Húsnæðisáætlanir veita yfirsýn yfir húsnæðismál sveitarfélaga, greina framboð og eftirspurn og setja fram áætlun um hvernig mæta á húsnæðisþörf heimila, bæði til skemmri og lengri tíma. Markmið húsnæðisáætlana er að tryggja húsnæðisöryggi.

Sveitarstjórnir bera ábyrgð á húsnæðisáætlunum, meta þörf fyrir íbúðir og uppfæra áætlanir árlega. Þær skulu samræmast fjárhags- og skipulagsáætlunum og ber að skila þeim til HMS fyrir 20. janúar ár hvert.

HMS veitir ráðgjöf, fylgist með áætlanagerð og afhendir sveitarfélögum gögn og upplýsingar sem styðja við vinnslu húsnæðisáætlana.