Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Gögn og mælaborð

Askur - mannvirkjarannsóknarsjóður

Brunamálaskólinn

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjaskrá

Markaðseftirlit

Rafmagnsöryggi

Slökkviliðin

Stofnframlög

Þjónustuaðilar brunavarna

Þjónustuflokkar

Húsnæðisbætur og lán

Öryggi mannvirkja

Brunavarnir

Sveitarfélagsgátt

Um HMS

Fræðsla og forvarnir

Fréttir

Lög og reglugerðir

Umsóknir og eyðublöð

Útgefið efni

HMS mun á næstu mánuðum hefja aftur útgáfu af svonefndum Rb-blöðum, sem eru tækni- og leiðbeiningablöð um mannvirkjagerð. Viðfangsefni Rb-blaða hafa verið fjölbreytt í gegnum tíðina og mun HMS birta blöð í lok hvers mánaðar sem tengjast málefnum líðandi stundar. Rb-blöð mánaðarins voru gefin út í janúar 1979 og fjalla um bárujárn.

Fyrsta Rb-blaðið fjallar um gerð og eiginleikum bárujárns til þakklæðningar og notkun þess lýst

Annað Rb-blaðið fjallar um verklýsingu fyrir bárujárnsklæðningu á þök og dæmi um frágang einstakra þakhluta

Þriðja Rb-blaðið fjallar um dæmi um frágang á þakhlutum. Miðað er við þök, sem klædd eru með báruðum járn- eða stálplötum.

Önnur útgefin Rb-blöð má nálgast með því að smella á þennan hlekk

Notkun bárujárns sem útveggjaklæðningu er séríslensk byggingarhefð sem hefur þróast og hentar vel í íslenskri veðráttu. Bárujárn er mikið notað hérlendis en líkt og með margt annað þarf að skoða ástand þess reglulega og sinna viðhaldi.

Þar sem veturinn er að ganga í garð minnir HMS á að í vondum veðrum þarf veðurkápa mannvirkja að standast veðurálagið.

Skoða þarf atriði eins og neglingu sérstaklega á þeim stöðum sem vindur gæti komist undir bárujárnið, við þakbrúnir, á samskeytum, við mænisás og á hornum. Einnig þarf að skoða hvort bárujárnið sé heilt, sé ekki ryðgað og verji mannvirkið fyrir vind-og vatnsálagi.

HMS mælir einnig með reglulegri ástandsskoðun mannvirkja og fyrirbyggjandi aðgerðum þar sem þær geta komið í veg fyrir kostnaðarsamt tjón.

Velta kaupsamninga um atvinnuhúsnæði dróst saman um 33 prósent milli mánaða í ágúst, þrátt fyrir að fjöldinn helst óbreyttur

Kaupsamningum fækkar á höfuðborgarsvæðinu milli mánaða á sama tíma og þeim fjölgar utan höfuðborgarsvæðisins

Kaupverð atvinnuhúsnæðis var að meðaltali 49,4 milljónir í ágúst, sem er 33 prósentum lægra en í júlí

Heildarvelta kaupsamninga um atvinnuhúsnæði nam 4,54 milljörðum króna í ágúst, sem er 33 prósentum minni en velta júlímánaðar. Hins vegar hækkar velta slíkra samninga um 12 prósent milli ágústmánaða 2023 og 2024 á föstu verðlagi. Þetta kemur fram í mánaðarlegum tölum HMS um veltu með atvinnuhúsnæði, sem nálgast má hér að neðan.

Vidskipti_um_atvinnuhusnaedi_agust24.xlsx

Mánaðartölur um veltu um atvinnuhúsnæði

Þinglýstir kaupsamningar um atvinnuhúsnæði voru alls 92 talsins í ágúst, sem er sami fjöldi og var í júlí. Fleiri samningum var þinglýst utan höfuðborgarsvæðisins, eða 52 talsins á meðan 40 samningum var þinglýst á höfuðborgarsvæðinu.

Mánaðarlegur fjöldi kaupsamninga um atvinnuhúsnæði 2020-2024

Á myndinni hér að ofan má sjá mánaðartölur yfir fjölda kaupsamninga um atvinnuhúsnæði á landinu öllu, höfuðborgarsvæðinu og annars staðar á landinu frá ársbyrjun 2020.

