Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Skipulag

Stofnframlög

Umhverfismat

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Leiguverð á höfuðborgarsvæðinu hækkaði á milli mánaða í júlí

Vísitalan hefur að mestu haldið í við almenna verðlagsþróun síðustu mánuði

Samkvæmt leiguverðsjá HMS hefur markaðsleiguverð hækkað mest á landsbyggðinni undanfarið

Vísitala leiguverðs á höfuðborgarsvæðinu mældist 130,4 stig í júlí og hækkaði um 0,46 prósent á milli mánaða. Á síðastliðnum tólf mánuðum hefur vísitalan hækkað um 4,74 prósent á sama tíma og verðbólga mældist 5,3 prósent og vísitala íbúðaverðs hækkaði um 1,61 prósent.

Á meðfylgjandi mynd má sjá mánaðarlega breytingu á vísitölu leiguverðs ásamt gildum hennar síðustu 12 mánuði.

Vísitala leiguverðs byggir á vegnu meðaltali leiguverðs á fermetra hjá hefðbundnum íbúðum í eigu einstaklinga og hagnaðardrifinna leigufélaga. Niðurstöður eru vegnar saman með veltu íbúða með sama herbergjafjölda á síðustu 12 mánuðum. Stuðst er við leigusamninga síðastliðinna tveggja mánaða við útreikning vísitölunnar, svo júlí gildi hennar tekur mið af leigusamningum í júní og júlí.

Vísitala leiguverðs á höfuðborgarsvæðinu stendur áfram í stað að raunvirði

Leiguverð á höfuðborgarsvæðinu hefur hækkað talsvert umfram íbúðaverð að undanförnu, en hefur nokkurn veginn staðið í stað að raunvirði. Líkt og sjá má á myndinni hér að neðan hefur tólf mánaða raunbreyting vísitölu leiguverðs á höfuðborgarsvæðinu sveiflast á milli þess að vera lítillega jákvæð og lítillega neikvæð undanfarna 8 mánuði. Þar áður hafði tólf mánaða takturinn verið jákvæður um rúmlega tveggja ára skeið.

Markaðsleiga hefur hækkað mest á landsbyggðinni undanfarið ár

Vísitala leiguverðs tekur eingöngu til markaðsleigusamninga um íbúðir á höfuðborgarsvæðinu. Leiguverðsjá HMS inniheldur aftur á móti upplýsingar um meðalleiguverð um allt land. Miðað við upplýsingar úr leiguverðsjánni hefur meðalfermetraverð í markaðsleigusamningum hækkað um 6,1% á höfuðborgarsvæðinu undanfarna tólf mánuði.

Í nágrenni höfuðborgarsvæðisins var meðalfermetraverðið aftur á móti um 3 prósent lægra í nýliðnum júlímánuði samanborið við júlí í fyrra en annars staðar á landsbyggðinni hafði það hækkað um 7,8 prósent á tímabilinu.

Hagdeild HMS hefur útbúið nýjan póstlista fyrir alla sem vilja fylgjast með húsnæðismálum. Áskrifendur póstlistans munu fá helstu greiningar sendar til sín úr mánaðarskýrslum HMS, ásamt tilfallandi greiningum um fasteigna-, leigu-, lána- og byggingarmarkaðinn og auglýsingum um komandi viðburði.

Hægt er að skrá sig á póstlistann með því að smella á hnappinn hér fyrir neðan.

Vísitala leiguverðs hækkaði um 0,46 prósent í júlí 2026

Vísitala íbúðaverðs hækkaði um 0,09 prósent á milli mánaða annan mánuðinn í röð

Raunverðslækkun íbúðaverðs á ársgrundvelli mælist nú 3,46 prósent

Íbúðaverð er nú álíka hátt að raunvirði og í nóvember 2023

Vísitala íbúðaverðs mældist 113,5 stig í júlí og hækkaði því um 0,09 prósent á milli mánaða, annan mánuðinn í röð. Undanfarna tólf mánuði hefur vísitalan hækkað um 1,61 prósent á sama tíma og verðbólga mældist 5,2 prósent. Á myndinni hér að neðan má sjá vísitölu íbúðaverðs og mánaðarbreytingu hennar síðustu mánuði.

