Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Mánaðarlegar úthlutanir hlutdeildarlána út árið 2025.

1.049 ný heimili orðið til með aðstoð hlutdeildarlána.

Í ár hafa 163 íbúðir verið samþykktar að uppfylla skilyrði til að vera keyptar með hlutdeildarláni, flestar þeirra hafa verið í Hafnarfirði.

Opnað var að nýju fyrir umsóknir um hlutdeildarlán þann 1. júlí síðastliðinn og mánaðarlegar úthlutanir lánanna jafnframt tryggðar út árið 2025. Til úthlutunar í júlí eru 333 milljónir króna og er umsóknarfrestur til klukkan 12:00 þann 14. júlí.

Rúmlega eitt þúsund ný heimili orðið til með aðstoð hlutdeildarlána

Frá því að hlutdeildarlán voru fyrst veitt árið 2020 hefur HMS veitt 1.049 lán til einstaklinga og fjölskyldna sem eru að kaupa sína fyrstu íbúð og hafa getu til þess greiða mánaðarlegar afborganir en eiga erfitt með að safna fyrir fullri útborgun.

Í ár hafa 163 íbúðir fengið samþykki frá HMS að þær uppfylli skilyrði til þess að vera keyptar með hlutdeildarláni og eru þær flestar staðsettar í Hafnarfirði eða 126 íbúðir. Aðrar íbúðir eru staðsettar utan höfuðborgarsvæðisins þar á meðal 12 íbúðir á Selfossi og 7 íbúðir í Borgarnesi.

Af þessum 163 íbúðum er 51 íbúð með einu svefnherbergi, 57 íbúðir með tveimur, 49 íbúðir með þremur svefnherbergjum. Nærri þriðjungur íbúðanna eru á stærðarbilinu 60 til 70 fermetra.

Umsóknir með samþykkt kauptilboð í forgangi

Hlutdeildarlán eru veitt til kaupa á nýjum íbúðum og standa þau til boða fyrir fyrstu kaupendur og þau sem ekki hafa átt íbúð síðastliðin fimm ár og eru undir tilteknum tekjumörkum. Í forgangi eru umsóknir þar sem staðfest kauptilboð liggur fyrir, auk þess sem miða skal við að á hverju ári verði að minnsta kosti 20% veittra hlutdeildarlána veitt til kaupa á íbúðum utan höfuðborgarsvæðisins.

HMS greiddi þann 1. júlí um 905 milljónir króna í húsnæðisstuðning til leigjenda vegna leigu í júní. Þessar greiðslur styðja við þúsundir heimila um allt land og miða að því að draga úr húsnæðiskostnaði efnaminni leigjenda og auka húsnæðisöryggi þeirra. Stuðningurinn skiptist í tvo meginflokka; almennar húsnæðisbætur og sérstakan húsnæðisstuðning fyrir íbúa Kópavogs og Skagafjarðar. 

Húsnæðisbætur, sem er stærsti hluti þessa stuðnings, er ætlað að lækka húsnæðiskostnað tekju- og eignalægri leigjenda til að styðja þá við að standa straum af leigugreiðslum. Í júní greiddi HMS um 880 milljónir króna til um 16.500 umsækjenda í almennar húsnæðisbætur vegna leigu þess mánaðar. 

Sérstakur húsnæðisstuðningur í Kópavogi og Skagafirði 

HMS greiðir einnig sérstakan húsnæðisstuðning fyrir sveitarfélögin Kópavog og Skagafjörð sem hluta af tilraunaverkefni stjórnvalda. Sérstakur húsnæðisstuðningur er á forræði sveitarfélaganna og felur í sér aukinn stuðning við þá sem sökum fjárhagslegra- eða félagslegra aðstæðna eiga erfitt með að standa straum af húsnæðiskostnaði. Í júní voru greiddar um 25 milljónir króna til um 950 umsækjenda í Kópavogi og 90 umsækjenda í Skagafirði. 

