Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

HMS mun kynna helstu niðurstöður úr fyrirhuguðu fasteignamati fyrir árið 2026 á opnum fundi í Borgartúni 21 miðvikudaginn 20. maí

Á fundinum mun PwC einnig kynna skýrslu um fyrirkomulag fasteignamats og fasteignagjalda á Íslandi og í samanburðarlöndum

Ásdís Kristjánsdóttir bæjarstjóri Kópavogs mun einnig halda erindi á fundinum um tækifæri og áskoranir sveitarfélaga

Helstu niðurstöður úr fyrirhuguðu fasteignamati fyrir árið 2026 verða kynntar á opnum fundi sem haldinn verður í húsakynnum HMS miðvikudaginn 28. maí klukkan 10:00. Fundinum verður einnig streymt á hms.is/streymi.

HMS endurmetur lögum samkvæmt skráð matsverð allra fasteigna á Íslandi árlega og kynnir niðurstöðurnar fyrir öllum sveitarfélögum og eigendum fasteigna. Fyrirhugað fasteignamat mun taka gildi þann 31. desember á þessu ári og verður það notað til að reikna út fasteignagjöld fyrir árið 2026. Þegar fasteignamat verður tilbúið mun það vera aðgengilegt í fasteignaleit HMS.

Á fundinum þann 28. maí mun HMS fara yfir helstu niðurstöður úr fyrirhuguðu fasteignamati eftir tegundum fasteigna og mismunandi matssvæðum landsins. HMS mun einnig fara yfir áhrifaþætti fasteignamats og fyrirhugaðar breytingar á fasteignamati.

Örn Valdimarsson sviðsstjóri ráðgjafarsviðs hjá PwC mun einnig fara yfir nýlega skýrslu sem unnin var fyrir HMS um fyrirkomulag fasteignamats og álagningu fasteignagjalda í alþjóðlegum samanburði. Sömuleiðis mun Ásdís Kristjánsdóttir bæjarstjóri Kópavogsbæjar fara yfir tækifæri og áskoranir sveitarfélaga tengdri álagningu fasteignagjalda.

Fasteignamat 2026 kynnt á opnum fundi 28. maí

Mánaðarskýrsla HMS fyrir maí 2025 er komin út, en hana má nálgast með því að smella á hnappinn hér fyrir neðan. Í skýrslunni kemur meðal annars fram að á fyrsta ársfjórðungi á fasteignamarkaði hefur ungum kaupendum fækkað lítillega.* Á leigumarkaði má greina mun á gerð leigusamninga eftir að óheimilt var að vísitölubinda styttri leigusamninga.

Gogn_manadarskyrsla_mai25.xlsx

Ungum kaupendum fækkar lítillega milli ársfjórðunga

Á fasteignamarkaði voru umsvif á fyrsta ársfjórðungi áþekk því sem þau voru á sama tíma í fyrra. Ungir kaupendur eru einnig álíka margir og þeir voru  á sama tíma í fyrra, en þeir voru 640 í ár, miðað við 630 á fyrsta fjórðungi síðasta árs. Ungum kaupendum fækkar hins vegar lítillega á milli ársfjórðunga, en þeir voru 681 talsins á fjórða ársfjórðungi í fyrra.* 

HMS sendir nú út mánaðarlegar spurningakannanir til fasteignasala þar sem spurt er um viðhorf þeirra til fasteignamarkaðarins. Í fyrstu könnuninni, sem framkvæmd var í byrjun maí, telur meirihluti svarenda að núverandi virkni á fasteignamarkaði sé frekar lítil eða lítil miðað við árstíma.

Minna um vísitölubindingu hjá styttri samningum um markaðsleigu eftir lagabreytingu

Á leigumarkaði má greina mun á gerð leigusamninga eftir að óheimilt var að vísitölubinda styttri leigusamninga með lagabreytingu sem tók gildi í september 2024. Tæpur helmingur styttri samninga á hagnaðardrifnum leigumarkaði var vísitölubundinn fyrir lagabreytingu en um 7% þeirra eru nú bundin við vísitölu.

