Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

HMS hefur gefið út tvær nýjar leiðbeiningar, annars vegar leiðbeiningar um beitingu stjórnvaldssekta og hins vegar leiðbeiningar um aðgang að húsnæði til skoðunar og eftirlits samkvæmt lögum um brunavarnir. Leiðbeiningarnar eru liður í innleiðingu á lagabreytingum sem samþykktar voru árið 2023, í kjölfar brunans við Bræðraborgarstíg árið 2020 og í ljósi aukinnar tíðni bruna í atvinnuhúsnæði. Hægt er að nálgast leiðbeiningarnar með því að smella á hnappinn hér að neðan. 

Með lagabreytingunum hafa slökkvilið nú skýrari heimildir til að sinna eftirliti með búsetu í atvinnuhúsnæði og aðgangs að íbúðarhúsnæði í tengslum við eldvarnareftirlit. Þá er slökkviliðsstjórum jafnframt veitt heimild til að beita stjórnvaldssektum við brot á lögum og reglugerðum um brunavarnir.  

Leiðbeiningar um beitingu stjórnvaldssekta  

Samkvæmt lögum um brunavarnir er slökkviliðsstjóra heimilt að leggja stjórnvaldssekt á einstaklinga og lögaðila sem brjóta gegn ákvæðum laganna. Markmiðið með þessum leiðbeiningum er að leiðbeina slökkviliðsstjórum við beitingu um slíkra sekta og tryggja að ákvarðanir séu teknar á samræmdan og gagnsæjan hátt.  

Leiðbeiningar um aðgang að húsnæði til skoðunar og eftirlits  

Slökkviliðsstjórar hafa lögbundna heimild til aðgangs að húsnæði til skoðunar og eftirlits samkvæmt lögum um brunavarnir. Þessar leiðbeiningar veita stuðning og aðstoð við framkvæmd þessara verkefna og stuðla að samræmi og gagnsæi í framkvæmdinni.  

Markmiðið með leiðbeiningunum er að efla brunavarnir og tryggja öryggi fólks með því að skýra hlutverk og heimildir slökkviliða enn frekar. Með útgáfu þessara leiðbeininga eru tekin mikilvæg skref í átt að samræmdri og markvissri framkvæmd eftirlits í þágu öryggis. 

Nýjar leiðbeiningar HMS um beitingu stjórnvaldssekta og aðgang að húsnæði til skoðunar og eftirlits 

Andvirði umsókna um hlutdeildarlán nam um 706 milljónum króna, en 333 milljónir króna eru til úthlutunar

45 umsóknir að andvirði um 591,6 milljón króna var með samþykktu kauptilboði

Mikill meirihluti umsókna er vegna íbúða á höfuðborgarsvæðinu og flestar til kaupa á íbúðum í Hafnarfirði

Alls bárust HMS 53 umsóknir um hlutdeildarlán í júlí að andvirði um 706 milljóna króna, en 333 milljónir króna eru til úthlutunar fyrir tímabilið. HMS vinnur að yfirferð umsókna og stefnt er á að klára afgreiðslu þeirra fyrir lok júlí.

Í ljósi mikillar eftirspurnar umfram það fjármagn sem er til úthlutunar, er útlit fyrir að draga þurfi úr samþykktum umsóknum í samræmi við forgangsreglur þar sem talsverðar líkur eru á að upphæð samþykktra umsókna verði umfram þá fjárhæð sem er til úthlutunar að þessu sinni.

Meirihluti umsókna til kaupa á íbúðum á höfuðborgarsvæðinu

Flestar umsóknir bárust vegna kaupa á íbúðum á höfuðborgarsvæðinu, þar sem alls var sótt um hlutdeildarlán að fjárhæð 513 milljónir króna vegna 36 íbúða. Þessar íbúðir eru flestar staðsettar í Hafnarfirði. Á vaxtarsvæðum eru flestar umsóknir vegna íbúða á Suðurnesjum, einkum í Reykjanesbæ og Suðurnesjabæ.

Umsóknir með samþykkt kauptilboð í forgangi

Hlutdeildarlán eru veitt til kaupa á nýjum íbúðum og standa þau til boða fyrir fyrstu kaupendur og þau sem ekki hafa átt íbúð síðastliðin fimm ár og eru undir tilteknum tekjumörkum. Í forgangi eru umsóknir þar sem staðfest kauptilboð liggur fyrir, auk þess sem miða skal við að á hverju ári verði að minnsta kosti 20% veittra hlutdeildarlána veitt til kaupa á íbúðum utan höfuðborgarsvæðisins.

