Í mars síðastliðnum lét Húsnæðis- og mannvirkjastofnun faggilta skoðunarstofu, BSI á Íslandi, framkvæma skoðun á ástandi orkumerkinga ljósgjafa. Þeir ljósgjafar sem voru skoðaðir voru ljósaperur, LED borðar (50 cm á lengd og yfir 60 lm) og ljósaseríur (50 cm á lengd og yfir 60 lm).

Þann 1. september 2021 voru innleiddar nýjar orkumerkingar fyrir ljósgjafa með kvarðanum A – G. Þá hófst 18 mánaða aðlögunartímabil en því tímabili lauk 1. mars síðastliðinn og eiga þá allir ljósgjafar að vera komnir með nýja miðann.

Nið­ur­staða skoð­un­ar­inn­ar var sú að orku­merk­ing­ar voru á heild­ina lit­ið mjög ábóta­vant.

Alls voru 573 vörur skoðaðar og einungis 221 af þeim voru með engar athugasemdir eða um 39%. Gerðar voru athugasemdir við 352 vörur eða um 61%. Tæplega helmingur varanna eða 48% voru með gamla orkumerkimiðann. Um 13% af skoðuðum vörum voru með alvarleg frávik. Alvarleg frávik var gefið þegar annað hvort enginn miði var á vöru eða miði merktur sem „annars konar merking“. Í  nánast öllum tilfellum vantaði orkumerkingar á ljósaseríur og LED borða.