18. nóvember 2026

Vísitala leiguverðs lækkaði um 0,23 prósent á milli mánaða í október 2026

Póstlisti HMS

Skráðu þig á póstlista HMS og fáðu allar nýjustu fréttir sendar í pósthólfið þitt.

Netfang

Útgáfuáætlun

Hér má sjá útgáfuáætlun HMS

  • Vísitala leiguverðs hefur nú lækkað þrjá mánuði í röð
  • Leiguverð hefur hækkað um 1,82% síðastliðna tólf mánuði, samanborið við 2,13% hækkun íbúðaverðs
  • Leiguverð hefur lækkað um 3,8% að raunvirði á síðustu tólf mánuðum

Vísitala leiguverðs á höfuðborgarsvæðinu mældist 128,7 stig í október og lækkaði um 0,23% á milli mánaða. Þetta er þriðji mánuðurinn í röð sem vísitalan lækkar, en hún lækkaði um 0,92% í september og 0,15% í ágúst. Frá því í júlí hefur vísitalan því lækkað um 1,3%.

Á síðastliðnum tólf mánuðum hefur vísitala leiguverðs hækkað um 1,82%, samanborið við 3,2% hækkun í september. Áfram hefur því hægt á árshækkun leiguverðs, en tólf mánaða hækkunin hefur almennt farið lækkandi frá sumarmánuðum ársins 2024.

Vísitala leiguverðs byggir á vegnu meðaltali leiguverðs á fermetra hjá hefðbundnum íbúðum í eigu einstaklinga og hagnaðardrifinna leigufélaga á höfuðborgarsvæðinu. Niðurstöður eru vegnar saman með veltu íbúða með sama herbergjafjölda á síðustu 12 mánuðum. Stuðst er við leigusamninga síðastliðinna tveggja mánaða við útreikning vísitölunnar, svo októbergildi hennar tekur mið af leigusamningum í september og október.

Leiguverð hækkar nú minna en íbúðaverð

Síðastliðna tólf mánuði hefur leiguverð á höfuðborgarsvæðinu hækkað um 1,82% á sama tíma og vísitala íbúðaverðs hefur hækkað um 2,13%. Leiguverð hefur því hækkað minna en íbúðaverð á ársgrundvelli í fyrsta sinn síðan mars 2023.

Líkt og sjá má á myndinni hér að neðan hefur dregið úr tólf mánaða hækkun bæði leiguverðs og íbúðaverðs að undanförnu. Tólf mánaða hækkun leiguverðs náði hámarki í rúmum 15% um mitt ár 2024, en hefur síðan farið almennt lækkandi. Á sama tímabili hefur einnig hægt á hækkun íbúðaverðs.

Verðbólga mældist 5,9% í október samkvæmt Hagstofu Íslands og því hefur leiguverð lækkað um 3,8% að raunvirði síðastliðna tólf mánuði. Raunlækkun leiguverðs hefur aukist undanfarna mánuði, en í september mældist hún 2,6% og í ágúst 1,3%. Þótt leiguverð hafi hækkað lítillega að nafnvirði á ársgrundvelli hefur hækkunin því verið töluvert minni en hækkun almenns verðlags.

Mælaborð fyrir vísitölur HMS

Mælaborð fyrir vísitölur HMS um íbúða- og leiguverð er aðgengilegt á vef HMS. Þar er hægt að nálgast þróun vísitölu leiguverðs á höfuðborgarsvæðinu, auk eldri og sameinaðra vísitalna leiguverðs.

Mælaborð fyrir vísitölur HMS

Nýr póstlisti hag­deild­ar HMS

Hagdeild HMS hefur útbúið nýjan póstlista fyrir alla sem vilja fylgjast með húsnæðismálum. Áskrifendur póstlistans munu fá helstu greiningar sendar til sín úr mánaðarskýrslum HMS, ásamt tilfallandi greiningum um fasteigna-, leigu-, lána- og byggingarmarkaðinn og auglýsingum um komandi viðburði.

Hægt er að skrá sig á póstlistann með því að smella á hnappinn hér fyrir neðan.

Póstlisti hagdeildar HMS

Póstlisti HMS

Skráðu þig á póstlista HMS og fáðu allar nýjustu fréttir sendar í pósthólfið þitt.

Netfang

Útgáfuáætlun

Hér má sjá útgáfuáætlun HMS