Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Gögn og mælaborð

Brunamálaskólinn

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Slökkviliðin

Stofnframlög

Þjónustuaðilar brunavarna

Þjónustuflokkar

Húsnæðisbætur og lán

Lánavefur

Öryggi mannvirkja

Brunavarnir

Sveitarfélagsgátt

Um HMS

Fræðsla og forvarnir

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Mánaðarskýrsla HMS fyrir nóvember 2024 er komin út, en hana má nálgast með því að smella á hnappinn hér fyrir neðan. Í skýrslunni kemur meðal annars fram að fasteignamarkaðurinn hefur kólnað á haustmánuðum, en eftirspurn er hins vegar töluverð í sögulegu samhengi. Leigumarkaðurinn ber aftur merki aukins eftirspurnarþrýstings, þar sem leiguverð hefur hækkað aftur eftir tveggja mánaða lækkun. Íbúðum til útleigu á Airbnb hefur fjölgað á síðustu árum, en samhliða því hefur leigjendum þótt erfiðara að verða sér úti um húsnæði. 

HMS_Mánaðarskýrsla_nóvember2024.pdf

Gogn_manadarskyrsla_nov24.xlsx

Myndir að baki mánaðarskýrslunni má nálgast  hér

Grindavíkuráhrif á fasteignamarkaðinn fjara út í nágrenni höfuðborgarsvæðis

Fasteignamarkaðurinn hefur kólnað á haustmánuðum með færri kaupsamningum heldur en á vor- og sumarmánuðum. Eftirspurn er hins vegar töluverð í sögulegu samhengi, en ekki hefur mælst jafnmikil velta á íbúðamarkaði á föstu verðlagi hér á landi í septembermánuði, ef frá er talið árið 2020.

Framboð íbúða til sölu hefur aukist töluvert á síðustu mánuðum, eftir því sem kaupsamningum hefur fækkað og margar nýjar íbúðir sem seljast hægt hafa komið inn á markaðinn. Rúmlega 2.500 íbúðir eru til sölu á höfuðborgarsvæðinu og hafa þær ekki verið fleiri frá því mælingar hófust fyrir sex árum. Töluverð eftirspurn er hins vegar eftir ódýrum íbúðum, sem bendir til þess að auglýstar íbúðir til sölu séu ekki verðlagðar í samræmi við þarfir markaðarins.

Grindavíkuráhrif á fasteignamarkaðinn eru að fjara út á höfuðborgarsvæðinu og í nágrenni þess. Samhliða því fækkar dýrum íbúðum á sölu í nágrenni höfuðborgarsvæðisins og hlutdeild ungra kaupenda á fasteignamarkaði eykst aftur eftir að hafa lækkað töluvert á vor- og sumarmánuðum.

Airbnb-íbúðum fjölgar og flestar þeirra eru skráðar á stórtæka leigusala eða miðlara

Leigumarkaðurinn ber aftur merki aukins eftirspurnarþrýstings, þar sem leiguverð hefur hækkað aftur eftir tveggja mánaða lækkun. Hins vegar hefur greiðslubyrði verðtryggðra lána aukist mun hraðar en leiguverð á síðustu árum, auk þess sem hlutfall leigu af fasteignaverði er enn lágt í sögulegu samhengi.

Airbnb-íbúðir voru rúmlega 9 þúsund í sumar og hefur þeim fjölgað á síðustu árum. Meirihluti þessara íbúða er skráður leigusala eða leigumiðlara sem leigja út fleiri en eina eign. Á meðan skammtímaleiguíbúðum hefur fjölgað bendir leigumarkaðskönnun HMS til að framboð langtímaleiguíbúða sé af skornum skammti.

Bilið hefur breikkað á milli markaðsleigu og leiguverðs íbúða sem ekki eru reknar á hagnaðarforsendum á síðasta ári. Íbúðir í eigu einstaklinga og leigusala eru leigðar út á 250 til 350 þúsund krónum á mánuði, á meðan íbúðir í eigu sveitarfélaga og óhagnaðardrifinna leigufélaga eru leigðar út á 100 til 200 þúsund krónum á mánuði.