Ódýrari viðskipti með atvinnuhúsnæði í ágúst

Velta með atvinnuhúsnæði nam 3,18 milljörðum króna á höfuðborgarsvæðinu og 1,36 milljörðum króna á landsbyggðinni í ágúst. Meðalkaupverð atvinnuhúsnæðis var því 26,2 milljónir króna á landsbyggðinni, sem er 38 prósent lægra en í júlí á föstu verðlagi. Meðalkaupverð atvinnuhúsnæðis var 79,5 milljónir króna á höfuðborgarsvæðinu og lækkar um 19 prósent milli mánaða á föstu verðlagi.

Hægt er að nálgast mánaðarlegar tölur um fjölda kaupsamninga á íbúðarhúsnæði sem og öðru húsnæði eftir sveitarfélögum, landshlutum og fjölda kaupenda með því að smella á þennan hlekk. Ný kaupverðsjá er einnig aðgengileg á vefsíðu HMS með því að smella á þennan hlekk, en þar er hægt að skoða upplýsingar um kaupsamninga eftir byggingarári, fermetrafjölda, tegund og staðsetningu fasteigna.

Velta kaupsamninga um atvinnuhúsnæði dróst saman í ágúst 

Alls voru 16,8 prósentum færri íbúðir í byggingu í september en á sama tíma í fyrra

Íbúðir í byggingu á fyrstu tveimur framvindustigum voru helmingi færri en í síðustu tveimur talningum HMS og framkvæmdir hefjast á of fáum íbúðum ef ekki á að verða frekari samdráttur á nýjum íbúðum

Færri íbúðir eru á sama framvindustigi á milli talninga, sem gefur vísbendingar um að byggingaraðilar leggi megináherslu á að ljúka yfirstandandi verkefnum

Framkvæmdir voru hafnar á 7.221 íbúð um allt land í september, samanborið við 7.937 íbúðir í mars síðastliðinn og 8.683 í september 2023. Þetta er á meðal þess sem kemur fram í greiningu upp úr nýjustu íbúðatalningu HMS, en nálgast má hana með því að smella á hnappinn hér fyrir neðan.

Talning september 2024 - Greining.pdf

Greining og stöðumat á íbúðum í byggingu september 2024

Íbúðum í byggingu fjölgar frá síðustu talningu HMS í mars síðastliðnum í Hvalfjarðarsveit og Hveragerðisbæ, en í hvoru sveitarfélagi nemur fjölgunin 31 íbúð. Á höfuðborgarsvæðinu fækkar íbúðum í byggingu í öllum  sveitarfélögum nema í Seltjarnarnesbæ þar sem jafnmargar íbúðir eru í byggingu og í síðustu talningu HMS.

Á höfuðborgarsvæðinu hefur hægst á uppbyggingu og fækkar íbúðum í byggingu um 536 íbúðir sem er samdráttur um 9,7 prósent á milli talninga. Mest fækkar þeim í Hafnarfjarðarbæ eða um 185 íbúðir og næstmest í Garðabæ þar sem 144 færri íbúðir eru í byggingu miðað við síðustu talningu HMS. Í Reykjavíkurborg fækkar íbúðum í byggingu um 27 íbúðir á milli talninga. Sjá má fjölda íbúða í byggingu eftir landssvæðum á mynd hér að neðan.

Við samanburð nýjustu talningar við fyrri talningar kemur í ljós að fjöldi íbúða á fyrri framvindustigum (fyrir fokheldi) hefur farið fækkandi í síðustu fimm talningum og hafa þær ekki verið færri síðan í september 2021.

Færri íbúðir eru í framkvæmdum sem standa í stað milli talninga og telja þær framkvæmdir nú 1.311 íbúðir samanborið við 1.880 íbúðir í marstalningunni fyrr á árinu og 3.929 íbúðir í september fyrir ári síðan. Sjá má fjölda íbúða sem standa í stað milli talninga eftir landshlutum á mynd hér að neðan.

Fækkun íbúða sem standa í stað á milli talninga samhliða auknum umsvifum í byggingarframkvæmdum á síðustu misserum gefur til kynna að byggingaaðilar leggi nú meiri áherslu á að klára verkefni sem þegar eru hafin í stað þess að hefja ný verkefni.

