Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Litlar breytingar hafa verið á meðaltali markaðsleigu að raunvirði milli ára en óhagnaðardrifin leiga hefur lækkað

Dreifing leiguverðs hefur þrengst og bilið milli markaðsleigu og óhagnaðardrifinnar leigu hefur breikkað

Biðlistar eftir íbúðum utan markaðsleigu eru álíka langir og árin 2023 og 2024

Leiga sem ekki er talin til markaðsleigu hefur ekki haldið í við verðbólgu á síðastliðnu ári, á meðan litlar breytingar hafa orðið á meðaltali markaðsleigu á föstu verðlagi. Bilið á milli markaðsleigu og óhagnaðardrifinnar leigu hefur því breikkað, á sama tíma og biðlistar eftir leiguíbúðum utan markaðsleigu eru langir. Þetta er meðal þess sem kemur fram í nýútgefinni mánaðarskýrslu HMS fyrir desember, sem nálgast má með því að smella hér.

Lítil breyting á meðaltali markaðsleigu á föstu verðlagi

Á mynd hér að neðan má sjá dreifingu leiguverðs á föstu verðlagi eftir því hvort samningarnir teljist til markaðsleigu eða ekki árin 2024 og 2025. Líkt og myndin sýnir er lítil breyting á meðaltali markaðsleigu á milli ára, ef tekið er tillit til verðbólgu. Hins vegar hefur dreifingin þrengst, þannig að minni munur er á milli dýrra og ódýrra leigusamninga en áður.

Meðaltal óhagnaðardrifinnar leigu hefur aftur á móti lækkað að raunvirði, þar sem slíkir leigusamningar hafa ekki hækkað í takt við verðbólgu. Sömuleiðis hefur dreifingin þrengst, þannig að flestir samningar eru á þrengra verðbili en áður.

Hægt er að nálgast leiguverð eftir staðsetningu, stærð og aldri íbúða í hverjum mánuði í leiguverðsjá HMS. Þar má einnig sjá mun á markaðsleigu og óhagnaðardrifinni leigu, sem og leiguverð eftir því hvort samningar séu tímabundnir eða ekki.

Biðlistar eftir leiguíbúðum utan markaðsleigu langir

Finna má upplýsingar um biðlista eftir leiguíbúðum utan markaðsleigu í húsnæðisáætlunum sveitarfélaga, sem HMS heldur utan um. Samkvæmt húsnæðisáætlunum fyrir árið 2025 voru tæplega 7 þúsund umsækjendur á biðlista eftir leiguíbúðum utan markaðsleigu, en biðlistarnir voru álíka langir árin 2024 og 2023.

Á mynd hér að ofan má sjá biðlista eftir leiguíbúðum utan markaðsleigu. Lengstu biðlistarnir eru eftir almennum leiguíbúðum fyrir tekju- og eignalága, en einnig eru langir biðlistar eftir félagslegum íbúðum á vegum sveitarfélaga og námsmannaíbúðum.

Óhagnaðardrifin leiga hefur lækkað að raunvirði

Mánaðarskýrsla HMS fyrir desember 2025 er komin út, en hana má nálgast með því að smella á hnappinn hér fyrir neðan. Í skýrslunni kemur meðal annars fram að fasteignamarkaðurinn kólnaði í nóvember, samkvæmt tölum um kaupsamninga og fjölda íbúða sem tekinn var af söluskrá í mánuðinum. Lánamarkaðurinn veitir betri vaxtakjör á húsnæðislánum eftir að Seðlabankinn lækkaði stýrivexti í seinni hluta nóvembermánaðar

Gogn_manadarskyrsla_desember25HMS.xlsx

Minni umsvif á fasteignamarkaði í nóvember

Fasteignamarkaðurinn kólnaði í nóvember, samkvæmt tölum um kaupsamninga og fjölda íbúða sem tekinn var af söluskrá í mánuðinum. Í desember virðist markaðurinn hins vegar hafa tekið við sér, samkvæmt mánaðarlegri spurningakönnun til fasteignasala. Könnunin bendir þó til þess að markaðurinn sé enn á valdi kaupenda.

Nýjum íbúðum á sölu heldur áfram að fjölga, þar sem sala þeirra hefur verið dræm á meðan margar þeirra hafa orðið fullbúnar á síðustu misserum. Einungis 5,5 prósent allra nýrra íbúða á höfuðborgarsvæðinu eru hins vegar verðlagðar undir 65 milljónum króna.

Verð skiptir unga kaupendur mestu máli við val á húsnæði, samkvæmt könnun sem HMS hefur látið framkvæma um búsetuóskir. Eldri kaupendur líta hins vegar meira til annarra þátta sem snúa að gæðum og þægindum, líkt og svala, palla, nægra bílastæða og góðra birtuskilyrða.

Leigumarkaðurinn ber minni merki verðþrýstings en síðustu ár, þar sem markaðsleiga hefur fylgt verðbólgu og leiga utan markaðsleigu hefur lækkað að raunvirði. Á höfuðborgarsvæðinu er markaðsleiga hæst í Garðabæ, en þar er hún að meðaltali yfir 300 þúsund krónum á mánuði.

Íbúðalánakjör banka og flestra lífeyrissjóða hafa batnað eftir stýrivaxtalækkun

Lánamarkaðurinn veitir betri vaxtakjör á húsnæðislánum eftir að Seðlabankinn lækkaði stýrivexti í seinni hluta nóvembermánaðar. Ný fjármögnunarleið íbúðarkaupa í boði byggingaraðila er eftirspurnarhvetjandi, en hefur hingað til verið lítið notuð. Helsti munurinn á fjármögnunarleiðinni og hlutdeildarlánum eru afnotagjöld af eignarhlut fjárfestingarsjóðs, en með breyttu fyrirkomulagi verða þau innheimt mánaðarlega.