Húsnæðisbætur hafa hækkað töluvert á síðustu sjö árum, en þó ekki jafnmikið og markaðsleiga. Meðalfjárhæð húsnæðisbóta hækkaði um 63 prósent frá ársbyrjun 2017 til ársbyrjunar 2025, en vísitala leiguverðs hækkaði um 75 prósent á sama tíma.

Á lánamarkaði geta heimili ekki tekið jafnhá lán og þau gátu fyrir þremur árum síðan vegna vaxta og strangari lánþegaskilyrða Seðlabankans. Frá árinu 2022 hefur ný lántaka á hvern kaupsamning minnkað um 45 prósent að raunvirði, þrátt fyrir að fasteignaverð hafi hækkað umfram verðlag.

Ný lántaka á hvern kaupsamning hefur ekki verið minni frá árinu 2016 þrátt fyrir töluverða eftirspurn á fasteignamarkaði sem bendir til þess að eftirspurn sé haldið uppi af efnameiri kaupendum.

Nýbyggingum fækkar lítillega og stöðug uppbygging frá áramótum

Á byggingarmarkaði hafa alls 1.127 nýjar íbúðir verið fullbúnar frá áramótum, sem eru álíka margar íbúðir og á sama tímabili í fyrra. Uppbygging hefur verið stöðug á síðustu mánuðum, sem bendir til þess að nýjar framkvæmdir hefjist á svipuðum hraða og eldri verkefnum er lokið.

*Uppfært kl. 09:51. Vegna reiknivillu kom fram í fyrri útgáfu mánaðarskýrslunnar að ungum kaupendum hafi fækkað meira á fyrsta ársfjórðungi 2025 en rauntölur segja til um. Skýrslan hefur verið uppfærð í samræmi við nýjar tölur, beðist er velvirðingar á mistökunum.

Súðavíkurhreppur hefur bæst við notendahóp umsóknarviðmóts byggingarleyfa hjá HMS. Þetta er mikilvægt skref í þeirri vegferð að samræma og einfalda umsókn og útgáfu byggingarleyfa hjá öllum sveitarfélögum á landinu og stuðla að vandaðri mannvirkjagerð til framtíðar. Með beinu aðgengi að reglulega uppfærðum gögnum um byggingarleyfisumsóknir og afgreiðslu þeirra fæst stórbætt yfirsýn yfir stöðu uppbyggingar á Íslandi. 

Kynntu þér allt um verkefnið Byggingarleyfi á Íslandi allt á einum stað.

Umsóknarviðmót byggingarleyfa í Súðavík komið í loftið

Áætlað er að íbúum fjölgi um 221 manns á næstu 5 árum, sem er fjölgun um 5,3 prósent

Fjöldi íbúða í byggingu í takt við spá um fólksfjölgun

Sveitarfélagið stefnir að úthlutun lóða fyrir 388 íbúðir á næstu 5 árum til að tryggja nægt framboð

Sveitarfélagið Múlaþing hefur staðfest endurskoðaða húsnæðisáætlun fyrir árið 2025. Múlaþing er fjölkjarna sveitarfélag þar sem byggðakjarnarnir eru Egilsstaðir, Seyðisfjörður, Djúpavogur og Borgarfjörður eystri.

Samkvæmt áætluninni er gert ráð fyrir að íbúum sveitarfélagsins muni fjölga um 457 á næstu tíu árum, sem gerir 10,9 prósent aukningu. Til samanburðar hefur íbúum fjölgað um 303 á síðastliðnum 5 árum eða um 6,1 prósent. Gert er ráð fyrir að um 70 prósent af væntanlegri fólksfjölgun verði á Egilsstöðum og um 20 prósent á Djúpavogi, en um 10 prósent fjölgunarinnar dreifist milli Seyðisfjarðar og Borgarfjarðar eystra.

Ný spá sveitarfélagsins gerir ráð fyrir heldur minni vexti en í síðastu spá, en sú spá raungerðist nánast að fullu á síðasta ári því íbúum fjölgaði um 55 manns á meðan spáð var að þeim myndi fjölga um 56 manns.