Rúmar 900 milljónir í húsnæðisstuðning í júní

Bjarg íbúðafélag hefur hafið framkvæmdir við nýtt íbúðaverkefni að Loðmundartanga 19–27 á Flúðum. Um er að ræða raðhús með fimm nýjum leiguíbúðum sem ætlaðar eru tekju- og eignaminni fjölskyldum, samkvæmt viðmiðum fyrir almennar íbúðir.

Verkefnið fékk samþykkt stofnframlag í fyrstu úthlutun ársins 2024 og er það hluti af áframhaldandi uppbyggingu Bjargs víða um land. Með verkefninu bætist Flúðir í hóp þeirra staða þar sem félagið býður upp á öruggar og hagkvæmar  íbúðir til leigu til langs tíma.

Íbúðirnar verða með þremur svefnherbergjum og hannaðar með aðgengi og sjálfbærni að leiðarljósi. Stefnt er að því að íbúðirnar verði tilbúnar til afhendingar á vormánuðum 2026. Byggingaraðili er Probygg ehf. og arkitektar eru Trípólí arkitekt

Ánægja ríkir innan sveitarfélagsins með uppbygginguna. „Það hefur mikla þýðingu fyrir samfélagið að jafn öflugt félag og Bjarg íbúðafélag skuli hasla sér völl hér á svæðinu og að það hafi þegar hafið byggingu fimm íbúða raðhúss," segir Aldís Hafsteinsdóttir, sveitarstjóri Hrunamannahrepps.

„Á Flúðum er mikill skortur á leiguhúsnæði. Hér eru margir öflugir vinnustaðir og fjölmargir sem án vafa munu taka því fegins hendi að geta sótt um öruggt húsnæði á hagstæðum kjörum eins og Bjarg getur boðið. Húsnæði fyrir alla er mannréttindi og því er það afar ánægjulegt að svona öflugt félag eins og Bjarg íbúðafélag hafi hafið uppbyggingu hér hjá okkur," bætir hún við.

Bjarg íbúðafélag er sjálfseignarstofnun í eigu ASÍ og BSRB sem hefur það markmið að tryggja öruggt leiguhúsnæði fyrir tekjulágt fólk á almennum markaði.

Uppfært: Í fyrri útgáfu fréttar var ranglega nefnt að byggingaraðili væri SS byggir ehf. Hið er rétta er að Probygg ehf. er byggingaraðili. Það hefur verið leiðrétt.

Bjarg byggir fimm nýjar íbúðir á Flúðum 

Áhugi á uppsetningu sólarvirkja (sólarorkukerfa, sólarsellukerfa) hefur aukist verulega síðustu ár. Eftir því sem tækninni hefur fleygt fram er notkun slíkra kerfa til orkuvinnslu á norðlægum slóðum, jafnvel á Íslandi, orðinn raunhæfur möguleiki.

Í sinni einföldustu mynd samanstendur sólarvirki af sólarsellum sem raðað er saman til að umbreyta orku sólarinnar í raforku. Í sólarsellunum verður til jafnspenna og jafnstraumur sem tekinn er í gegnum áriðil (e. inverter) sem breytir þeim í riðspennu og riðstraum sem flest raftæki á heimilum nota.

Ým­is­legt ber að var­ast við upp­setn­ingu sól­ar­orku­kerfa

Þó sólarorkukerfi séu ekki algeng á Íslandi hefur þeim fjölgað gríðarlega í Evrópu á undanförnum árum. Þessi uppbygging hefur meðal annars leitt í ljós að ýmislegt ber að varast við uppsetningu og notkun þessara kerfa. Sem dæmi má nefna að nokkuð hefur verið um bruna af völdum sólarorkukerfa og einnig hefur töluvert borið á truflunum af þeirra völdum, til dæmis á öðrum rafbúnaði og fjarskiptum. Með aukinni reynslu við val á búnaði og uppsetningu hefur þessum vandamálum fækkað.

