Við áramót 2024 lauk stórum áfanga í vinnu við Vegvísi að vistvænni mannvirkjagerð 2030. Af 74 upprunalegum aðgerðum sem settar voru fram hafa 40 verið kláraðar og 5 í endurmat, sem þýðir að 61% aðgerða er lokið.

Aðgerðirnar sem lokið var við á seinni hluta ársins styrkja sjálfbærni í byggingargeiranum. Meðal þeirra eru:

Skoða allar aðgerðir: Byggjum grænni framtíð

Lofts­lagsvæn steypa í aukn­um mæli

Í aðgerð 1.6 – Þróun á loftslagsvænni steypu hefur verið unnið að þróun og fræðslu um vistvænni steypugerðir með minni kolefnisspori. Rannsóknir og fræðsluverkefni hafa lagt grunn að auknum möguleikum á steypu með minni sementsinnihaldi og nýjum bindiefnum, sem stuðlar að minni losun í byggingargeiranum.

Fræðsla um orku­sparn­að í bygg­ing­um

Aðgerð 3.4. miðar að því að dýpka skilning á orkusparnaði í byggingum með því að greina rannsóknir, útreikninga og fræðslu um leiðir til að draga úr orkusóun.

Niðurstöður sýna að notandinn getur haft mikil áhrif á orkunotkun með því að:

Leið­bein­ing­ar um end­ur­nýt­ingu og nið­ur­rif birt­ar á Hringvang­ur.is

Leiðbeiningarnar sem unnar voru í aðgerð 4.9 og 4.10 eru nú aðgengilegar á heimasíðu Hringvangs. Hringvangur er tengslanet sem vinnur að því að innleiða hringrásarhagkerfi í byggingariðnaðinum með því að stuðla að hringrásarhagkerfi í byggingargeiranum.

Fram­tíð­ar­sýn og næstu skref

Áfram verður unnið að aðgerðum Vegvísisins með áherslu á nýsköpun, fræðslu og stefnumótun. Markmiðið er að tryggja umhverfisvænni framtíð fyrir byggingariðnaðinn með aðgerðum sem styðja við sjálfbæran vöxt og kolefnishlutleysi.