Í sumar náðu starfsstöðvar HMS á Sauðarkróki og Reykjavík 2. skrefinu í verkefninu Græn skref í ríkisrekstri, sem Umhverfisstofnun stýrir af miklum sóma. Þeim áfanga var fagnað í vikunni á báðum stöðum.

Aðgerðirnar í 2. skrefi voru 40 talsins. Þannig samþykkti stjórn HMS umhverfis- og loftslagsstefnu fyrir stofnunina, gerð var innkaupagreining, óskað var eftir upplýsingum frá birgjum um umhverfisvæna valkosti, boðið var upp á fræðslu fyrir starfsfólk um vistakstur, leiðbeiningar voru gerðar um notkun fjarfundaforrita og margt fleira. Við hlökkum mikið til að halda áfram á grænu vegferðinni; stefnt er að því að klára skrefin fimm fyrir næstu áramót.