Þann 16. janúar síðastliðinn framkvæmdi HMS endurreikning miðað við nýjar tekjuupplýsingar úr staðgreiðsluskrá Skattsins vegna umsókna um húsnæðisbætur. Samkvæmt lögum um húsnæðisbætur ber HMS að framkvæma endurreikning húsnæðisbóta fjórum sinnum á ári. Umsækjendur munu á næstu dögum fá send bréf með niðurstöðu nýrrar tekjuáætlunar í kjölfar endurreiknings hafi breyting orðið á bótafjárhæð frá síðustu tekjuáætlun.

Ný tekjuáætlun er gerð á grundvelli fyrirliggjandi gagna, þar á meðal upplýsinga úr staðgreiðsluskrá Skattsins og annara forsenda sem hafa áhrif á bótarétt. Umsækjendur eru hvattir til að kynna sér niðurstöður endurreikningsins og er þeim bent á að hafa samband með tölvupósti á netfangið hms@hms.is hafi þeir athugasemdir eða spurningar varðandi nýja tekjuáætlun.