Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Í kjölfar umfjöllunar í Kastljósi vill HMS koma eftirfarandi á framfæri:

HMS er meðvitað um mikilvægi þess að vinna gegn gullhúðun regluverks og hefur það að leiðarljósi í öllum sínum störfum. Stofnunin tekur heils hugar undir þá gagnrýni sem sett var fram í Kastljósi af hálfu innlendra gluggaframleiðenda sem ekki hafa aðgengi að faggiltri prófunarstofu. Sú staða hefur gert það að verkum að samkeppnisstaða þeirra gagnvart erlendum framleiðendum er verri fyrir vikið. Það er ekki ásættanlegt.

HMS hyggst tryggja aðgengi íslenskra gluggaframleiðenda að faggiltum prófunum þegar á þessu ári. Núverandi gluggaprófunarbúnaður sem staðsettur er hjá Tæknisetri þarfnast uppfærslu en gert er ráð fyrir að verja hátt í 10 milljónum króna í að uppfæra hann. HMS hefur gert samkomulag við Tæknisetur um að stofnunin taki þátt í fjármögnun vegna þess kostnaðar og mun HMS inna fyrstu greiðslu af hendi síðar í þessum mánuði.

HMS hefur enn fremur að höfðu samráði við Minjastofnun unnið tillögu að breytingum á byggingarreglugerð sem fela í sér að gluggar sem smíðaðir eru í friðuð og friðlýst hús hér á landi verði undanþegnir frá CE-merkingu.

Við lokun NMÍ var stefnt að því að byggingarvörur skyldu prófaðar af faggiltum prófunarstofum, helst á einkamarkaði, eins og þekkist hjá nágrannaríkjum okkar. Þegar ljóst var að einkamarkaðurinn hefði ekki áhuga á að taka þetta hlutverk að sér, hafði HMS frumkvæði að því, í samstarfi við Tæknisetur, að vinna að því að faggiltar gluggaprófanir gætu átt sér stað hér á landi. Það er nú loksins komið í góðan farveg.

Tekið skal skýrt fram að enginn íslenskur gluggaframleiðandi hefur verið beittur viðurlögum af hálfu HMS í því frumkvæðiseftirliti sem nú stendur yfir. Öðru gegnir hins vegar um erlenda glugga þar sem sölubanni hefur verið beitt í 11 skipti á tveimur árum og nokkrir gluggar sem reynt var að flytja inn en töldust ófullnægjandi fyrir íslenskar aðstæðar hafa í kjölfar skoðunar HMS verið teknir af markaði. Síðan HMS hóf frumkvæðiseftirlit með innfluttum gluggum í byrjun árs 2024 hafa alls verið gefin út 64 tilmæli um úrbætur enda eru gluggar eitt helsta vandamálið í alvarlegum gallamálum hér á landi.

Síðustu misseri hafa komið fram mörg dæmi um lekavandamál og myglu í mannvirkjum sem rekja má til glugga og fögnum við því að með þessu samkomulagi séum við skrefinu nær því að hérlendis séu einungis boðnir fram áreiðanlegir gluggar m.t.t. veðurfars. Almennar undanþágur frá CE-merkingum koma ekki til greina þar sem hérlendis þurfa gluggar að uppfylla sértækar kröfur vegna veðurálagsins. Þessi túlkun hefur verið staðfest í úrskurði Úrskurðarnefndar umhverfis- og auðlindamála (mál nr. 117/2023).

Framþróun í sjálfbærri mannvirkjagerð á Íslandi

Krafa um skil á lífsferilsgreiningu (LCA) fyrir nýbyggingar tekur gildi 1. september 2025.

Skil við umsókn um byggingarleyfi, en ekki við lokaúttekt að sinni.

Markmiðið er að styðja fagaðila við að tileinka sér aðferðafræðina áður en tvíþætt skil verða tekin upp síðar.

Nálgunin er í samræmi við áherslur á Norðurlöndum, þar sem lögð er áhersla á gæði gagna á hönnunarstigi og stigvaxandi innleiðingu losunarviðmiða.

Frá og með 1. september 2025 tekur gildi krafa um skil á lífsferilsgreiningu (LCA) fyrir nýbyggingar sem hluti af byggingarreglugerðinni. Með þessu stígur íslenskur byggingariðnaður stórt skref í átt að sjálfbærari framtíð og í samræmi við markmið verkefnisins Byggjum grænni framtíð (Byggjum grænni framtíð - Byggjum Grænni Framtíð) um að draga úr losun um 43% fyrir árið 2030.

Lífsferilsgreiningar gera kleift að meta heildarumhverfisáhrif bygginga, allt frá hráefnisöflun til niðurrifs. Með samræmdri aðferðafræði verða niðurstöður samanburðarhæfar og skapa grundvöll fyrir næstu skref, m.a. að leggja grunn að innleiðingu losunarviðmiða og takmörkun á losun.