Hins vegar eru 454 íbúðir nú á sama stigi og þær voru á í talningu HMS frá septembermánuði í fyrra, en undir venjulegum hraða á framvindu byggingarframkvæmda hefðu þessar íbúðir átt að færast á milli framvindustiga á 12 mánaða tímabili. Því gætu byggingaraðilar þessara íbúða verið í vandræðum með að klára uppbyggingu eða haldið að sér höndum þar til markaðsaðstæður breytast.

Út frá nýjustu talningu gerir HMS ráð fyrir að 3.024 íbúðir verði fullbúnar í ár sem er í samræmi við spá HMS eftir marstalningu fyrr á þessu ári. Áætlað er að 2.897 íbúðir verði fullbúnar árið 2025 og 2.323 íbúðir árið 2026, líkt og sjá má á mynd hér að neðan. Þess má geta að framkvæmdir sem hefjast á næstu mánuðum gætu klárast árið 2026 miðað við tveggja ára framleiðslutíma íbúða og er því spáin fyrir árið 2026 ekki endanleg spá fyrir það ár.

HMS og Samtök iðnaðarins (SI) munu fara yfir helstu niðurstöður íbúðatalningarinnar á opnum fundi um stöðu íbúðauppbyggingar sem fer hefst kl. 12 á þriðjudaginn 24. september í Borgartúni 21. 

Niðurstöður talningar HMS á íbúðum í byggingu í september 2024

Húsnæðis- og mannvirkjastofnun (HMS), The Danish Institute of Fire and Security Technology (DBI) og Samtök iðnaðarins (SI) standa fyrir opnum fundi um brunahólfandi innihurðir miðvikudaginn 25. september kl. 10-12 í Húsi atvinnulífsins í Borgartúni 35.

10:00 - Opnun fundarins. Fundarstjórn: Kristján Daníel Sigurbergsson, viðskiptastjóri á mannvirkjasviði SI

10:10 - Kynning á málefninu: Íslenskt löggjöf um mannvirki og byggingarvörur, hugsanlegar breytingar? Ingvar Gýgjar Sigurðarson og Herdís B. Brynjarsdóttir, HMS

10:25 - Kynning á starfsemi og þjónustu DBI, Anna Louise Petersen, Buisness Area Mananger-Product Optimization & Market Access.
Kynning á brunaprófunum brunahólfandi innihurða hjá DBI, Rikke Bille, team mananger, fire testing

11:10 - Framtíðarsýn HMS, Vegvísir að mótun rannsóknaumhverfis mannvirkjagerðar, Þórunn Sigurðardóttir, HMS

Vinsamlegast athugið að hluti fyrirlestra fer fram á ensku.

Fyrir þá sem ekki komast á fundarstað er hægt að horfa á fundinn í gegnum Zoom.

Opinn fundur um brunahólfandi innihurðir

Umhverfisverðlaun Norðurlandaráðs eru veitt einstaklingum, fyrirtækjum, samtökum eða stofnunum sem hafa stuðlað að sjálfbærari byggingargeira á Norðurlöndunum. Alls eru 70 verkefni tilnefnd, þar af tíu íslensk:

Þóra Margrét Þorgeirsdóttir, Byggjum grænni framtíð, og Hrafnhildur Sif Hrafnsdóttir, Askur mannvirkjarannsóknarsjóður

Verðlaunin verða veitt 28. júní n.k. Nánari upplýsingar má finna á vef Norrænu ráðherranefndarinnar.

Tíu íslensk sjálfbær verkefni í mannvirkjagerð tilnefnd til Umhverfisverðlauna Norðurlandaráðs

Þjónustuflokkar

Þjónustuflokkar

Tíu íslensk sjálfbær verkefni í mannvirkjagerð tilnefnd til Umhverfisverðlauna Norðurlandaráðs

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Rb-blað mánaðarins: Bárujárn

Velta kaupsamninga um atvinnuhúsnæði dróst saman í ágúst

Niðurstöður talningar HMS á íbúðum í byggingu í september 2024

Opinn fundur um brunahólfandi innihurðir

Fleiri fréttir

Rb-blað mánaðarins: Bárujárn

Velta kaupsamninga um atvinnuhúsnæði dróst saman í ágúst

Niðurstöður talningar HMS á íbúðum í byggingu í september 2024

Opinn fundur um brunahólfandi innihurðir