Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Miðvikudaginn 10. desember verður haldinn opinn fundur um þróun og framtíðahorfur íbúðarmarkaðar á Norðurlandi eystra. Fundurinn verður haldinn í húsakynnum HMS, Hafnarstræti 107 á Akureyri, kl. 12 og er opinn öllum. Að fundinum standa HMS, Tryggð byggð og Samtök sveitarfélaga á Norðurlandi eystra. 

Á fundinum verður fjallað um atvinnuþróun í landsbyggðunum, stöðuna á íbúðamarkaði og stöðu innleiðingar nýs viðmóts byggingarleyfa og næstu skref við þróun viðmótsins. 

Staðan í Akureyrarbæ 
Pétur Ingi Haraldsson, skipulagsfulltrúi Akureyrarbæjar 

Íbúðauppbygging og framtíðarhorfur 
Jón Örn Gunnarsson, sérfræðingur húsnæðisáætlana hjá HMS 

Byggingarleyfi á Íslandi – allt á einum stað 
Dagný Geirdal, verkefnastjóri Mannvirkjaskrár hjá HMS 

Fundarstjóri verður Albertína Friðbjörg Elíasdóttir, framkvæmdastjóri SSNE. 

Húsið opnar kl. 11:45 og verður boðið upp á léttar veitingar meðan á fundi stendur. Fundargestum er boðið samtal við frummælendur eftir fundinn. 

Við bjóðum öll velkomin og hlökkum til að sjá ykkur. 

Þróun og framtíðarhorfur íbúðamarkaðar og byggingarmála á Norðurlandi eystra

Markmið sjóðsins er að styðja við rannsóknir sem skila gagnlegum og áreiðanlegum niðurstöðum og styrkja húsnæðis og mannavirkjagerð í heild. Við úthlutanir er horft til þarfa og áskorana í íslenskri mannvirkjagerð, með áherslu á lausnir byggðar á gögnum, nýjustu þekkingu og skýrum markmiðum um sjálfbærni og nýsköpun.  

ASKUR hvetur fagfólk úr háskólasamfélaginu, rannsókna- og nýsköpunargeiranum, opinberum aðilum og atvinnulífi að vinna saman að metnaðarfullum verkefnum.  Verkefni eru m.a. metin út frá nýútgefin Rannsóknaþörf húsnæðis og mannvirkja og í ár er lögð áhersla á þrjá flokka innan hennar.  

Íslenskt veðurfar - Veður, slagregn, vindur, frost- og þíðuálag og áhrif loftslagsbreytinga á byggingar og byggingahluta

Rakatengd málefni og byggingagallar  - Virkni veðurhjúps, þéttingar,  lagnakerfi og orsakavaldar rakaskemmda 

Innivist  - Loftgæði, hljóðvist, ljósvist og áhrif á heilsu, vellíðan og notagildi bygginga. 

Einnig er horft til verkefna sem styðja almennt við nýsköpun og þróun þvert yfir húsnæðis- og mannvirkjagerð.

Rannsóknarþörfin varpar ljósi á mikilvægi, umfang, eðli og samfélagslegan ávinning mannvirkjarannsókna í breiðum skilningi. Markvissari rannsóknavinna á sviði mannvirkjagerðar hjálpar rannsakendum að velja brýn viðfangsefni til rannsókna og mun hún vera í leiðarljósi við val á  verkefnum til úthlutunar úr Aski. Rannsóknarþörfin í dag er ekki tæmandi yfirlit eða forgangsröðun rannsóknaþarfar í íslenskri húsnæðis- og mannvirkjagerð, hún gefur  mynd af stöðunni eins og hún er í dag.  

Til að styðja markvissar rannsóknir verða úthlutanir  á eftirfarandi hátt: 

Færri styrkir – hærri fjárhæðir. Í ár er leitast eftir að styðja færri en stærri verkefni.  

Meiri áhersla lögð á lokaafurðir. Nýtt matskerfi leggur m.a. aukna áherslu á gæði niðurstaða/lokaafurða og að niðurstöður nýtist húsnæðis- og mannvirkjagerð og samfélaginu í heild. 