Raunvirði byggingarkostnaðar er jafnhátt og það var fyrir 7 árum en opinber gjöld hafa hækkað mikið

Byggingamarkaðurinn hefur orðið kvikari á síðustu árum, þar sem fleiri fyrirtæki í byggingarstarfsemi byrja og hætta störfum í hverjum mánuði en áður. Opinber gjöld vegna uppbyggingar íbúða hafa hækkað á síðustu árum, á meðan annar byggingarkostnaður hefur ekki haldið í við verðbólgu.

Vísitala leiguverðs mældist 126,7 stig og hækkaði um 0,24 prósent milli mánaða

Líkt og síðustu mánuði hægir enn frekar á hækkun vísitölu leiguverðs og nam 12 mánaða hækkun hennar 5,58 prósentum í nóvember

Markaðsleiga hækkaði um 1,81 prósent að raunvirði á milli nóvembermánaða 2024 og 2025, en sambærileg hækkun nam 2,26 prósent í október og 3,15 prósent í september

Vísitala leiguverðs á höfuðborgarsvæðinu mældist 126,7 stig og hækkaði um 0,24 prósent á milli mánaða í nóvember. Á síðastliðnum 12 mánuðum hefur vísitalan hækkað um 5,58 prósent á sama tíma og verðbólga mældist 3,7 prósent og vísitala íbúðaverðs hækkaði um 2,65 prósent. Á meðfylgjandi mynd má sjá mánaðarlega breytingu á vísitölu leiguverðs ásamt gildum hennar síðustu 12 mánuði.

Á meðfylgjandi mynd má sjá mánaðarlega breytingu á vísitölu leiguverðs ásamt gildum hennar síðustu 12 mánuði.

Vísitala leiguverðs á að mæla markaðsleigu byggir á vegnu meðaltali leiguverðs á fermetra hjá hefðbundnum íbúðum í eigu einstaklinga og hagnaðardrifinna leigufélaga. Niðurstöður eru vegnar saman með veltu íbúða með sama herbergjafjölda á síðustu 12 mánuðum. Stuðst er við leigusamninga síðastliðinna tveggja mánaða við útreikning vísitölunnar, svo nóvembergildi hennar tekur mið af leigusamningum í október og nóvember.

Dregur úr tólf mánaða hækkun vísitölu leiguverðs

Tólf mánaða taktur vísitölu leiguverðs lækkaði annan mánuðinn í röð en markaðsleiga hækkaði að nafnvirði um 5,6 prósent í nóvember, samanborið við 6,7 prósent í október, og 7,4 prósenta nafnverðshækkun á ársgrundvelli í september.

Til að tólf mánaða taktur vísitölu leiguverðs haldi áfram að lækka í desember þarf vísitalan að lækka meira en hún gerði milli nóvember 2024 og desember 2024 þegar hún lækkaði um 0,92% milli mánaða. Raunar hafa verðsveiflur vísitölunnar minnkað mikið á þessu ári en mánaðarleg breyting hennar hefur verið frá -0,41% upp í 1,33% það sem af er þessu ári, samanborið við -1,10% og upp í 3,19% í fyrra. Sé litið til síðustu ára hefur verðþrýstingur verið minni í desember samanborið við aðra mánuði á leigumarkaði.

Mæla­­­­­borð fyr­­­­­­ir vísi­­­­­­töl­­­­­­ur HMS

Mælaborð fyrir vísitölur HMS um íbúða- og leiguverð er aðgengilegt á vef HMS. Þar er hægt að nálgast þróun vísitölu leiguverðs á höfuðborgarsvæðinu, auk þess er hægt að nálgast eldri og sameinaðar vísitölur leiguverðs. Mælaborðið má finna á https://hms.is/gogn-og-maelabord/visitolur.

Vísitala leiguverðs hækkaði um 0,24 prósent í nóvember 2025

Á síðustu árum hefur vefurinn www.ils.is haldið utan um upplýsingar um stöðu húsbréfa og útdrátt þeirra. Síðasti útdrátturinn á bréfunum fór fram 15.desember og hefur vefnum í kjölfarið verið lokað.

Frá og með þessum tíma verða upplýsingar um húsbréf aðgengilegar á vef Stjórnarráðsins.

Nánari upplýsingar á vef Stjórnarráðssins

Upplýsingavef um greiðslur Húsbréfa lokað

Frá og með föstudeginum 19. desember 2025 kl. 12:00 verður ekki lengur hægt að sækja um byggingarleyfi í gegnum Mínar síður HMS. Umsóknir um byggingarleyfi verða framvegis aðgengilegar á heimasíðum sveitarfélaga.

Jafnframt er ekki lengur hægt að skila eða framkvæma úttektir á Mínum síðum HMS. Úttektir skulu framvegis skilaðar og framkvæmdar á bg.hms.is.

Lokað fyrir umsóknir um byggingarleyfi á mínum síðum HMS

Lokað fyrir umsóknir um byggingarleyfi á mínum síðum HMS

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Óhagnaðardrifin leiga hefur lækkað að raunvirði

Mánaðarskýrsla HMS desember 2025

Vísitala leiguverðs hækkaði um 0,24 prósent í nóvember 2025

Upplýsingavef um greiðslur Húsbréfa lokað

Fleiri fréttir

Óhagnaðardrifin leiga hefur lækkað að raunvirði

Mánaðarskýrsla HMS desember 2025

Vísitala leiguverðs hækkaði um 0,24 prósent í nóvember 2025

Upplýsingavef um greiðslur Húsbréfa lokað