Íbúðaverð hækkaði um 0,63 prósent á milli mánaða á höfuðborgarsvæðinu, þar sem sérbýli hækkaði um 0,79 prósent og fjölbýli hækkaði um 0,45 prósent á milli mánaða. Á sama tíma lækkaði íbúðaverð á landsbyggðinni um 1,19 prósent á milli mánaða, þar sem sérbýli lækkaði um 1,18 prósent og fjölbýli um 1,21 prósent. Þess má geta að í júní var verðþróun öfug, þ.e. íbúðaverð lækkaði á höfuðborgarsvæðinu en hækkaði á landsbyggðinni, en vísitölurnar eiga það til að sveiflast nokkuð til á milli mánaða.

Vísitala | Gildi | Breyting á milli mánaða | 12 mánaða breyting

Vísitala íbúðaverðs fyrir júlí 2026

Raunvirði íbúðaverðs er álíka hátt og í nóvember 2023

Vísitala íbúðaverðs hefur farið lækkandi að raunvirði frá því í ársbyrjun 2025. Undanfarna tólf mánuði hefur vísitalan lækkað um 3,46 prósent að raunvirði en tólf mánaða rauntakturinn hefur nú mælst neikvæður tólf mánuði í röð og er enn á niðurleið. Raunvirði íbúðaverðs mælist nú álíka hátt og í nóvember 2023, þegar það hafði hægt verulega á íbúðaverðshækkunum samhliða skörpum stýrivaxtahækkunum.

Undirvísitalan fyrir fjölbýli á höfuðborgarsvæðinu hefur hækkað minnst af öllum undirvísitölum íbúðaverðs á undanförnum 12 mánuðum, eða um 1% að nafnvirði sem samsvarar um 4% raunverðslækkun. Raunverð fjölbýlis á höfuðborgarsvæðinu mælist nú álíka hátt og haustið 2021.

Mestar hækkanir hafa aftur á móti orðið á undirvísitölunni fyrir sérbýli á höfuðborgarsvæðinu síðastliðið ár. Vísitalan hefur hækkað um 2,9% að nafnvirði sem samsvarar 2,3% raunverðslækkun. Raunverð sérbýlis á höfuðborgarsvæðinu mælist nú álíka hátt og í maí árið 2024. Undirvísitölur íbúðaverðs með grunn í júlí 2026 má sjá á myndinni hér að neðan.

Mælaborð fyrir vísitölur HMS um íbúða- og leiguverð er aðgengilegt á vef HMS. Þar er hægt að nálgast þróun vísitölu íbúðaverðs, ásamt vísitölu íbúðaverðs á höfuðborgarsvæðinu og á landsbyggðinni. Hægt er að nálgast mælaborðið með því að smella á hnappinn hér að neðan.

Vísitala íbúðaverðs hækkaði um 0,09 prósent á milli mánaða í júlí 2026

Nýtt kennsluefni um samskipti og samhæfingu við þyrlur Landhelgisgæslunnar hefur verið þróað fyrir viðbragðsaðila.

Raunverulegar aðstæður voru æfðar, bæði við móttöku þyrlu á slysavettvangi og notkun þyrlu við slökkvistarf vegna gróðurelda.

Sameiginleg þjálfun og samhæfing viðbragðsaðila styrkir samstarf, eykur öryggi og stuðlar að markvissari viðbrögðum á vettvangi.

Brunamálaskólinn hefur, í samstarfi við Landhelgisgæslu Íslands, Brunavarnir Árnessýslu, Slökkvilið Grindavíkur, Landsbjörgu, Lögregluna og Heilbrigðisstofnun Suðurlands, þróað nýtt kennsluefni um samskipti og samhæfingu við þyrlur Landhelgisgæslunnar á vettvangi.

Verkefnið var unnið sumarið 2025 þar sem settar voru upp raunverulegar aðstæður með aðkomu þyrlusveitar Landhelgisgæslunnar. Annars vegar í tengslum við almenna móttöku þyrlu á slysavettvang og hins vegar við notkun þyrla við slökkvistarf vegna gróðurelda, enda aðstæður sem allir viðbragðsaðilar á Íslandi þurfa að vera undirbúnir fyrir.

Afurð verkefnisins endurspeglar mikilvægi góðrar samvinnu og samhæfingar milli viðbragðsaðila og þann ávinning sem fæst með sameiginlegri þjálfun, miðlun reynslu og faglegri aðkomu allra sem koma að slysavettvangi eða öðrum björgunarstörfum.