Veðsetningarhlutfall nýrra fasteignalána til fyrstu kaupenda fer lækkandi í takt við reglur SÍ

Á lánamarkaði má undanfarin ár greina lækkandi verðsetningarhlutfall fyrstu kaupenda. Rekja má þessa þróun til reglna Seðlabankans sem takmarka mánaðarlega greiðslubyrði við 40 prósent af ráðstöfunartekjum þeirra. Þetta hefur leitt til þess að fleiri þurfa að leggja fram meira eigið fé og taka lægri lán með minna greiðslubyrði til að standast greiðslumat bankanna. 

Fyrirtækjum í byggingariðnaði fjölgar

Á byggingarmarkaði hefur fyrirtækjum í byggingariðnaði fjölgað samkvæmt tölum sem HMS hefur fengið frá Hagstofu um nýskráningar og gjaldþrot í greininni. Á þriðja ársfjórðungi ársins urðu 17 fyrirtæki í byggingarstarfsemi gjaldþrota og 141 fyrirtæki nýskráð.

Alls bárust HMS 79 umsóknir um hlutdeildarlán í nóvember að andvirði rúmlega 1 milljarð króna, en 400 milljónir króna eru til úthlutunar fyrir tímabilið. Stofnunin stefnir að því að ljúka yfirferð innsendra umsókna og ákvarða í lok þessarar viku hverjar þeirra uppfylla skilyrði um að hljóta hlutdeildarlán.

Umsóknir með samþykkt kauptilboð í forgangi

Hlutdeildarlán eru veitt til kaupa á nýjum íbúðum og standa þau til boða fyrir fyrstu kaupendur og þau sem ekki hafa átt íbúð síðastliðin fimm ár og eru undir tilteknum tekjumörkum. Í forgangi eru umsóknir þar sem staðfest kauptilboð liggur fyrir, auk þess sem miða skal við að á hverju ári verði að minnsta kosti 20% veittra hlutdeildarlána veitt til kaupa á íbúðum utan höfuðborgarsvæðisins. Ekki verður hægt að gefa út lánsvilyrði fyrr en allar umsóknir innan forgangsröðunar hafa verið metnar.

Af þeim umsóknum sem bárust um hlutdeildarlán í nóvember voru 55 þeirra með samþykkt kauptilboð og 24 umsóknir án kauptilboðs. Heildarfjárhæð umsókna með samþykkt kauptilboð var um 734 milljónir króna.

Langflestar umsóknir til kaupa á íbúðum á höfuðborgarsvæðinu

Að þessu sinni bárust flestar umsóknir vegna kaupa á íbúðum á höfuðborgarsvæðinu þar sem umsótt fjárhæð hlutdeildarlána var um 912 milljónir króna sen er rúmlega helmingi meira en það fjármagn sem nú er til úthlutunar. Mikill meirihluti þeirra íbúða eru staðsettar í Hafnarfirði og næstflestar í Garðabæ.

Svæði | Fjöldi umsókna | Lánsfjárhæð

Umsóknir um hlutdeildarlán eftir landssvæðum

Opnað verður aftur fyrir nýtt umsóknartímabil hlutdeildarlána í byrjun desember 2024. Nánari upplýsingar verða veittar síðar.

Áframhaldandi ásókn í hlutdeildarlán í nóvember

HMS, Tryggð byggð og Samtök iðnaðarins standa fyrir fundarröð um land allt um stöðu íbúðauppbyggingar og framtíðarhorfur.

Í samstarfi við Samband sveitarfélaga á Suðurnesjum er boðað til fundar um stöðu íbúðauppbyggingar á Suðurnesjum. Fundurinn verður haldin á Hótel Keflavík mánudaginn 25. nóvember og hefst kl. 12:00. Boðið verður upp á súpu og brauð.

Fundinum verður einnig streymt á facebook síðu HMS.

Vaxandi Reykjanesskagi: Hvernig íbúafjöldi og atvinnulíf mótar framtíðina
- Berglind Kristinsdóttir, framkvæmdastjóri Sambands sveitarfélaga á Suðurnesjum

Staða íbúðauppbyggingar og framtíðarhorfur
- Jón Örn Gunnarsson og Róbert Smári Gunnarsson, sérfræðingar á húsnæðissviði HMS

Byggjum í takt við þarfir
- Þorgils Helgason, viðskiptastjóri á mannvirkjasviði SI.

