Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Íslendingar vilja búa í auknum mæli í eigin húsnæði

Fólk býr að jafnaði í stærstu íbúðunum um fimmtugt og fer svo að minnka við sig

Verð skiptir mestu máli við val á húsnæði hjá ungu fólki en fólk eldra en 65 ára leggur höfuðáherslu á eiginleika sem snúa að gæðum og þægindum

HMS kynnti í dag niðurstöður úr nýrri könnun um búsetuþörf Íslendinga þar sem skoðað hvar og hvernig Íslendingar búa í dag og hvernig þeir sjá fyrir sér að búa eftir fimm ár, með tilliti til ýmissa atriða. Einnig var sérstaklega kannað hvaða atriði væru þátttakendum efst í huga við val á húsnæði. 

Niðurstöðurnar voru kynntar á opnum fundi um þróun og framtíðarhorfur íbúðarmarkaðar á höfuðborgarsvæðinu í dag. Upptaka af fundinum er aðgengileg hér. Skýrsla með ítarlegum niðurstöðum könnunarinnar er aðgengileg með því að smella á hnappinn hér að neðan.  

Óskir og væntingar um framtíðarbúsetu

Vilja búa í auknum mæli í eigin húsnæði

Meirihluti Íslendinga býr í eigin húsnæði í dag en greina má vilja hjá öllum aldurshópum til að búa í enn ríkara mæli í eigin húsnæði, þó mestrar aukningar sé að vænta meðal yngstu aldurshópanna. Könnunin nær, líkt og fyrri búsetumælingar HMS, að takmörkuðu leyti til aðfluttra íbúa. Húsnæðisaðstæður þeirra voru þó kannaðar sérstaklega í sumar, þar sem í ljós kom að flestir aðfluttir íbúar búi í leiguhúsnæði, en stefni, líkt og aðrir Íslendingar, á að komast í auknum mæli í eigin húsnæði.

Reykvíkingar líklegastir til að flytja á milli svæða

Ekki er að vænta umfangsmikilla breytinga á búsetudreifingu eftir landshlutum, en um 5% þátttakenda gera ráð fyrir að vera búsett erlendis eftir 5 ár. Stór hluti þeirra er í yngsta aldurshópnum, en algengt er að ungt fólk sæki háskólamenntun erlendis. Einungis um 4% gera ráð fyrir að flytja af landsbyggðinni á höfuðborgarsvæðið, og um 3% gera ráð fyrir að flytja af höfuðborgarsvæðinu út á land á næstu fimm árum.

Reykvíkingar telja sig líklegri en íbúa annarra sveitarfélaga á höfuðborgarsvæðinu og landsbyggðarbúa til að flytja á milli svæða á næstu fimm árum. Innan höfuðborgarsvæðisins er útlit fyrir að sjö vinsælustu hverfin haldi sessi. Miðborgin og Laugardalurinn vaxa mest í vinsældum á kostnað annarra hverfa, en Hlíðarnar stefna í að vera áfram fjölmennasta hverfi Reykjavíkur.

Gera ráð fyrir að minnka við sig um fimmtugt

Hreyfingar milli íbúðategunda eru ólíkar milli aldurshópa. Yngsti aldurshópurinn stefnir að einhverju leyti á að flytja úr sérbýlishúsum foreldra sinna í stærri og minni fjölbýli. Fólk á aldrinum 25-64 ára gerir ráð fyrir að búa í auknum mæli í sérbýli en í minna mæli í fjölbýli. Þegar líður á eldri árin gerir fólk hins vegar ráð fyrir að flytja sig í auknum mæli úr sérbýli í fjölbýli.

Hvað varðar stærð íbúðarhúsnæðis má greina að fólk er alla jafna að stækka við sig með aldri framan af og að fólk búi að jafnaði í stærstu íbúðunum um fimmtugt. Eftir það fer fólk að minnka við sig, bæði hvað varðar fermetrafjölda og herbergjafjölda.

