Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunamálaskólinn

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Slökkviliðin

Stofnframlög

Þjónustuaðilar brunavarna

Þjónustuflokkar

Húsnæðisbætur og lán

Lánavefur

Öryggi mannvirkja

Brunavarnir

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

HMS birtir spurningu mánaðarins á vefsíðunni byggingarreglugerd.is. Með spurningu mánaðarins er leitast við að svara algengum spurningum sem sérfræðingum HMS á sviði starfsumhverfis mannvirkjagerðar berast.

Spurning mánaðarins í mars fjallar um hvort sækja þurfi um leyfi fyrir 15 m² gestahúsi á frístundalóð eða allt að 15 m² húsum/kofum til útleigu í ferðaþjónustu.

Má setja upp 15m² gestahús án leyfis?

Rúmlega þrír af hverjum fjórum nýjum leigusamningum í febrúar vörðuðu eignir sem leigðar eru út á markaðsforsendum

Meðaltal markaðsleigu á landinu öllu stóð í stað á milli mánaða

Heildarleiguverð var lægst en fermetraverð hæst í Reykjavíkurborg í febrúar

Alls tóku 1.400 nýir samningar gildi í leiguskrá HMS í febrúar á sama tíma og 791 samningur féll úr gildi. Gildum leigusamningum fjölgaði þannig um 609 milli mánaða. Þetta kemur fram í upplýsingum sem HMS hefur unnið upp úr leiguskrá og eru aðgengilegar í mælaborði leiguskrár.

Markaðsleiga stendur í stað milli mánaða

Af þeim 1.400 samningum sem tóku gildi í febrúar voru 77 prósent á vegum einstaklinga og hagnaðardrifinna leigufélaga, en HMS metur markaðsleigu út frá slíkum samningum. Hlutfallið var sambærilegt í febrúar árið 2024 þegar 79 prósent af 1.297 nýjum samningum voru gerðir á markaðsforsendum. 

Meðaltal markaðsleigu í nýskráðum samningum í febrúar var 263 þúsund krónur og er óbreytt frá fyrri mánuði. Sé litið til leiguíbúða sem eru minni en 80 fermetrar var meðaltal markaðsleigu 231 þúsund krónur og hækkaði um 1,3 prósent milli mánaða. Fyrir stærri leiguíbúðir var leiguverð að meðaltali 296 þúsund krónur og lækkaði um 2,1 prósent milli mánaða. 

Heildarverð hæst en fermetraverð lægst á Seltjarnarnesi

Markaðsleiguverð er nokkuð breytilegt eftir landshlutum og sveitarfélögum, eins og sjá má á myndinni hér að neðan sem sýnir meðaltal markaðsleigu í sveitarfélögum þar sem gerðir voru fimm eða fleiri leigusamningar í mánuðinum.

Eins og við er að búast var markaðsleiga að meðaltali hæst í sveitarfélögum á höfuðborgarsvæðinu, ívið lægri í nágrannasveitarfélögum höfuðborgarsvæðisins og lægst annars staðar á landsbyggðinni. Það sama gildir um meðaltal fermetraverðs. 

Á höfuðborgarsvæðinu var dýrast að leigja á Seltjarnarnesi, þar sem meðalleiga var um 338 þúsund krónur, en ódýrast í Reykjavíkurborg, þar sem meðalverð var 274 þúsund krónur. Sé hins vegar litið til leiguverðs á hvern fermetra er þessu öfugt farið, þar sem meðalfermetraverð var hæst í Reykjavíkurborg en lægst á Seltjarnarnesi. Skýringin liggur í því að alla jafna eru stærri íbúðir leigðar út á Seltjarnarnesi samanborið við í Reykjavík.

Í nágrenni höfuðborgarsvæðisins var markaðsleiga hæst í Suðurnesjabæ, um 269 þúsund krónur, en lægst í Reykjanesbæ, um 245 þúsund krónur. Fermetraverð var aftur á móti að meðaltali hæst í Reykjanesbæ en lægst í Suðurnesjabæ. Á landsbyggðinni var markaðsleiga hæst á Akureyri, hvort sem litið er til meðaltals heildarverðs eða fermetraverðs.

Hægt er að nálgast upplýsingar um meðalleiguverð íbúða í leiguverðsjá HMS, sem byggir á samningum úr leiguskrá. Þar geta notendur valið landsvæði, sveitarfélag og póstnúmer leigueigna, fjölda herbergja, flatarmál og byggingarár. Einnig geta notendur síað leigusamninga eftir tegund leigusala og eftir því hvort samningar séu tímabundnir eða ekki.