53 umsóknir um hlutdeildarlán í júlí 2025 

Vísitala íbúðaverðs mældist 111,4 stig í júní og hækkaði um 0,45 prósent á milli mánaða 

Á síðustu tólf mánuðum hefur íbúðaverð hækkað um 4,7 prósent, en árshækkunin nam 5,7 prósent í maí

Íbúðaverð hækkaði um 0,5 prósent að raunvirði á milli júnímánaða 2024 og 2025, samanborið við 1,9 prósenta hækkun í maí og 3,3 prósent í apríl

Vísitala íbúðaverðs mældist 111,4 stig í júní og hækkaði um 0,45 prósent á milli mánaða. Á síðustu tólf mánuðum hefur íbúðaverð hækkað um 4,7 prósent, á sama tíma og verðbólga mældist 4,2 prósent.

Raunverðshækkun vísitölu íbúðaverðs á ársgrundvelli er á niðurleið og nam 0,5 prósent í júní en til samanburðar var 12 mánaða raunhækkun íbúðaverðs 1,9 prósent í maí og 3,3 prósent í apríl.

Á mynd hér að neðan má sjá mánaðarbreytingu vísitölu íbúðaverðs á síðustu mánuðum.

Taflan hér að neðan sýnir vísitöluna, ásamt mánaðarhækkun hennar og 12 mánaða hækkun, auk fjögurra undirvísitalna fjölbýlis og sérbýlis á landsbyggðinni og á höfuðborgarsvæðinu.

Vísitala | Gildi | Breyting á milli mánaða | 12 mánaða breyting

Vísitala íbúðaverðs fyrir júní 2025

Enn hægist á raunverðshækkun íbúðaverðs

Á síðastliðnum 12 mánuðum hefur vísitala íbúðaverðs hækkað um 0,5 prósent að raunvirði, en raunverðshækkun á ársgrundvelli hefur lækkað samfellt frá því í janúar þegar hún var 5,5 prósent. Vísitala íbúðaverðs hefur ekki hækkað jafn lítið að raunvirði frá því í apríl 2024 þegar hún hækkaði um 0,3 prósent.

Raunverðshækkun íbúðaverðs er að miklu leyti drifin áfram af verðhækkunum á sérbýlisíbúðum á landsbyggðinni. Á höfuðborgarsvæðinu hefur vísitala íbúðaverðs hækkað um 0,2 prósent að raunvirði síðastliðið ár. Þar af hefur vísitala sérbýlisíbúða á höfuðborgarsvæðinu hækkað um 1,6 prósent á sama tíma og vísitala fjölbýlisíbúða á svæðinu hefur lækkað um 1 prósent.

Á landsbyggðinni hefur vísitalan hækkað um 1,2 prósent að raunvirði síðastliðið ár en hækkunin hefur að mestu verið drifin áfram af verðhækkunum á sérbýli sem hafa hækkað um 1,5 prósent að raunvirði en fjölbýlisíbúðir um 0,7 prósent.

Mæla­­­­borð fyr­­­­­ir vísi­­­­­töl­­­­­ur HMS

Mælaborð fyrir vísitölur HMS um íbúða- og leiguverð er aðgengilegt á vef HMS. Þar er hægt að nálgast þróun vísitölu íbúðaverðs, ásamt vísitölu íbúðaverðs á höfuðborgarsvæðinu og landsbyggð.

Einnig sýnir mælaborðið undirvísitölur íbúðaverðs og eldri vísitölu íbúðaverðs á höfuðborgarsvæðinu fyrir tímabilið 1994-2024 sem var birt á vef Fasteignaskrár, auk sameiginlegrar vísitölu, sem er byggð á eldri vísitölum íbúðaverðs fyrir tímabilið 1981-2024 og nýrri undirvísitölu íbúðaverðs á höfuðborgarsvæðinu og tekur gildið 100 í janúar 2024.

Vísitala íbúðaverðs hækkaði um 0,45 prósent á milli mánaða í júní 2025

Rúmlega 3.000 almennar íbúðir hafa verið teknar í notkun með aðstoð stofnframlaga

Tvær af hverjum þremur almennum íbúðum eru í Reykjavík

Yfir 7.000 einstaklingar hafa fengið öruggt húsnæði á viðráðanlegu verði

Frá því að reglur um stofnframlög tóku gildi á seinni hluta árs 2016 hefur fram til þessa verið úthlutað stofnframlögum til byggingar eða kaupa á rúmlega 4.000 íbúðum í 44 sveitarfélögum um allt land. Af þeim hafa rúmlega 75 prósent íbúða þegar verið teknar í notkun. Heildarfjárfesting í verkefnunum nemur um 160 milljörðum króna.

