Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Skipulag

Stofnframlög

Umhverfismat

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

• 59 sveitarfélög af 62 hafa lokið upphafsálagningu fasteignagjalda 2026 og birt álagningarseðla á Ísland.is
• Sveitarfélögin vinna nú að breytingum á álagningu vegna eigendaskipta, nýrra lóða og fasteigna sem færast upp á hærra byggingastig/matstig
• Í byrjun júní geta sveitarfélög bæði áætlað álagningu vegna fasteignamats 2027 og endurreiknað afslætti af fasteignaskatti

Alls hafa 59 sveitarfélög lokið álagningu fasteignagjalda fyrir árið 2026 og birt álagningarseðla á Mínum síðum á Ísland.is. Þrjú sveitarfélög eiga þó enn eftir að ljúka álagningu, en þar eru gjalddagar síðar á árinu.

Sveitarfélög vinna að breytingum á fyrri álagningum og eru að taka inn nýja eigendur/gjaldendur á eignum sem hafa gengið kaupum og sölum frá áramótum. Eins eru þau að leggja á fasteignamat nýrra lóða sem stofnaðar hafa verið frá áramótum og á húsmat á fasteignum sem eru að koma inn á fokheldi eða hærra byggingastigi/matstigi.

Þegar HMS birtir fasteignamat fyrir árið 2027 í byrjun júní geta sveitarfélög gert áætlunarálagningar í álagningakerfi fasteignagjalda og metið áhrif mismunandi álagningarprósenta og gjalda við gerð fjárhagsáætlana fyrir árið 2027. Á sama tíma geta sveitarfélög sem veita afslátt af fasteignaskatti endurreiknað afslætti út frá nýjum tekjuupplýsingum þegar Skatturinn birtir álagningu opinberra gjalda fyrir árið 2026.

Flest sveitarfélög hafa lokið álagningu fasteignagjalda

Eftirspurn eftir hlutdeildarlánum var verulega umfram fjármagn sem var til úthlutunar 

Tæplega helmingur hlutdeildarlána í apríl voru til kaupa á íbúðum í Reykjavík 

Velja þurfti umsóknir sem uppfylltu skilyrði til lánveitingar af handahófi annan mánuðinn í röð

HMS hefur lokið úthlutun hlutdeildarlána í apríl. Alls voru 83 umsóknir teknar til yfirferðar, þar af hluti sem barst í fyrri mánuðum, og voru langflestar þar sem umsækjendur voru með samþykkt kauptilboð í fasteign. 

Líkt og áður voru að lágmarki 458 milljónir króna til úthlutunar en sótt var um hlutdeildarlán fyrir um 1.388 milljónir króna. Eftirspurn eftir hlutdeildarlánum var því aftur umfram það fjármagn sem stendur til boða í mánuðinum. 

Eftir yfirferð umsókna voru 58 umsóknir sem uppfylltu öll skilyrði til úthlutunar en heildarfjárhæð þeirra umsókna var um 869 milljónir króna. Af þeim sökum þurfti að velja umsóknir sem uppfylltu öll skilyrði af handahófi til að skera úr um hvaða umsækjendur fengju úthlutun og er það í annað skiptið í röð þar sem því fyrirkomulagi er beitt. 

Umsækjendur með samþykkt kauptilboð njóta forgangs að hlutdeildarlánum umfram þá sem ekki hafa fengið slíkt tilboð. Þá er jafnframt miðað við að HMS úthluti að minnsta kosti 20% hlutdeildarlána til kaupa á íbúðum utan höfuðborgarsvæðisins. 

Alls voru 33 umsóknir dregnar út af fulltrúa Sýslumannsins á höfuðborgarsvæðinu í samræmi við forgangsreglur úthlutunar. Heildarfjárhæð úthlutaðra lána nam um 472 milljónum króna. Samtals hlutu því 25 umsóknir ekki úthlutun í apríl þrátt fyrir að uppfylla öll skilyrði og var öllum þeim umsækjendum boðið að halda umsókn sinni opinni og færa hana yfir í úthlutun maímánaðar. 

Í töflunni hér að neðan má sjá fjölda og fjárhæðir veittra hlutdeildarlána eftir landshlutum í apríl. 