Í kjölfar reynslu á aðlögunartímabilinu, sem hófst í mars 2024, hefur verið ákveðið að einfalda innleiðinguna. Það felur í sér að skil á LCA verður krafist við umsókn um byggingarleyfi, en ekki við lokaúttekt eins og áður var gert ráð fyrir. Með þessu fá fagaðilar svigrúm til að tileinka sér aðferðafræðina á hönnunarstigi og byggja upp færni áður en tvíþætt skil verða tekin upp síðar.

Þessi nálgun er í samræmi við áherslur á Norðurlöndum, þar sem lögð er sérstök áhersla á gæði gagna á hönnunarstigi og stigvaxandi innleiðingu losunarviðmiða. Með þessu er tryggð markvissari og raunhæfari innleiðing án þess að draga úr gæðum greininganna eða markmiðum reglugerðarinnar.

HMS hefur sett upp sérstaka skilagátt(Skilagátt LCA | Húsnæðis- og mannvirkjastofnun)  þar sem niðurstöður eru skráðar og fylgigögn afhent. Á vef HMS (Lífsferilsgreining (LCA) | Húsnæðis- og mannvirkjastofnun) er jafnframt að finna ítarlegar leiðbeiningar, íslensk meðaltalsgildi og gagnleg ráð sem styðja fagaðila í útreikningum og hönnunarvinnu.

Innleiðing LCA markar tímamót í íslenskri mannvirkjagerð, hún gerir losun sýnilega, auðveldar upplýstar ákvarðanir og stuðlar að umhverfisvænni byggingum framtíðarinnar.

Sjá frétt á vef Stjórnaráðsins Stjórnarráðið | Einföldun á kröfum um lífsferilsgreiningar bygginga

18 umsóknir voru samþykktar og var heildarfjárhæð veittra lána um 246 milljónir króna 

Möguleikar tekjuminna fólks til að komast inn á fasteignamarkað farið minnkandi 

Opið er fyrir umsóknir vegna úthlutunar hlutdeildarlána í september 

HMS hefur lokið yfirferð umsókna sem bárust í ágúst vegna hlutdeildarlána. Af 33 umsóknum uppfylltu 18 þeirra skilyrði fyrir veitingu láns. Heildarfjárhæð veittra lána nam um 246 milljónum króna, en til úthlutunar voru 333 milljónir króna. 

Hlutdeildarlán eru veitt til kaupa á nýjum íbúðum og standa þau til boða fyrir fyrstu kaupendur og þau sem ekki hafa átt íbúð síðastliðin fimm ár og eru undir tilteknum tekjumörkum. Í forgangi eru umsóknir þar sem staðfest kauptilboð liggur fyrir, auk þess sem miða skal við að á hverju ári verði að minnsta kosti 20% veittra hlutdeildarlána veitt til kaupa á íbúðum utan höfuðborgarsvæðisins. 

Líkt og HMS hefur áður bent á geta einungis 20% tekjuhæstu einstaklingarnir keypt íbúðir sem kosta 60 milljónir króna eða meira, ef gert er ráð fyrir 80% veðsetningarhlutfalli og tekið er tillit til hámarksgreiðslubyrðarhlutfalls Seðlabanka Íslands. Framboð nýrra íbúða á höfuðborgarsvæðinu sem verðlagðar eru undir 60 milljónum króna er þó verulega takmarkað. 

Reglur Seðlabankans um hámarksgreiðslubyrði draga líka úr möguleikum til fasteignakaupa með hlutdeildarláni. Stærsti hluti umsókna um hlutdeildarlán sem hefur verið synjað á undanförnum mánuðum er vegna þess að umsækjendur stóðust ekki greiðslumat og reglur um greiðslubyrði. 

Meirihluti veittra lána í ágúst voru til kaupa á íbúðum á höfuðborgarsvæðinu, einkum í Hafnarfirði. Utan höfuðborgarsvæðisins var að þessu sinni helst lánað til kaupa á íbúðum í Sveitarfélaginu Vogum. 

Fjöldi og fjárhæðir hlutdeildarlána í ágúst má sjá í töflu hér að neðan.  

Opið er fyrir umsóknir fram til 12. september 

Opnað hefur verið á ný fyrir umsóknir um hlutdeildarlán og mun umsóknartímabilið standa til kl. 12:00 þann 12. september. Til úthlutunar fyrir tímabilið verða 333 milljónir króna. 

Nánari upplýsingar um hlutdeildarlán og umsóknarferlið má finna á Ísland.is 

HMS veitti 18 hlutdeildarlán í ágúst 

Raðhús með fjórum íbúðum að Miðholti 21–27 á Þórshöfn í Langanesbyggð er nú orðið fokhelt. Að verkefninu stendur Brák íbúðafélag sem vinnur að því að fjölga hagkvæmum leiguíbúðum fyrir tekju- og eignaminni fjölskyldur. Byggingaraðili er Dawid Smiður ehf.