Miðlun í fyrirrúmi. Burður er sameiginlegur miðlunarvettvangur og gert er ráð fyrir virkri miðlun niðurstaðna á vettvangi hans. Miðlun rannsókna fer fram í gegnum Burð – samstarfsvettvang mannvirkjarannsókna og prófana www.burdur.is  

Breytt fyrirkomulag útgreiðslna. Styrkir verða greiddir út í þremur hlutum (í stað tveggja) 

Lengri rannsóknarverkefni.  Eins og undanfarin ár er miðað við að styrkja verkefni til 12 mánaða. Hægt er að sækja um rannsóknastyrki til allt að 36 mánaða. Fjármagn er tryggt fyrir fyrsta hluta verkefnisins og vilyrði veitt fyrir seinni úthlutunum.  Skila þarf áfangaskýrslum (niðurstöðum) árlega sem verða birtar á vef Burðar.  

Opið er fyrir umsóknir til 31. desember 2025. Veittur er frestur til lokaskila fylgigagna til 16. janúar 2026, sjá nánar í umsóknarferli. 

Heildarfjármagn Asks í ár er 187,5 m.kr.  

BURÐUR opnar fyrir umsóknir í Ask - mannvirkjarannsóknasjóð 2025

HMS hefur endurvakið útgáfu á svonefndum Rb-blöðum, sem eru tækni- og leiðbeiningablöð um mannvirkjagerð. Viðfangsefni Rb-blaða hafa verið fjölbreytt í gegnum tíðina. Í tilefni útgáfu nýrra blaða endurútgefur HMS eldri blöð í lok hvers mánaðar sem tengjast málefnum líðandi stundar.

Rb-blað mánaðarins fjallar í þetta skiptið um myglusveppi í híbýlum, vaxtarferil og áhrif á gæði innilofts.

Blaðið var gefið út í júní 2021 og fjallar um vaxtarferli algengustu myglusveppa í híbýlum og áhrifum þeirra á gæði innilofts og heilsu fólks.

Myglusveppir eru alls staðar í vistkerfinu og gegna veigamiklu hlutverki í náttúrunni við niðurbrot á lífrænum efnum og eins og gróðurleifum. Þeir eru hluti af umhverfi okkar.

Til að dafna, þurfa myglusveppir hagstætt samspil hitastigs, næringar, raka og tíma.

Séu aðstæður réttar geta myglusveppir vaxið inn í lífræn (t.d. timbur) sem ólífræn efni (t.d. steypu, múr og vikur).

Vöxtur myglu og örvera í mannvirkjum getur valdið skemmdum og þar heilsufarstjóni fyrir íbúa og tilheyrandi kostnaði.

Mikið er unnið með því að þekkja til helstu myglusveppa, við hvaða aðstæður þeir dafna og bregðast við á réttan hátt.

Sem dæmi er mikilvægt að fylgjast með svæðum þar sem rakaálag er mikið. Þar á meðal má nefna gluggakarma, sturturými, salernisskálar, gólfniðurföll, skúffuna í þvottavélinni, svæðið þar sem innveggur mætir útvegg og þak.

Myglusveppir í híbýlum – Vaxtarferill og áhrif á gæði innilofts

Opinn fundur um þróun og framtíðarhorfur íbúðamarkaðar á Austurlandi var haldinn fimmtudaginn 20. nóvember í húsnæði Austurbrúar á Reyðarfirði. Fundinn sóttu um 35 manns og skapaðist góð og gagnleg umræða um stöðu húsnæðismála í landshlutanum. Að fundinum stóðu Húsnæðis- og mannvirkjastofnun (HMS), samstarfsverkefnið Tryggð byggð og Austurbrú. 