HMS þakkar öllum sem komu að verkefninu fyrir faglegt framlag og vonar að það verði fyrirmynd að áframhaldandi samstarfi og samæfingum innan viðbragðskerfisins.

Meðfylgjandi myndbönd verða gerð aðgengileg sem hluti af kennsluefni fyrir viðbragðsaðila um land allt.

Afrakstur samstarfs Brunamálaskólans og viðbragðsaðila

Um þrír af hverjum fjórum nýskráðum leigusamningum í hverjum mánuði eru tímabundnir

Að jafnaði er samið til um það bil eins árs í senn

Einungis um 4 prósent tímabundinna leigusamninga gilda í meira en tvö ár

Yfirleitt eru flestir þeirra leigusamninga sem taka gildi í leiguskrá í hverjum mánuði tímabundnir, eða að jafnaði um þrír af hverjum fjórum nýskráðum samningum. Í júlí síðastliðnum tóku til að mynda 1.852 nýir leigusamningar gildi í leiguskrá HMS, þar af 1.367 tímabundnir. Algengast er að tímabundnir leigusamningar gildi í um það bil eitt ár en sjaldgæft er að samið sé til lengri tíma en tveggja ára í senn. Þetta er meðal þess sem fram kemur í upplýsingum sem unnar hafa verið upp úr leiguskrá HMS í byrjun ágústmánaðar.

Tímabundnir leigusamningar gilda að jafnaði í 11 til 13 mánuði

Misjafnt er til hversu langs tíma er samið í tímabundnum leigusamningum, en í leiguskrá þekkist að gildistími sé allt frá innan við einum mánuði upp í rúman áratug. Að jafnaði er þó samið til um það bil eins árs í senn, en líkt og sjá má á myndinni hér að neðan hefur meðalgildistími nýrra tímabundinna samninga verið á bilinu 11 til 13 mánuðir undanfarin ár. Miðgildið hefur hins vegar verið stöðugt við 12 mánuði.

Ekki má greina miklar breytingar á tímalengd leigusamninga eftir breytingar á húsaleigulögum í september 2024 og 2025 þegar litið er til meðallengdar nýrra leigusamninga. Árið 2024 var vísitölutenging gerð óheimil á leigusamningum til 12 mánaða eða skemmri tíma en í kjölfarið lengdist meðalgildistími nýrra tímabundinna samninga lítillega. Sú breyting virðist þó að hluta til hafa gengið til baka, en í september árið 2025 var vísitölutenging gerð óheimil á fyrstu 12 mánuðum allra tímabundinna leigusamninga.

Sjaldgæft er að samið sé til lengri tíma en tveggja ára í senn

Ef litið er á dreifingu gildistíma tímabundinna leigusamninga eftir upphafsdegi má sjá að það er algengast að samið sé til á bilinu 11 til 14 mánaða í senn. Að jafnaði hafa 62% nýrra tímabundinna leigusamninga í hverjum mánuði gildistíma á því bili, líkt og sjá má á myndinni hér að neðan.

Samið er til 10 mánaða eða skemmri tíma í um fjórðungi tímabundinna samninga en talsvert sjaldgæfara er að samið sé til 15 mánaða eða lengri tíma. Til að mynda er einungis samið til lengri tíma en tveggja ára í um 4% nýrra tímabundinna leigusamninga að meðaltali.

Algengast er að tímabundnir leigusamningar gildi í um það bil ár

Tilkynning til námsmanna

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Vísitala leiguverðs hækkaði um 0,46 prósent í júlí 2026

Vísitala íbúðaverðs hækkaði um 0,09 prósent á milli mánaða í júlí 2026

Afrakstur samstarfs Brunamálaskólans og viðbragðsaðila

Algengast er að tímabundnir leigusamningar gildi í um það bil ár

Fleiri fréttir

Vísitala leiguverðs hækkaði um 0,46 prósent í júlí 2026

Vísitala íbúðaverðs hækkaði um 0,09 prósent á milli mánaða í júlí 2026

Afrakstur samstarfs Brunamálaskólans og viðbragðsaðila

Algengast er að tímabundnir leigusamningar gildi í um það bil ár