Verkefnið hlaut samþykkt stofnframlag í fyrstu úthlutun ársins 2024 og er fjármagnað með stofnframlagi frá ríki og sveitarfélagi ásamt sérstöku byggðaframlagi.

„Allt frá 2010 hafði ekkert húsnæði verið byggt á Þórshöfn og neyðarástand var að skapast í húsnæðismálum, einkum hvað varðar leiguíbúðir. Með samningi við Brák hefur tekist að leysa úr brýnasta vanda í byggingu leiguíbúða í Langanesbyggð. Við bindum jafnframt vonir við áframhaldandi samstarf við félagið, þar sem tilbúin er lóð við sömu götu og núverandi raðhús standa. Takist að fá framlag til slíks samstarfs er sveitarfélagið komið vel fyrir horn næstu 2–3 ár hvað varðar leiguhúsnæði,“ segir Björn S. Lárusson, sveitarstjóri Langanesbyggðar.

Með framkvæmdunum er stigið mikilvægt skref í átt að fjölbreyttara og tryggara húsnæðisframboði á Þórshöfn og í Langanesbyggð.

Verkefnið er hluti af Tryggð byggð – samstarfsvettvangi um húsnæðisuppbyggingu á landsbyggðinni.

Íbúðir fyrir tekju- og eignaminni á Þórshöfn orðnar fokheldar

Um 120 nýjar lóðir voru skráðar í fasteignaskrá í ágúst 2025

Flestar lóðir sem skráðar voru í ágúst voru af gerðinni sumarhúsalóð. 

Flestar lóðir voru skráðar i sveitarfélaginu Bláskógarbyggð.  

Alls voru 120 nýjar lóðir staðfestar í fasteignaskrá HMS í ágústmánuði 2025. Flestar þeirra eru sumarbústaðalóðir, alls 43 talsins. Íbúðarhúsalóðir voru 33 talsins og vegsvæði voru óvenju mörg miðað við aðra mánuði ársins eða 12 talsins. 

Nýskráðar lóðir eftir mánuðum

Myndin hér að ofan sýnir mánaðarlegar tölur um fjölda nýskráðra lóða eftir öllum flokkum. Líkt og myndin sýnir eru flestar lóðir staðfestar í mánuðunum ætlaðar sumarbústöðum og er stærstur hluti þeirra staðsettur í Bláskógabyggð eða 31 talsins en 10 þeirra í Múlaþingi. Lóðir fyrir íbúðarhús eru 33 og eru flestar þeirra  í sveitarfélögunum Ölfusi og Skagafirði eða 11 í hvoru fyrir sig. 

Uppbygging vegsvæðis hefur áhrif á tölur mánaðarins. 

Uppbygging 7,4 km langs kafla á vegsvæði Hagabrautar milli Landvegar og Reiðholts í Holtum hefur þau áhrif að óvenju mörg vegsvæði voru skráð í mánuðunum eða 12 talsins. Atvinnulóðir voru 18 og dreifast þær nokkuð jafnt yfir stærri sveitarfélögin. 10 eignir eru með notkunina lóð eða annað land en líklegt er að notkunarskráning þeirra breytist þegar fram líða stundir. 

Skráning sumarbústaðalóða í Bláskógarbyggð áberandi í tölum ágústmánaðar 

Skráning sumarbústaðalóða í Bláskógarbyggð áberandi í tölum ágústmánaðar

Póstlisti HMS

Útgáfuáætlun

Uppbygging vegsvæðis hefur áhrif á tölur mánaðarins.

Póstlisti HMS

Útgáfuáætlun

Fleiri fréttir

Tilkynning frá HMS

LCA-krafa tók gildi 1. september 2025

HMS veitti 18 hlutdeildarlán í ágúst

Íbúðir fyrir tekju- og eignaminni á Þórshöfn orðnar fokheldar

Fleiri fréttir

Tilkynning frá HMS

LCA-krafa tók gildi 1. september 2025

HMS veitti 18 hlutdeildarlán í ágúst

Íbúðir fyrir tekju- og eignaminni á Þórshöfn orðnar fokheldar

Skráning sumarbústaðalóða í Bláskógarbyggð áberandi í tölum ágústmánaðar

Póstlisti HMS

Útgáfuáætlun

Upp­bygg­ing veg­svæð­is hef­ur áhrif á töl­ur mán­að­ar­ins.

Póstlisti HMS

Útgáfuáætlun

Fleiri fréttir

Tilkynning frá HMS

LCA-krafa tók gildi 1. september 2025

HMS veitti 18 hlutdeildarlán í ágúst

Íbúðir fyrir tekju- og eignaminni á Þórshöfn orðnar fokheldar

Fleiri fréttir

Tilkynning frá HMS

LCA-krafa tók gildi 1. september 2025

HMS veitti 18 hlutdeildarlán í ágúst

Íbúðir fyrir tekju- og eignaminni á Þórshöfn orðnar fokheldar

Uppbygging vegsvæðis hefur áhrif á tölur mánaðarins.