Til úthlutunar í ár eru 7,3 milljarðar króna og hefur HMS lokið fyrstu úthlutun 2025 og vinnur nú úr umsóknum sem bárust í annarri úthlutun ársins. Alls hafa borist umsóknir vegna 485 íbúða í fyrstu og annarri úthlutun, þá hafa átta umsóknir vegna 48 íbúða verið samþykktar af HMS og viðkomandi sveitarfélagi þar sem íbúðir verða staðsettar fram til þessa.

Rúmlega 3.000 ný heimili með viðráðanlegan húsnæðiskostnað með aðstoð stofnframlaga

Teknar hafa verið í notkun yfir 3.000 íbúðir og eru þær nú öruggt heimili, með viðráðanlegan húsnæðiskostnað, fyrir fjölskyldur í 32 sveitarfélögum um allt land. Áætla má að fjöldi einstaklinga sem býr í íbúðunum sé um 7.200 manns ef miðað er við landsmeðaltal um að 2,4 íbúar búi að meðaltali í hverri íbúð sem tekin hefur verið í notkun. 

Flestar almennar íbúðir komnar í notkun í Reykjavík

Mesta uppbyggingin innan almenna íbúðakerfisins hefur fram til þessa verið á höfuðborgarsvæðinu, þar sem nærri 2.400 íbúðir af rúmlega 3.000 hafa verið teknar í notkun. Reykjavíkurborg verið með langflestar samþykktar íbúðir allra sveitarfélaga á höfuðborgarsvæðinu,  en um 2.000 íbúðir voru staðsettar þar.

Á Suðurnesjum og á Norðurlandi eystra hafa svo 133 íbúðir verið teknar í notkun í hvorum landshluta fyrir sig, á meðan rúmlega 120 íbúðir hafa verið teknar í notkun á Vesturlandi og Suðurlandi. 

Stofnframlög eru stuðningur í formi eigin fjár sem veitt eru til uppbyggingar á leiguíbúðum fyrir tekju- og eignaminni heimili til að auka húsnæðisöryggi leigjenda og stuðla að því að húsnæðiskostnaður sé í samræmi við greiðslugetu leigjenda eða að jafnaði ekki umfram fjórðung tekna. Stofnframlögin sem eru veitt bæði til byggingar og kaupa á íbúðum eru veitt annars vegar fyrir hönd ríkisins í gegnum HMS og hins vegar frá viðkomandi sveitarfélagi þar sem íbúðirnar koma til með að vera staðsettar í.

Stofnframlag ríkisins er 18 prósent af stofnkostnaði íbúðanna og framlag sveitarfélags er 12 prósent. Ríki er heimilt að veita allt að 4 prósent viðbótarframlag vegna íbúðarhúsnæðis á vegum sveitarfélaga, íbúðarhúsnæðis ætlað námsmönnum eða fötluðu fólki. Einnig er heimilt að veita sérstakt byggðaframlag vegna byggingar almennra íbúða á svæðum þar sem skortur er á leiguhúsnæði og bygging íbúða hefur verið í lágmarki.

Staða almenna íbúðakerfisins í júlí 2025

Breyting á reglugerð um raforkuvirki nr. 678/2009 var birt á vef Stjórnartíðinda 28. október sl. og tók gildi sama dag.

Með breytingunni er verið að uppfæra tilvísanir í staðla sem hafa verið endurnýjaðir en helsta breytingin er að í stað tilvísunar í ÍST 200:2006 er vísað til evrópsku staðlaraðarinnar ÍST HD 60364.

Breytingarreglugerðina má sjá hér í heild sinni. Samsett reglugerð verður uppfærð á heimasíðu stofnunarinnar.

Þjónustuflokkar

Þjónustuflokkar

Breyting á reglugerð um raforkuvirki

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Nýjar leiðbeiningar HMS um beitingu stjórnvaldssekta og aðgang að húsnæði til skoðunar og eftirlits

53 umsóknir um hlutdeildarlán í júlí 2025

Vísitala íbúðaverðs hækkaði um 0,45 prósent á milli mánaða í júní 2025

Staða almenna íbúðakerfisins í júlí 2025

Fleiri fréttir

Nýjar leiðbeiningar HMS um beitingu stjórnvaldssekta og aðgang að húsnæði til skoðunar og eftirlits

53 umsóknir um hlutdeildarlán í júlí 2025

Vísitala íbúðaverðs hækkaði um 0,45 prósent á milli mánaða í júní 2025

Staða almenna íbúðakerfisins í júlí 2025