Fundarstjóri: Berglind Kristinsdóttir, framkvæmdastjóri Sambands sveitarfélaga á Suðurnesjum

Staða íbúðauppbyggingar á Suðurnesjum

Opinn fundur um stöðu íbúðauppbyggingar á Suðurnesjum

Elín Þórólfsdóttir, teymisstjóri hjá Húsnæðis- og mannvirkjastofnun, tók þátt í morgunverðarfundi Verkís um lífsferilsgreiningar í byggingariðnaði sem haldinn var miðvikudaginn 20. nóvember.

Fundurinn bar yfirskriftina „Sjálfbær þróun í byggingariðnaði: Hvernig getur byggingariðnaðurinn undirbúið sig fyrir breytingar á byggingarreglugerð“. Á fundinum var fjallað um þær lagabreytingar sem kynntar voru í mars síðastliðinn um innleiðingu lífsferilsgreininga (e. Life Cycle Analysis). Breytingarnar munu gera kröfu um gerð lífsferilsgreininga fyrir öll ný byggingarleyfisskyld mannvirki í umfangsflokkum 2 og 3, frá og með 1. september 2025.

Elín fjallaði sérstaklega um lífsferilsgreiningar í byggingarreglugerð og lagabreytingarnar sem nú eru í innleiðingu. Hún lagði áherslu á mikilvægi samræmdrar aðferðar við mat á umhverfisáhrifum bygginga yfir alla virðiskeðjuna og hvernig þessar breytingar stuðla að sjálfbærari framtíð byggingariðnaðarins.

Með Elínu á fundinum voru einnig Anna Ingvarsdóttir frá Verkís, sem fjallaði um áskoranir og lausnir við gerð lífsferilsgreininga, og Jónína Þóra Einarsdóttir og Kai Westphal frá Steypustöðinni, sem ræddu um sjálfbærnivegferð fyrirtækisins. Fundarstjóri var Íris Þórarinsdóttir frá Reitum.

Fundurinn var vel sóttur, og upptöku af fundinum má finna hér.

Húsnæðis- og mannvirkjastofnun þakkar Verkís fyrir að standa fyrir þessum fróðlega fundi og hlakkar til áframhaldandi samtals um sjálfbæra þróun í byggingariðnaði.

HMS tekur þátt í umræðum um lífsferilsgreiningar í byggingariðnaði

Mánudaginn 4. desember mun HMS uppfæra skráningar í kerfum sínum til samræmis við ÍST51:2021 staðall um byggingarstig húsa.

Í stað eldri byggingarstiga sem skráð hafa verið með númerunum 1-7 verða ný byggingarstig einkennd með bókstaf og tölustaf; B1, B2, B3 og B4.

Þessi háttur er hafður á til að koma í veg fyrir að hægt sé að lesa og misskilja eldri skráningu, t.d. að eldri skráning á byggingarstigi 4 sé misskilin sem ný skráning á byggingarstigi B4.

Eftir breytingu verður skráningin byggingarstiga eftirfarandi:

Eftirfarandi tafla sýnir hvernig eldri byggingarstigum kemur til með að vera varpað.

Ef einhverjar spurningar vakna varðandi þessar breytingar þá er hægt að hafa samband með því að senda póst á hms@hms.is.

Þjónustuflokkar

Þjónustuflokkar

Innleiðing á nýjum byggingarstigum

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Mánaðarskýrsla HMS nóvember 2024

Áframhaldandi ásókn í hlutdeildarlán í nóvember

Opinn fundur um stöðu íbúðauppbyggingar á Suðurnesjum

HMS tekur þátt í umræðum um lífsferilsgreiningar í byggingariðnaði

Fleiri fréttir

Mánaðarskýrsla HMS nóvember 2024

Áframhaldandi ásókn í hlutdeildarlán í nóvember

Opinn fundur um stöðu íbúðauppbyggingar á Suðurnesjum

HMS tekur þátt í umræðum um lífsferilsgreiningar í byggingariðnaði