Þegar ákvörðun er tekin um uppsetningu sólarorkukerfis er afar mikilvægt að valinn sé búnaður sem uppfyllir allar kröfur sem um hann gilda. Einnig er æskilegt að allir íhlutir sólarorkukerfa séu keyptir af aðila með reynslu af slíkum kerfum til að stuðla að samþýðanleika íhluta og draga úr líkum á að þeir hafi neikvæð áhrif hvor á annan og valdi truflunum.

Við uppsetningu sólarorkukerfa getur þurft að taka tillit til ýmissa atriða. Við uppsetningu á þaki húsa getur til að mynda þurft að taka tillit til burðarþols og vindálags. Eins getur uppsetning verið byggingarleyfisskyld eða tilkynningarskyld til viðkomandi sveitarfélags (byggingarfulltrúa).

Öll raflagnavinna, þar með talin uppsetning og tenging sólarvirkja, skal unnin á ábyrgð löggilts rafverktaka sem tilkynnir verk sín til HMS að þeim loknum.

HMS hefur gefið út leiðbeiningar um raflagnir sólarvirkja, verklýsingu VL 3.040. Í leiðbeiningunum er meðal annars farið yfir kröfur reglugerðar um raforkuvirki (rur) og ÍST HD 60364 staðlaraðarinnar sem lúta að raflögnum á þessum stöðum og helstu atriði sem hafa ber í huga.

Viltu auka þekkingu, gæði og nýsköpun á sviði mannvirkjagerðar?

Húsnæðis- og mannvirkjastofnun minnir á að opið er fyrir umsóknir í Ask -mannvirkjarannsóknarsjóð. Umsóknarform og upplýsingar eru á vef Asksins, hms.is/askur. Þar koma fram áhersluþættir ársins og starfsreglur sjóðsins ásamt kynningarmyndbandi um umsóknarferlið. 

Auglýst er eftir umsóknum um styrki úr Aski - mannvirkjarannsóknarsjóði

Þjónustuflokkar

Þjónustuflokkar

Auglýst er eftir umsóknum um styrki úr Aski - mannvirkjarannsóknarsjóði

Póstlisti HMS

Útgáfuáætlun

Viltu auka þekkingu, gæði og nýsköpun á sviði mannvirkjagerðar?

Póstlisti HMS

Útgáfuáætlun

Fleiri fréttir

Hlutdeildarlán í júní 2025

Rúmar 900 milljónir í húsnæðisstuðning í júní

Bjarg byggir fimm nýjar íbúðir á Flúðum

Leiðbeiningar um raflagnir sólarvirkja

Fleiri fréttir

Hlutdeildarlán í júní 2025

Rúmar 900 milljónir í húsnæðisstuðning í júní

Bjarg byggir fimm nýjar íbúðir á Flúðum

Leiðbeiningar um raflagnir sólarvirkja

Þjónustuflokkar

Auglýst er eftir umsóknum um styrki úr Aski - mannvirkjarannsóknarsjóði

Póstlisti HMS

Útgáfuáætlun

Viltu auka þekk­ingu, gæði og ný­sköp­un á sviði mann­virkja­gerð­ar?

Póstlisti HMS

Útgáfuáætlun

Fleiri fréttir

Hlutdeildarlán í júní 2025

Rúmar 900 milljónir í húsnæðisstuðning í júní

Bjarg byggir fimm nýjar íbúðir á Flúðum

Leiðbeiningar um raflagnir sólarvirkja

Fleiri fréttir

Hlutdeildarlán í júní 2025

Rúmar 900 milljónir í húsnæðisstuðning í júní

Bjarg byggir fimm nýjar íbúðir á Flúðum

Leiðbeiningar um raflagnir sólarvirkja

Viltu auka þekkingu, gæði og nýsköpun á sviði mannvirkjagerðar?