Opið er fyrir umsóknir vegna úthlutunar í maí 

Opnað hefur verið fyrir umsóknir um hlutdeildarlán vegna úthlutunar í maí og mun umsóknartímabilið standa til kl. 12:00 þann 15. maí næstkomandi. Til úthlutunar fyrir tímabilið verða að lágmarki 458 milljónir króna. 

Sjálfbær mannvirkjagerð byggir á því að nota mismunandi efni saman, ekki treysta á eitt efni

Mikil tækifæri felast í íslenskum viði, sérstaklega ösp, og þörf er á að þróa staðla í takt við nýja þekkingu

Unnið er að því að draga úr umhverfisáhrifum byggingarefna, meðal annars með betri nýtingu steypu og aukinni hringrás

HMS stóð í dag fyrir viðburðinum Timbur vs steypa – rannsóknir, framleiðsla, hönnun og uppbygging til framtíðar í samstarfi við IÐUNA Fræðslusetur, sem hluta af Nýsköpunarvikunni. Viðburðurinn var vel sóttur og vakti mikla athygli meðal fagfólks í mannvirkjagerð.

Viðburðurinn fjallaði um nýsköpun, þekkingu og framtíðarsýn í vali og notkun byggingarefna á Íslandi, með áherslu á timbur, steypu og samsettar lausnir. Á dagskrá voru fjölbreytt erindi frá ólíkum sjónarhornum og í umræðum kom skýrt fram að sjálfbær uppbygging til framtíðar byggir síður á einu efni, heldur á því að velja rétt efni á réttan stað, í réttu magni, með skýran tilgang og líftíma í huga.

Nokkur erindi beindu sjónum að íslenskum trjáviði, einkum ösp, sem mögulegu byggingarefni. Þar var fjallað um útbreiðslu asparinnar hérlendis, eiginleika hennar og tækifæri til aukinnar timburnýtingar og niðurstöður rannsókna á rúmþyngd, styrk, stífni og fleiru. Einnig var rætt um styrkflokkun og flokkunarkerfi timburs, ISO-staðla og mikilvægi þess að íslenskir staðlar og verklag taki mið af nýrri þekkingu á íslenskum viði.

Jafnframt var fjallað um stöðu skógræktar og viðaröflunar á Íslandi, umfang nytjaskóga og möguleika á grisjun og aukinni timburvinnslu á komandi árum. Með dæmum var sýnt hvernig innlend skógarauðlind getur skapað verðmæti, bæði fyrir byggingariðnað og einnig í tengslum við hönnun, útivist og samfélagslega notkun.

Í umfjöllun um steypu var meðal annars horft til kolefnisspors hennar, sérstaklega vegna sementsframleiðslu. Kynntar voru leiðir til að draga úr losun, svo sem með markvissari sementsnotkun, notkun staðgengilsefna og aukinni endurnýtingu steypuúrgangs, auk hringrásarlausna í framleiðslu og framkvæmd. Áhersla var lögð á hvaða útfærslur eru tæknilega og rekstrarlega raunhæfar við íslenskar aðstæður.

Framkvæmdareynsla og hönnunarsjónarmið voru einnig í forgrunni, þar sem timbur í byggingaframkvæmdum var rætt út frá kostum, áskorunum og tækifærum. Meðal annars var fjallað um krosslímt timbur (KLT), límtré, blönduð burðarkerfi  og verkefni þar sem timbur og steypa eru notuð saman. Arkitektónísk dæmi sýndu hvernig efnisval getur mótað rýmisupplifun og gæði byggðs umhverfis.

Í lok viðburðarins voru byggingarefni borin saman á heildrænan hátt með tilliti til heilnæmis, hagkvæmni og umhverfisáhrifa. Þar var meðal annars horft til styrkleika, áskorana, kolefnisspors, endingar, framkvæmdartíma, hljóðvistar, möguleika til endurnýtingar og hringrásar. Bent var á að lykillinn að sjálfbærari mannvirkjagerð er að beita samsettum lausnum og nýta ólíka kosti efna á markvissan hátt.

Viðburðurinn var vel sóttur og vakti mikla athygli meðal sérfræðinga, hönnuða, fulltrúa iðnaðarins, stjórnvalda og annarra sem starfa á sviði mannvirkjagerðar.

HMS þakkar fyrirlesurum og þátttakendum kærlega fyrir framlag sitt og góða þátttöku. Upptaka af viðburðinum verður gerð aðgengileg á vef HMS.