Þörf fyrir um 22 nýjar íbúðir á ári

Samkvæmt húsnæðisáætluninni er gert ráð fyrir að þörf verði fyrir að meðaltali um 22 nýjar íbúðir á ári, sem jafngildir 108 íbúðum á næstu fimm árum og alls 217 íbúðum yfir tíu ára tímabil. Til samanburðar hefur fjölgun íbúða á síðustu fimm árum verið að meðaltali um 21 íbúð og 16 íbúðir á ári síðastliðin tíu ár. Þörfin er metin mest á Egilsstöðum sem er jafnframt stærsti byggðakjarninn í Múlaþingi, auk þess sem metin er næst mest þörf fyrir að fjölga íbúðum á Djúpavogi.

Fjöldi íbúða sem eru í byggingu dugir til að mæta íbúðaþörf

Samkvæmt nýjustu talningu HMS voru 55 íbúðir í byggingu í mars 2025. Það er 21,4 prósent færri en í síðustu talningu í september 2024 og 16,7 prósent færri en á sama tíma í fyrra. Á myndinni hér að neðan má sjá að mikill meirihluti íbúða í byggingu er á fyrsta matsstigi, sem þýðir að jarðvegsvinna sé hafin og í sumum tilfellum er einnig byrjað á undirstöðum. Flestar íbúðir í byggingu eru staðsettar á Egilstöðum en þó nokkur fjöldi er einnig í byggingu á Seyðisfirði.

Fjöldi íbúða sem nú teljast í byggingu ætti að duga til að mæta þeirri íbúðaþörf sem sveitarfélagið áætlar að verði á næstu tveimur árum ef um eðlilega framvindu í þeim framkvæmdum verður að ræða.

Nægilegt framboð lóða og fjölbreyttar íbúðir markmið Múlaþings

Múlaþing leggur áherslu á að framboð fjölbreyttra búsetukosta sé nægilegt með hliðsjón af þróun og þörf í hverjum þéttbýliskjarna á hverjum tíma. Breytt búsetumynstur og nýir atvinnumöguleikar á svæðinu kalla á reglubundna endurskoðun húsnæðisáætlana, til að tryggja að þær endurspegli raunverulega þörf.

Samkvæmt áætluninni eru allar líkur á að nægilegt framboð byggingahæfra lóða verði til staðar á næsta tímabili húsnæðisáætlunarinnar. Með tilliti til breyttrar fjölskyldustærðar er gert ráð fyrir að um helmingur nýrra íbúða sem byggðar verða á næstu tíu árum verði litlar eða meðalstórar. Á sama tíma er talið mikilvægt að hluti meðalstórra og stærri íbúða verði í par-, rað- og fjölbýlishúsum, í samræmi við óskir íbúa og byggðarmynstur.

Nægt lóðaframboð til að mæta vaxandi íbúðaþörf

Múlaþing hefur nú skipulagt lóðir fyrir 388 íbúðir á næstu 5 árum. Lóðaframboð ætti því að mæta vel áætlaðri íbúðaþörf gangi úthlutunaráætlanir eftir. Af þeim lóðum sem áformað er að úthluta á árinu 2025 eru 65 prósent staðsettar á Egilsstöðum, 21 prósent á Seyðisfirði, 8 prósent á Borgarfirði eystra og 7 prósent á Djúpavogi.

Spáð minni en áframhaldandi vexti í Múlaþingi

Frétt um fasteignamarkaðinn eftir mánuðum og landshlutum fellur niður. 

Frétt um fasteignamarkaðinn eftir landshlutum fellur niður

Þjónustuflokkar

Þjónustuflokkar

Frétt um fasteignamarkaðinn eftir landshlutum fellur niður

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Fasteignamat 2026 kynnt á opnum fundi 28. maí

Mánaðarskýrsla HMS maí 2025

Umsóknarviðmót byggingarleyfa í Súðavík komið í loftið

Spáð minni en áframhaldandi vexti í Múlaþingi

Fleiri fréttir

Fasteignamat 2026 kynnt á opnum fundi 28. maí

Mánaðarskýrsla HMS maí 2025

Umsóknarviðmót byggingarleyfa í Súðavík komið í loftið

Spáð minni en áframhaldandi vexti í Múlaþingi