Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur og lán

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

HMS boðar til fundar um nýsköpun í mannvirkjagerð miðvikudaginn 14. maí klukkan 13:00 - 16:00 í Borgartúni 21. Fundinum verður einnig streymt á hms.is/streymi.

Styrkhafar Asks – mannvirkjarannsóknasjóðs munu kynna verkefni sín á fundinum. Fundurinn er hliðarviðburður á Iceland Innovation Week 2025.

Fjallað verður um hringrás byggingarefna, sjálfbæra hönnun, nýsköpun í byggingarefnum, gæði og orkunýtingu mannvirkja, regnvatnsgryfjur, drenbox og stafræna mannvirkjagerð.

13:00-13:15   Hringrásarhúsið að Frakkastíg 1

Björt Ólafsdóttir, framkvæmdastjóri hjá Iðu

Antonía Bergþórsdóttir, leirkerasmiður hjá FLÆÐI Listfélag

13:30-13:45   Sambýlisform kynslóðanna

Jóhann Sigurðsson, verkefnastjóri hjá Tendra ehf.

13:45-14:00   Híbýlaaður og nýsköpun

Hildur Gunnarsdóttir, arkitekt og skipulagsfulltrúi Hveragerðisbæjar

Perla Dís Kristinsdóttir, arkitekt hjá Basalt arkitektum

14:15-14:30    Nýting sólarorku í íbúðarhúsnæði – rannsóknarverkefni Silfratjörn

Björn Traustason, framkvæmdastjóri hjá Bjargi

14:45-15:00  Icelandic Modular – Sjálfbær og hagnýt íslensk einingarhús

Guðlaug Kristbjörg Kristinsdóttir, framkvæmastjóri Íslensk einingarhús

15:00-15:15   Stórþörungar sem staðgengisefni í byggingariðnaði

15:15-15:45   Hönnun og virkni regnvatnsgryfja og drenbox

Elvar Ingi Jóhannesson, verkfræðingur hjá Örugg verkfræðistofu og í stjórn BIM Ísland

Nýsköpun í mannvirkjagerð 2025 - IIW2025 

Alls voru 166 nýjar lóðir staðfestar í fasteignaskrá í apríl um allt land, þar af 85 íbúðarhúsalóðir, 30 sumarhúsalóðir og 28 atvinnuhúsalóðir

Nýjum íbúðarhúsalóðum fjölguðu úr 24 í mars í 85 í apríl, þar sem flestar voru í Svalbarðsstrandarhreppi eða 41 talsins

Frá áramótum hefur 541 lóð verið nýskráð um land allt, af þeim eru 260 íbúðarhúsalóðir

Alls voru 166 nýjar lóðir staðfestar í fasteignaskrá HMS í apríl og fjölgar þeim um 63 lóðir milli mánaða. Flestar lóðir voru íbúðarhúsalóðir eða alls 85 talsins. Auk þess voru skráðar 30 sumarhúsalóðir og 28 atvinnuhúsalóðir.

Myndin hér að ofan sýnir mánaðarlegar tölur um fjölda nýskráðra lóða eftir öllum flokkum. Lóðir skráðar sem annað land eða einfaldlega lóð voru 15 talsins í apríl, en líklegt er að þessar lóðir breyti um gerð þegar fram líða stundir og verði skráðar sem atvinnu-, sumarhúsa- eða íbúðarlóðir.

Flestar íbúðarhúsalóðir staðfestar í Svalbarðsstrandarhreppi

Flestar nýjar íbúðarhúsalóðir voru staðfestar í Svalbarðsstrandarhreppi eða um 41 talsins, en lokið var við að stofna nýjar byggingarlóðir í Valsárhverfi sem nú rís nyrst í sveitarfélaginu. Þá er að auki mikil uppbygging í Hörgársveit og voru 17 nýjar íbúðarhúsalóðir staðfestar þar.

Flestar sumarhúsalóðir voru staðfestar í Stykkishólmsbæ eða um 10 talsins og næstflestar í Snæfellsbæ eða um 7 talsins.

Brák íbúðafélag hses. hefur lokið við uppbyggingu nýrra leiguíbúða við Lækjargötu 2 á Seyðisfirði sem ætlaðar eru íbúum 60 ára og eldri. Um er að ræða átta íbúða hús á einni hæð með samkomusal í miðrými þar sem áhersla er lögð á félagslegt umhverfi og aðgengi að hentugu húsnæði fyrir eldri íbúa samfélagsins.

Í húsinu verða tvær tveggja herbergja íbúðir, um 54 m² að stærð, fjórar þriggja herbergja íbúðir um 79 m² og tvær fjögurra herbergja íbúðir um 94 m². Brák íbúðafélag hefur auglýst íbúðirnar til leigu á heimasíðu sinni. Áætlað er að afhending fari fram í upphafi næsta mánaðar.

Verkefnið fékk úthlutað stofnframlögum árið 2023 og er fjármagnað með stofnframlögum frá ríkinu og Múlaþingi ásamt sérstöku byggðarframlagi. Sérstaka byggðaframlaginu er ætlað að mæta misvægi á milli byggingarkostnaðar og markaðsverðs og stuðla að uppbyggingu íbúða á kaldari markaðssvæðum þar sem skortur er á leiguíbúðum og uppbygging íbúða hefur verið í lágmarki. Íbúðirnar eru einnig fjármagnaðar með leiguíbúðaláni frá HMS.