Nýsköpun og framtíðarsýn í byggingarefnum

Húsnæðispakki tvö hefur verið kynntur í áföngum á undanförnum vikum 

Áhersla verður lögð á íbúðauppbyggingu á ríkislóðum á næstu árum 

Áður hafa verið kynnt áform um að styrkja stöðu leigjenda með ýmsum aðgerðum 

Ragnar Þór Ingólfsson félags- og húsnæðismálaráðherra, Daði Már Kristófersson fjármálaráðherra og Heiða Björg Hilmisdóttir borgarstjóri kynntu áform um uppbyggingu 1.200 til 1.400 íbúða á ríkislóðum og í húsnæði í eigu ríkisins sem verður breytt í íbúðir. Áformin eru hluti af öðrum húsnæðispakka ríkisstjórnarinnar, sem hefur verið kynntur í áföngum að undanförnu.  

Fyrsti húsnæðispakki ríkisstjórnarinnar var kynntur í lok október 2025, en HMS hefur áður greint frá mögulegum áhrifum hans á húsnæðismarkaðinn.  

Áhersla á nýtingu ríkislóða og umbreytingu atvinnuhúsnæðis í íbúðir

Ríkisstjórnin hefur kynnt áform um uppbyggingu íbúðarhúsnæðis á lóðum í eigu ríkisins í Reykjavík. Á næstu árum er fyrirhugað að byggja nýjar íbúðir eða breyta atvinnuhúsnæði í íbúðir við Borgartún, Grensásveg, Laugarveg, Laugarnesveg, Seljaveg og á landi austan Korpúlfsstaða. Áætlað er að uppbyggingin skili samtals um 1.200 til 1.400 íbúðum og gert er ráð fyrir að 20-30% íbúðanna verði svokallaðar almennar íbúðir. Þar má meðal annars nefna íbúðir sem uppfylla skilyrði hlutdeildarlána, stúdentaíbúðir, félagslegar leiguíbúðir, íbúðir fyrir eldra fólk og búseturéttaríbúðir.

Ríkisstjórnin kynnti einnig ný viðbótarstofnframlög vegna umbreytinga á atvinnuhúsnæði í almennar íbúðir. Þetta kemur til viðbótar við þær breytingar sem kynntar voru í fyrsta húsnæðispakka ríkisstjórnarinnar, þar sem stofnframlög ríkis og sveitarfélaga voru hækkuð úr 30% í 35% auk þess sem viðbótarframlag ríkisins vegna íbúða fyrir námsmenn, öryrkja og félagsíbúða sveitarfélaga var hækkað úr 4% í 5%. 

HMS fagnar áformum um aukna uppbyggingu íbúðarhúsnæðis í ljósi uppsafnaðrar íbúðaskuldar frá fyrri árum auk þess sem gera má ráð fyrir talsverðri nýrri íbúðaþörf á næstu árum miðað við mannfjöldaspár og breytingar á aldurssamsetningu þjóðarinnar. 

HMS telur þó afar mikilvægt að tekið sé mið af óskum og þörfum landsmanna við skipulag hverfa og íbúða á þeim svæðum sem ráðast á í uppbyggingu. Niðurstöður nýlegrar könnunar HMS á skipulags- og búsetuóskum landsmanna geta þar komið að gagni, en niðurstöðurnar sýna til að mynda að viðhorf til skipulagsmála eru ólík eftir svæðum innan höfuðborgarinnar. 

Margvíslegar aðgerðir til að styrkja stöðu leigjenda og bæta leigumarkaðinn

Fyrr í mánuðinum kynnti félags- og húsnæðismálaráðherra umfangsmiklar aðgerðir til að styrkja stöðu leigjenda og bæta leigumarkaðinn. Áform eru uppi um að gera mánaðarlega vísitölutengingu leiguverðs óheimila og aðeins verður heimilt að hækka leigufjárhæð einu sinni á 12 mánaða fresti samkvæmt húsaleigulögum.  

