Á yfirstaðinni haustönn voru haldin fjölbreytt námskeið á vegum Brunamálaskólans. Mikill áhugi var fyrir námskeiðunum sem sneru meðal annars að endurmenntun, verklegri þjálfun og frekari uppbyggingu fagþekkingar hjá slökkviliðsmönnum, þ.m.t. stjórnendum og eldvarnareftirlitsmönnum.

Á haustönninni var gefinn út fyrsti hluti bóklegs námsefnis í nýju grunnnámi slökkviliðsmanna. Um 100 slökkviliðsmenn voru skráðir í þennan hluta, frá 17 slökkviliðum, þar sem aðgangur var veittur að stafrænu kennsluefni á kennsluvef skólans. Samhliða þessu voru haldin fjögur verkleg námskeið í samstarfi við Brunavarnir Árnessýslu, sem þótti framkvæmdin heppnast mjög vel.

Auk þess var boðið upp á fleiri sérhæfð námskeið, þar á meðal:

Ásókn á námskeiðin var góð en breytilegt var um hvort staðar- eða fjarnámskeið var að ræða.

Til viðbótar hófst tilraunaverkefni í framhaldsnámi slökkviliðsmanna, í samstarfi við Slökkvilið höfuðborgarsvæðisins. Þar er áherslan lögð á verklega þjálfun og ætlunin er að þetta verkefni muni leiða af sér nýja námskrá í framhaldsmenntun slökkviliðsmanna, sem lögð verður til samþykktar fagráðs Brunamálaskólans í maí 2025.

Framundan á vorönn er frekari uppbygging námsleiða Brunamálaskólans í nánu samstarfi við slökkvilið landsins. Nýtt stjórnendanám verður kynnt ásamt áframhaldandi þróun grunn- og framhaldsnámskeiða fyrir slökkviliðsmenn. Samstarfsverkefnið með LSOS um nýja orkugjafa mun vonandi sömuleiðis leiða af sér endurmenntunarnámskeið fyrir slökkviliðsmenn víðs vegar um landið, við nálgun slökkviliða að nýjum orkugjöfum.