Upp­­­­lýs­ing­­­­ar í leig­u­­­­skrá í sí­­­­felldri upp­­­­­­­færslu

Hægt er að skrá upplýsingar um leigusamninga afturvirkt í leiguskrá HMS. Þar af leiðandi er möguleiki á að upplýsingar um verð og fjölda samninga sem taka gildi og falla úr gildi eftir mánuðum taki breytingum yfir tíma.  Ekki er því hægt að tryggja fullkomið samræmi í birtingu slíkra upplýsinga frá einum tíma til annars.

Meðalleiga lægst en fermetraverð hæst í Reykjavík í febrúar

Dagana 12.-13. mars fór fram námskeið á vegum Brunamálaskólans fyrir stjórnendur slökkviliða. Á námskeiðinu, sem haldið var á Laugarbakka í Miðfirði, var farið yfir lykilþætti á sviði mannauðsstjórnunar. Í heildina voru 37 stjórnendur frá 25 slökkviliðum, frá öllum landshlutum, sem sóttu námskeiðið.

Leiðbeinandi námskeiðsins var Gylfi Dalmann Aðalsteinsson, prófessor í mannauðsstjórnun við Háskóla Íslands. Gylfi hefur áratuga reynslu af kennslu og er einn helsti sérfræðingur landsins í mannauðsstjórnun.

Á námskeiðinu var farið yfir hlutverk stjórnenda og leiðtoga, mikilvægi vinnustaðamenningar og hvernig hægt er að byggja upp jákvætt starfsumhverfi. Einnig var farið yfir lykilþætti breytingarstjórnunar og þá verkferla sem hægt er að styðjast við innleiðingar á breytingum. Þá var fjallað um mikilvægi árangursríkrar liðsheildar og hvernig stjórnendur geta unnið að því að efla teymi sín. Verkefnavinna var mikilvægur hluti námskeiðsins, þar sem þátttakendum gafst tækifæri til að vinna saman að úrlausnarefnum sem tengjast þeirra störfum.

Til viðbótar við námskeiðið kynnti Birgir Finnsson, varaslökkviliðsstjóri SHS og fulltrúi slökkviliðsstjóra í fagráði Brunamálaskólans, fyrir þátttakendum námskeiðsins hvernig Brunamálaskólinn er að móta nám fyrir stjórnendur slökkviliða á vettvangi.

Almenn ánægja var með námskeiðið og töldu þátttakendur efnið vera gagnlegt og hagnýtt fyrir þeirra störf.

Brunamálaskólinn þakkar Gylfa og þátttakendum kærlega fyrir samstarfið og þátttöku í kringum námskeiðið og stefnt er að því að gera námskeið sem þessi að reglulegum þætti í starfsemi skólans.

Hér má sjá fleiri myndir af námskeiðinu:

Námskeið í mannauðsstjórnun fyrir stjórnendur slökkviliða

Um 1.085 eignir voru teknar af sölu í febrúar og hefur þeim fjölgað hratt á síðustu mánuðum

Hægt er að áætla fasteignaumsvif einn mánuð fram í tímann með því að telja íbúðir sem teknar eru úr sölu í hverjum mánuði

Álíka margar íbúðir voru teknar úr sölu á fyrstu tveimur mánuðum ársins og í ársbyrjun 2021

Íbúðum sem teknar hafa verið af sölu hefur fjölgað hratt á síðustu mánuðum, samkvæmt upplýsingum sem HMS hefur unnið úr fasteignaauglýsingum. Fjölgun íbúða sem teknar hafa verið úr sölu bendir til þess að umsvif á fasteignamarkaði hafi aukist á síðustu tveimur mánuðum.

Í febrúar voru um 1.085 eignir teknar af sölu þar sem 70% þeirra eru staðsettar á höfuðborgarsvæðinu, 17% þeirra í nágrenni höfuðborgarsvæðis og 13% þeirra annars staðar á landinu. Hægt er að áætla umsvif á fasteignamarkaði út frá fjölda íbúða sem teknir eru af sölu á vefnum fasteignir.is í hverjum mánuði, þar sem sterk fylgni hefur verið á milli þeirra og fjölda útgefinna kaupsamninga mánuði seinna.

Líkt og sést hér á myndinni að neðan hefur íbúðum sem teknar hafa verið af söluskrá fjölgað á milli mánaða en í janúar voru um 950 eignir teknar af sölu og 650 eignir teknar af sölu í desember.

