var heildarfjárhæð veittra lána um 182 milljónir króna 

Hlutdeildarlán verða fest í sessi og gerð skilvirkari 

Opið er fyrir umsóknir vegna úthlutunar hlutdeildarlána í nóvember  

HMS hefur lokið yfirferð umsókna sem bárust í október vegna hlutdeildarlána. Af 26 umsóknum uppfylltu 16 þeirra skilyrði fyrir veitingu láns. Heildarfjárhæð veittra lána nam um 182 milljónum króna, en til úthlutunar voru 333 milljónir króna. 

Hlutdeildarlán eru veitt til kaupa á nýjum íbúðum og standa þau til boða fyrir fyrstu kaupendur og þau sem ekki hafa átt íbúð síðastliðin fimm ár og eru undir tilteknum tekjumörkum. Í forgangi eru umsóknir þar sem staðfest kauptilboð liggur fyrir, auk þess sem miða skal við að á hverju ári verði að minnsta kosti 20% veittra hlutdeildarlána veitt til kaupa á íbúðum utan höfuðborgarsvæðisins. 

Fjöldi og fjárhæðir hlutdeildarlána í október má sjá í töflu hér að neðan. 

Hlutdeildarlán fest í sessi og gerð skilvirkari 

Í húsnæðispakka ríkisstjórnarinnar, sem kynntur var í síðustu viku, er lögð áhersla á að gera hlutdeildarlánakerfið skilvirkara og tryggja fyrirsjáanleika í úthlutunum. Markmiðið er að greiða fyrstu kaupendum leið að húsnæðismarkaði og stuðla að auknu framboði hagkvæmra íbúða. 

Framlög til hlutdeildarlána verða hækkuð úr 4 milljörðum króna í 5,5 milljarða, sem mun gera fleiri umsækjendum kleift að fá lán. Úthlutanir verða framvegis mánaðarlegar, en undanfarin misseri hefur borið á því að lokað hafi verið fyrir úthlutanir á milli mánaða. Einnig er gert ráð fyrir samningum milli stjórnvalda og byggingaraðila um uppbyggingu hagkvæmra íbúða sem falla innan kerfisins í því skyni að fjölga hagkvæmum íbúðum á viðráðanlegu verði. 

Þá verða skilyrði fyrir veitingu hlutdeildarlána rýmkuð til að fleiri geti nýtt sér úrræðið. Með þessum breytingum er stefnt að því að festa hlutdeildarlánakerfið í sessi sem virkt og traust úrræði fyrir tekjulægri fyrstu kaupendur. 

Opið er fyrir umsóknir fram til 13. nóvember 

Opnað hefur verið fyrir umsóknir um hlutdeildarlán vegna úthlutunar í nóvember og mun umsóknartímabilið standa til kl. 12:00 þann 13. nóvember. Til úthlutunar fyrir tímabilið verða 333 milljónir króna. 

Nánari upplýsingar um hlutdeildarlán og umsóknarferlið má finna á Ísland.is 

HMS veitti 16 hlutdeildarlán í október

HMS hefur gefið út nýjar leiðbeiningar við 6. og 9.kafla byggingarreglugerðar nr. 112/2012.

6.10.3 Hótel, gistiheimili og gistiskálar

9.6.19 Sérákvæði um brunavarnir í notkunarflokki 2

Leiðbeiningarnar má finna við samnefndar greinar byggingarreglugerðarinnar á vefnum: Byggingarreglugerð, einnig má finna lista yfir allar leiðbeiningar við reglugerðina á leiðbeiningagáttinni: Leiðbeiningagátt | Byggingarreglugerð

Nýjar leiðbeiningar við byggingarreglugerð

Mánudaginn 10. nóvember verður haldinn opinn fundur um þróun og framtíðahorfur íbúðarmarkaðar á Vestfjörðum. Fundurinn verður haldinn í Edinborgarhúsinu, Aðalstræti 7 á Ísafirði, kl. 12 og er opinn öllum. Að fundinum standa HMS, Tryggð byggð og Vestfjarðarstofa. 

Á fundinum verður fjallað um atvinnuþróun í landsbyggðunum, stöðuna á íbúðamarkaði og stöðu innleiðingar nýs viðmóts byggingarleyfa og næstu skref við þróun viðmótsins. 

Staðan í Ísafjarðarbæ 
Axel R. Överby, sviðsstjóri umhverfis og eignasviðs Ísafjarðarbæjar 

Íbúðauppbygging og framtíðarhorfur 
Jón Örn Gunnarsson, sérfræðingur húsnæðisáætlana hjá HMS 

Byggingarleyfi á Íslandi – allt á einum stað 
Dagný Geirdal, verkefnastjóri Mannvirkjaskrár hjá HMS 

Húsið opnar kl. 11:45 og verður boðið upp á léttar veitingar meðan á fundi stendur. Fundargestum er boðið samtal við frummælendur eftir fundinn. 

Við bjóðum öll velkomin á fundinn og hlökkum til að sjá ykkur. 

Þróun og framtíðarhorfur íbúðamarkaðar og byggingarmála á Vestfjörðum 

Þróun og framtíðarhorfur íbúðamarkaðar og byggingarmála á Vestfjörðum

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Ný brunavarnaáætlun á höfuðborgarsvæðinu

HMS vill ekki leggja niður embætti byggingarfulltrúa

HMS veitti 16 hlutdeildarlán í október

Nýjar leiðbeiningar við byggingarreglugerð

Fleiri fréttir

Ný brunavarnaáætlun á höfuðborgarsvæðinu

HMS vill ekki leggja niður embætti byggingarfulltrúa

HMS veitti 16 hlutdeildarlán í október

Nýjar leiðbeiningar við byggingarreglugerð