 Jóna Árný Þórðardóttir, bæjarstjóri Fjarðabyggðar, hóf fundinn með yfirferð um stöðu húsnæðismála í sínu sveitarfélagi. Þá fór Jón Örn Gunnarsson, sérfræðingur húsnæðisáætlana hjá HMS, yfir stöðu íbúðauppbyggingar og húsnæðisáætlanir sveitarfélaga á Austurlandi og greindi helstu áskoranir og tækifæri í landshlutanum. Dagný Geirdal, verkefnastjóri Mannvirkjaskrár hjá HMS, kynnti að lokum innleiðingu stafrænnar stjórnsýslu í byggingarmálum, þar á meðal sameiginlegt umsóknarkerfi fyrir byggingarleyfi og ávinning þess fyrir sveitarfélög og íbúa. 

 Á fundinum var jafnframt skrifað undir viljayfirlýsingu á milli Fjarðabyggðar og HMS, um áframhaldandi uppbyggingu íbúða og eflingu stafrænnar stjórnsýslu. Með yfirlýsingunni er m.a. lagt upp með að leita áfram leiða til að auka aðgengi að fjölbreyttum húsnæðiskosti í Fjarðabyggð, hraða nýbyggingum, bæta yfirsýn yfir íbúðalóðir og efla stafræna stjórnsýslu húsnæðis- og byggingarmála í sveitarfélaginu — aðgerðir sem styðja við markmið um tryggt húsnæðisöryggi og fjölbreyttan íbúðakost á Austurlandi. 

Jóna Árný sagði við þetta tilefni: 

„Öruggt og fjölbreytt húsnæði er ein af lykilforsendum þess að fólk velji að búa og setjast að á Austurlandi til lengri tíma. Umræðan á fundinum sýndi að hér er til staðar bæði vilji og kraftur til að flýta uppbyggingu og finna lausnir sem henta ólíkum íbúum á mismunandi æviskeiðum.“

Elmar Erlendsson, framkvæmdarstjóri HMS sagði einnig:

„Með viljayfirlýsingunni stígum við og Fjarðabyggð skýrt skref í átt að hraðari íbúðauppbyggingu, betri yfirsýn yfir lóðir og öflugri stafrænni stjórnsýslu.“

Fundarstjóri var Þuríður Lillý Sigurðardóttir, varaformaður Sambands sveitarfélaga á Austurlandi. Gestum var boðið í léttar veitingar og í samtal við frummælendur að fundi loknum. 

Opin umræða um framtíð íbúðamarkaðar á Austurlandi

HMS hefur unnið að leiðbeiningum um sölustaði skotelda sem settar eru á grundvelli leiðbeinandi hlutverks samkvæmt lögum um brunavarnir nr. 75/2000 að teknu tilliti til vopnalaga nr. 16/1998 og byggingarreglugerðar nr. 112/2012.

Markmið leiðbeininganna er að stuðla að samræmdri framkvæmd slökkviliðsstjóra við veitingu umsagna til lögreglustjóra vegna leyfisumsókna fyrir fyrirhugaða sölustaði skotelda, ásamt því að stuðla að auknu öryggi á þeim stöðum samkvæmt reglugerð um skotelda nr. 414/2017.

Leiðbeiningar um sölustaði skotelda

Póstlisti HMS

Útgáfuáætlun

Leiðbeiningar um sölustaði skotelda

Póstlisti HMS

Útgáfuáætlun

Fleiri fréttir

Þróun og framtíðarhorfur íbúðamarkaðar og byggingarmála á Norðurlandi eystra

BURÐUR opnar fyrir umsóknir í Ask - mannvirkjarannsóknasjóð 2025

Myglusveppir í híbýlum – Vaxtarferill og áhrif á gæði innilofts

Opin umræða um framtíð íbúðamarkaðar á Austurlandi

Fleiri fréttir

Þróun og framtíðarhorfur íbúðamarkaðar og byggingarmála á Norðurlandi eystra

BURÐUR opnar fyrir umsóknir í Ask - mannvirkjarannsóknasjóð 2025

Myglusveppir í híbýlum – Vaxtarferill og áhrif á gæði innilofts

Opin umræða um framtíð íbúðamarkaðar á Austurlandi