Á fyrstu tveimur mánuðum síðasta árs voru fleiri eignir teknar úr sölu, en þá stórjókst eftirspurn á fasteignamarkaði tímabundið vegna atburðanna í Grindavík. Fjöldi eigna sem tekin var úr sölu í janúar og febrúar var um helmingi fleiri í ár en á sama tímabili árin 2022 og 2023. Álíka margar fasteignir voru þó teknar úr sölu í janúar og febrúar 2021, þegar vextir á húsnæðislánum voru í sögulegu lágmarki.

Af þeim 1.085 íbúðum sem teknar voru af sölu á öllu landinu í febrúar voru 230 nýbyggingar, en til samanburðar voru um 200 nýbyggingar teknar af sölu í janúar. Hlutfall nýbygginga sem teknar voru af sölu var hæst í nágrenni höfuðborgarsvæðisins, eða um 39% , en til samanburðar var hlutfall slíkra eigna sem teknar voru af sölu 20% í janúar. Hlutfallið er sambærilegt á milli mánaða á höfuðborgarsvæðinu, eða í kringum 21% í janúar og febrúar.

Á síðustu tveimur mánuðum hafa um 300 nýbyggingar verið teknar af sölu á höfuðborgarsvæðinu þegar 150 slíkar eignir voru teknar af sölu í febrúar og 153 í janúar. Fjöldi þeirra hefur tæplega tvöfaldast frá því í nóvember og desember í fyrra, en þá voru um 86 eignir teknar af sölu í nóvember og 80 í desember.

Hlutfall nýbygginga af framboði hefur því lækkað á síðustu tveimur mánuðum frá hágildi hlutfallsins um síðustu áramót. Um áramót voru um 47% allar íbúða til sölu á höfuðborgarsvæðinu nýjar íbúðir og hefur hlutfall þeirra ekki mælst svona hátt frá því að gagnasöfnun hófst á fasteignaauglýsingum í byrjun árs 2018.

Vísbendingar um aukin fasteignaumsvif á fyrstu mánuðum ársins

Viltu auka þekkingu, gæði og nýsköpun á sviði mannvirkjagerðar?

Húsnæðis- og mannvirkjastofnun minnir á að opið er fyrir umsóknir í Ask -mannvirkjarannsóknarsjóð. Umsóknarform og upplýsingar eru á vef Asksins, hms.is/askur. Þar koma fram áhersluþættir ársins og starfsreglur sjóðsins ásamt kynningarmyndbandi um umsóknarferlið. 

Auglýst er eftir umsóknum um styrki úr Aski - mannvirkjarannsóknarsjóði

Þjónustuflokkar

Þjónustuflokkar

Auglýst er eftir umsóknum um styrki úr Aski - mannvirkjarannsóknarsjóði

Póstlisti HMS

Útgáfuáætlun

Viltu auka þekkingu, gæði og nýsköpun á sviði mannvirkjagerðar?

Póstlisti HMS

Útgáfuáætlun

Fleiri fréttir

Má setja upp 15m² gestahús án leyfis?

Meðalleiga lægst en fermetraverð hæst í Reykjavík í febrúar

Námskeið í mannauðsstjórnun fyrir stjórnendur slökkviliða

Vísbendingar um aukin fasteignaumsvif á fyrstu mánuðum ársins

Fleiri fréttir

Má setja upp 15m² gestahús án leyfis?

Meðalleiga lægst en fermetraverð hæst í Reykjavík í febrúar

Námskeið í mannauðsstjórnun fyrir stjórnendur slökkviliða

Vísbendingar um aukin fasteignaumsvif á fyrstu mánuðum ársins

Þjónustuflokkar

Auglýst er eftir umsóknum um styrki úr Aski - mannvirkjarannsóknarsjóði

Póstlisti HMS

Útgáfuáætlun

Viltu auka þekk­ingu, gæði og ný­sköp­un á sviði mann­virkja­gerð­ar?

Póstlisti HMS

Útgáfuáætlun

Fleiri fréttir

Má setja upp 15m² gestahús án leyfis?

Meðalleiga lægst en fermetraverð hæst í Reykjavík í febrúar

Námskeið í mannauðsstjórnun fyrir stjórnendur slökkviliða

Vísbendingar um aukin fasteignaumsvif á fyrstu mánuðum ársins

Fleiri fréttir

Má setja upp 15m² gestahús án leyfis?

Meðalleiga lægst en fermetraverð hæst í Reykjavík í febrúar

Námskeið í mannauðsstjórnun fyrir stjórnendur slökkviliða

Vísbendingar um aukin fasteignaumsvif á fyrstu mánuðum ársins

Viltu auka þekkingu, gæði og nýsköpun á sviði mannvirkjagerðar?