HMS telur að afnám vísitölutengingar leiguverðs geti stuðlað að bættu húsnæðisöryggi leigjenda með auknum fyrirsjáanleika um húsnæðiskostnað þeirra til skamms tíma. Hins vegar gætu breytingarnar leitt til hækkunar leiguverðs til skamms tíma, þar sem leigusalar þurfa nú að taka mið af verðbólguvæntingum tólf mánuði fram í tímann við ákvörðun leiguverðs. Aftur á móti ræðst geta leigusala til þess að hækka leiguverð af samspili framboðs og eftirspurnar á hverjum tíma. 

Enn fremur hefur verið skipaður starfshópur um endurskoðun fyrirkomulags húsaleigutrygginga, en endurgreiðsla tryggingafjárhæða er algengasta ágreiningsefnið sem fer fyrir kærunefnd húsamála. Kærunefnd húsamála hefur einnig verið efld með fjölgun starfsfólks.

HMS telur einnig jákvætt að aðgengi að upplýsingum um réttindi og skyldur leigjenda og leigusala verði bætt með kynningarátaki og útgáfu handbókar um góðar starfsvenjur leigusala. Í ljósi þess að stór hluti leigjenda hér á landi er innflytjendur telur HMS mikilvægt að tryggt sé að upplýsingarnar verði settar fram á fleiri tungumálum en bara íslensku.  

Starfshópur um endurskoðun húsnæðisbótakerfisins verður einnig skipaður með það að markmiði að gera stuðninginn markvissari þannig að hann nýtist betur tekju- og eignaminni hópum á húsnæðismarkaði. HMS fagnar því enda hefur HMS áður bent á að núverandi kerfi sé ómarkvisst og stuðli að hærra leiguverði. 

Starfshópur um nýtt húsnæðislánakerfi

Skipun starfshóps um nýtt húsnæðislánakerfi er einnig hluti af húsnæðispakka tvö. Verkefni starfshópsins er að kortleggja nýlegar breytingar á lánaframboði, meðal annars í kjölfar vaxtadómanna svokölluðu, og áhrif þeirra á neytendur. Í kjölfarið er hópnum falið að greina hvort gera þurfi breytingar á löggjöf um fasteignalán til neytenda til að tryggja að staða lántaka sé ekki lakari en hún var fyrir vaxtadómana.  

Starfshópnum er einnig falið að greina hvort tilefni sé til að taka upp nýtt húsnæðislánakerfi hér á landi með auknu gagnsæi, sveigjanleika og fyrirsjáanleika fyrir neytendur. Hópurinn skal hafa erlendar fyrirmyndir til hliðsjónar og rýna kosti og galla annarra húsnæðislánakerfa, einkum í nágrannaríkjum. 

Ríkisstjórnin áformar uppbyggingu allt að 1.400 íbúða á ríkislóðum 

Umhverfismatsdagurinn fer fram 4. júní n.k. 

Farið verður yfir helstu strauma og stefnur í málaflokki umhverfismats 

Umhverfismatsdagurinn fer fram fimmtudaginn 4. júní nk. frá kl. 9-12 í húsnæði HMS að Borgartúni 21.  

Dagurinn er árleg ráðstefna um umhverfismat, þar sem fjallað er um það sem efst er á baugi í málaflokknum hverju sinni.     

Líkt og fyrri ár verða fjölbreytt erindi og pallborðsumræður í lokin. Dagskrá verður kynnt nánar þegar nær dregur. 

Opnað hefur verið fyrir skráningu og öllum sem hafa áhuga eru hvattir til að koma og vera með. Einnig verður hægt að fylgjast með í streymi.  

Opið fyrir skráningu á Umhverfismatsdaginn 2026

Opið fyrir skráningu á Umhverfismatsdaginn 2026

Póstlisti HMS

Útgáfuáætlun

Skráning á Umhverfismatsdaginn

Póstlisti HMS

Útgáfuáætlun

Fleiri fréttir

Flest sveitarfélög hafa lokið álagningu fasteignagjalda

Úthlutun hlutdeildarlána í apríl

Nýsköpun og framtíðarsýn í byggingarefnum

Ríkisstjórnin áformar uppbyggingu allt að 1.400 íbúða á ríkislóðum

Fleiri fréttir

Flest sveitarfélög hafa lokið álagningu fasteignagjalda

Úthlutun hlutdeildarlána í apríl

Nýsköpun og framtíðarsýn í byggingarefnum

Ríkisstjórnin áformar uppbyggingu allt að 1.400 íbúða á ríkislóðum