Húsnæðis- og mannvirkjastofnun hefur borist tilkynning frá Toyota á Íslandi um að innkalla þurfi 34 Toyota Proace city bifreiðar af árgerð 2019 – 2021.  Ástæða innköllunarinnar er að möguleiki er vegna hugbúnaðarvillu gæti eldsneyti lekið frá aukahitara niður í vélarrými bifreiðarinnar. Viðgerð felst í hugbúnaðaruppfærslu og mögulegri færslu á straumgjafa aukahitara. 

Húsnæðis- og mannvirkjastofnun hvetur bifreiðaeigendur til að fylgjast vel með hvort að verið sé að innkalla þeirra bifreiðar og hafa samband við umboðið ef þeir eru í vafa.