Áhrifaþættir við val á húsnæði eru mismunandi eftir aldurshópum

Talsverður munur er á því hvaða atriði vega þyngst við val á húsnæði eftir aldurshópum. Ungt fólk, sem hefur að jafnaði lægri tekjur og á minna eigið fé en þeir sem eldri eru, telja verð húsnæðis skipta mestu máli á meðan önnur atriði sem varða gæði og meiri þægindi eru neðarlega á lista. Eftir því sem fólk eldist og fjárhagsleg staða þess styrkist fer verð að skipta sífellt minna máli. Fólk eldra en 65 ára leggur höfuðáherslu á eiginleika sem snúa að gæðum og þægindum, líkt og svalir, pall, næg bílastæði og góð birtuskilyrði. Allir aldurshópar telja þó mikilvægt að ástand húsnæðisins sé gott.

HMS greiddi þann 1. desember sl. um 942 milljónir króna í húsnæðisstuðning til leigjenda vegna leigu í nóvember. Þessar greiðslur styðja við þúsundir heimila um land allt og miða að því að draga úr húsnæðiskostnaði efnaminni leigjenda og auka húsnæðisöryggi þeirra.

Í nóvember bárust 886 nýjar umsóknir um húsnæðisbætur. Flestar umsóknir voru vegna leiguhúsnæðis í einkaeigu, eða um 669. Aðrar umsóknir voru 77 vegna húsnæðis í eigu ríkis og sveitarfélaga, auk 117 umsókna vegna námsgarða og 23 vegna sambýla/áfangaheimila.

Húsnæðisstuðningurinn skiptist í tvo meginflokka. Það eru, almennar húsnæðisbætur og sérstakur húsnæðisstuðningur sveitarfélaga.  

Stærsti hluti stuðningsins eru húsnæðisbætur, sem er ætlað að lækka húsnæðiskostnað tekju- og efnaminni leigjenda. HMS greiddi um 916 milljón króna til um 17.472 umsækjenda í almennar húsnæðisbætur vegna leigu í nóvember.

Sérstakur húsnæðisstuðningur fyrir Kópavog og Skagafjörð

HMS greiðir einnig sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Sérstakur húsnæðisstuðningur er á vegum sveitarfélaganna og er ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna. Í nóvember voru greiddar um 26 milljónir króna til um 1.017 umsækjenda í Kópavogi og 87 umsækjenda í Skagafirði.

Tæpar 942 milljónir í húsnæðisstuðning í nóvember

Helmingur umsókna um hlutdeildarlán voru samþykktar í nóvember og var heildarfjárhæð veittra lána um 108 milljónir króna

Lánaframboð fyrstu kaupenda haft áhrif og fjöldi veittra lána farið minnkandi á seinni hluta ársins

Opið er fyrir umsóknir vegna úthlutunar í desember

HMS hefur lokið mánaðarlegri úthlutun hlutdeildarlána fyrir nóvember. Alls bárust 16 umsóknir, og nam heildarfjárhæð þeirra rúmlega 222 milljónum króna. Til úthlutunar voru 333 milljónir króna. Af umsóknum voru 12 þar sem samþykkt kauptilboð lá fyrir.

Að lokinni yfirferð voru 8 umsóknir samþykktar, og nam heildarfjárhæð veittra lána um 108 milljónum króna. Í öllum samþykktum umsóknum nema einni lá fyrir samþykkt kauptilboð.

Hlutdeildarlán eru veitt til kaupa á nýjum íbúðum og standa þau til boða fyrir fyrstu kaupendur og þau sem ekki hafa átt íbúð síðastliðin fimm ár og eru undir tilteknum tekjumörkum. Í forgangi eru umsóknir þar sem staðfest kauptilboð liggur fyrir, auk þess sem miða skal við að á hverju ári verði að minnsta kosti 20% veittra hlutdeildarlána veitt til kaupa á íbúðum utan höfuðborgarsvæðisins. 

Fjöldi og fjárhæðir hlutdeildarlána í nóvember má sjá í töflu hér að neðan.

Í nóvember bárust mun færri umsóknir í samanburði við fyrri mánuði. Í október voru 16 hlutdeildarlán veitt, en í nóvember aðeins 8, sem samsvarar 50% samdrætti milli mánaða. Fækkun í fjölda lána á síðari hluta þessa árs má rekja til þess að fáar íbúðir sem standa tekjuminni fyrstu kaupendum til boða sem raunhæfur kostur og uppfylla hámarksverð íbúða. Einnig hafa breytingar á lánaframboði haft sín áhrif með hærri verðlagningu lána með yfir 50% veðsetningu og þar af leiðandi hærri greiðslubyrði kaupenda auk reglna um hámarksgreiðslubyrðahlutfall.

