Samkvæmt nýjustu talningu HMS er uppbygging íbúða mest á höfuðborgarsvæðinu þar sem er 69,7% af öllum íbúðum sem eru í byggingu. Flestar íbúðir eru í byggingu í Reykjavík (2.432 íbúðir) næstflestar eru í Hafnarfirði (1.663 íbúðir) þar sem jafnframt hefur átt sé stað mesta aukningin í fjölda íbúða sem teljast í byggingu á milli talninga. Utan höfuðborgarsvæðisins eru flestar íbúðir í byggingu í sveitarfélaginu Árborg (605 íbúðir) og Akureyri (286 íbúðir).

Mikil aukning er á fjölda íbúða þar sem framvinda helst óbreytt á milli talninga. Mest er aukningin á framvindustigi 4. Ef framkvæmdir eru lengi á sama framvindustigi getur það verið vísbending um að hægt hafi verið á framkvæmdum og á það sérstaklega við um framvindustig 1 (jarðvinna hafin), framvindustig 2 (undirstöður tilbúnar) og framvindustig 4 (fokhelt mannvirki) þar sem yfirleitt má vænta þess að framvinda teljist á næsta framvindustigi á þeim 6 mánuðum sem að jafnaði eru á milli talninga. Flestar íbúðirnar með óbreytta framvindu eru á höfuðborgarsvæðinu en á við á öllum landssvæðum.

Samkvæmt spá HMS sem byggir á talningunni þá má vænta þess að samdráttur verði í fullbúnum á næstu árum. Nýja spáin gerir ráð fyrir að 5.657 íbúðir verði fullbúnar í ár og á því næsta á meðan fyrri spá gerði ráð fyrir að þær yrðu 6.375 talsins.