Opið er fyrir umsóknir fram til 10. desember

Opnað hefur verið fyrir umsóknir um hlutdeildarlán vegna úthlutunar í desember og mun umsóknartímabilið standa til kl. 12:00 þann 10. desember. Til úthlutunar fyrir tímabilið verða 333 milljónir króna. 

Nánari upplýsingar um hlutdeildarlán og umsóknarferlið má finna á Ísland.is

Erfið lánþegaskilyrði fyrstu kaupenda

Þriðjudaginn 9. desember verður haldinn opinn fundur um þróun og framtíðahorfur íbúðamarkaðar á höfuðborgarsvæðinu. Fundurinn verður haldinn hjá HMS, Borgartúni 21 í Reykjavík, kl. 12 og er opinn öllum. Að fundinum standa HMS og Samtök sveitarfélaga á höfuðborgarsvæðinu. 

Á fundinum verður farið yfir stöðu íbúðamarkaðarins og kynntar niðurstöður könnunar sem HMS lét framkvæma meðal almennings um búsetuóskir helstu forgangsatriði þeirra við val á húsnæði. 

Staðan í Reykjavík 
Heiða Björg Hilmisdóttir, borgarstjóri 

Er íbúðauppbygging á höfuðborgarsvæðinu næg 
Elmar Erlendsson, framkvæmdastjóri húsnæðissviðs hjá HMS 

Óskir og væntingar um framtíðarbúsetu 
Kristín Amalía Líndal, hagfræðingur hjá HMS 

Fundarstjóri verður Ásdís Ólafsdóttir, svæðisskipulagsstjóri höfuðborgarsvæðisins. 

Húsið opnar kl. 11:45 og verður boðið upp á léttar veitingar meðan á fundi stendur. Fundargestum er boðið samtal við frummælendur eftir fundinn. 

Við bjóðum öll velkomin á fundinn og hlökkum til að sjá ykkur. 

Húsnæðismarkaðurinn á höfuðborgarsvæðinu – staða og framtíðarsýn

Fasteignamatsskýrsla fyrir árið 2026 er komin út

HMS reiknar árlega fasteignamat fyrir allar fasteignir á Íslandi

Fasteignamat endurspeglar áætlað markaðsvirði fasteigna

Fasteignamatsskýrsla fyrir árið 2026 er komin út. Skýrslan inniheldur útskýringar á öllum reikniaðferðum fyrir fasteignamat 2026. Aðferðirnar skiptast niður í íbúðamat, atvinnumat, sumarhúsamat, markaðsleiðrétt kostnaðarmat og verðflokkamat. Hægt er að nálgast skýrsluna með því að smella á hnappinn hér að neðan.

HMS birtir fasteignamat næsta árs þann 31. maí ár hvert, miðað við áætlað markaðsvirði í síðastliðnum febrúar. Fasteignamat 2026 miðast því við verðlag fasteigna í febrúar 2025 og tekur gildi 31. desember 2025.

Fasteignamat skal vera eins góð nálgun á markaðsvirði eins og fýsilegt er hverju sinni, þó með það til hliðsjónar að vera sanngjarnt og hóflegt. Til þess eru útbúnar reikniaðferðir sem reikna út líklegt markaðsvirði fasteigna en útskýring á aðferðunum má finna í þessari skýrslu.

Fasteignamatsskýrsla fyrir árið 2026 er komin út

Póstlisti HMS

Útgáfuáætlun

Fasteignamatsskýrsla 2026

Póstlisti HMS

Útgáfuáætlun

Fleiri fréttir

Óskir og væntingar um framtíðarbúsetu

Tæpar 942 milljónir í húsnæðisstuðning í nóvember

Erfið lánþegaskilyrði fyrstu kaupenda

Húsnæðismarkaðurinn á höfuðborgarsvæðinu – staða og framtíðarsýn

Fleiri fréttir

Óskir og væntingar um framtíðarbúsetu

Tæpar 942 milljónir í húsnæðisstuðning í nóvember

Erfið lánþegaskilyrði fyrstu kaupenda

Húsnæðismarkaðurinn á höfuðborgarsvæðinu – staða og framtíðarsýn