Brák íbúðafélag er rekið án hagnaðarsjónarmiða og hefur það að markmiði að tryggja tekjulægri einstaklingum og fjölskyldum öruggt húsnæði til langtímaleigu. Félagið byggir eða kaupir íbúðir, á þær og annast rekstur og viðhald. Í dag eru 35 sveitarfélög aðilar að félaginu og eru rúmlega 300 íbúðir annað hvort komnar í útleigu eða í undirbúningi.

Nýjar íbúðir fyrir aldraða á Seyðisfirði

Spáð er að íbúum fjölgi um 2.688 næstu fimm árin, sem jafngildir um 11,4% fólksfjölgun

Áætlað að þörf verði fyrir 2.000 nýjar íbúðir á næstu 10 árum

Sveitarfélagið stefnir að úthlutun lóða fyrir allt að 3.833 íbúðir til að tryggja nægt framboð nýrra íbúða á næstu árum

Reykjanesbær hefur samþykkt endurskoðaða húsnæðisáætlun fyrir árið 2025. Þar er gert ráð fyrir að íbúum sveitarfélagains muni fjölga um 5.401 manns á næstu tíu árum, sem samsvarar um 23,1% fjölgun. Til samanburðar hefur íbúum fjölgað um 20% á síðustu 5 árum og um 53,5% síðastliðin 10 ár samkvæmt tölum frá Hagstofu Íslands.

Athygli vekur að nærri 29% af allri fólksfjölgun í Reykjanesbæ á síðustu tíu árum átti sér stað á árinu 2022 einu. Þessa miklu fjölgun má að hluta rekja til jarðhræringa og rýminga í Grindavík sem leiddu til búferlaflutninga. Talsvert hefur verið um fólksflutning frá Grindavík yfir í Reykjanesbæ frá því jarðhræringarnar hófust árið 2021.

Þörf fyrir 2.000 nýjar íbúðir á næstu 10 árum

Samkvæmt húsnæðisáætlun Reykjanesbæjar er áætlað að þörf verið fyrir um 215 nýjar íbúðir á ári, eða samtals 1.071 á næstu fimm árum og 2.152 á næstu tíu árum. Uppbygging í sveitarfélaginu hefur verið öflug síðustu ár og fjölgaði fullbúnum íbúðum að meðaltali um 129 á ári ef litið er til síðustu 10 ára en um 151 á ári síðustu fimm árin.

Uppbygging eykst í takt við áætlaða þörf

Samkvæmt nýjustu tölum HMS voru 444 íbúðir í byggingu í Reykjanesbæ í mars 2025, sem er 74 íbúðum fleiri en á sama tíma í fyrra. Myndin hér að neðan sýnir að flestar íbúðir eru á framvindustigi 4 (fokheldi) eða 46,6% allra íbúða í byggingu. Talsverður fjöldi er þó einnig á stigum 2 (undirstöður tilbúnar) og 3 (burðarvirki reist).

Fjöldi íbúða sem nú eru í byggingu dugar til að mæta þeirri þörf sem sveitarfélagið gerir ráð fyrir á næstu tveimur árum.

Reykjanesbær hefur mótað skýra stefnu um fjölbreytta og félagslega ábyrga íbúðauppbyggingu. Markmið stefnunnar er að tryggja öllum íbúum bæjarins öruggt og viðeigandi húsnæði, óháð tekjum, eignaformi eða félagslegri stöðu. Bæjarfélagið styður sérstaklega við uppbyggingu almennra íbúða, það er leiguíbúða sem byggðar eru með opinberum stuðningi og ætlaðar einstaklingum og fjölskyldum sem falla undir ákveðin tekju- og eignamörk. Til að ná því markmiði nýtir Reykjanesbær stofnframlög frá HMS og vinnur í nánu samstarfi við húsnæðissjálfseignarstofnanir, meðal annars Bjarg íbúðafélag.

Auk þess vinnur bæjarfélagið að því að bæta húsnæðisúrræði fyrir viðkvæma hópa. Unnið er að sértækum lausnum fyrir fatlaða, aldraða og heimilislausa, þar á meðal þróun smáhýsa fyrir einstaklinga með fjölþættar þjónustuþarfir.

Til að styðja við áframhaldandi þróun íbúðamarkaðarins og mæta þörfum fjölbreyttra hópa leggur Reykjanesbær sérstaka áherslu á að tryggja nægilegt framboð byggingarlóða. Jafnframt er lögð áhersla á að sníða íbúðasamsetningu að sérstöðu einstakra hverfa og taka mið af væntanlegri fjölgun íbúa. Unnið er að skipulagi nýrra íbúðasvæða í hverfum á borð við Dalshverfi 2 og 3, Ásbrú og Efra Hlíðarhverfi.

Lóðaframboð styður við uppbyggingu næstu 10 ára

Reykjanesbær hefur nú skipulagt lóðir fyrir 3.833 íbúðir á næstu 10 árum sem eru nærri helmingi fleiri íbúðir en áætlað er að þörf verði fyrir. Lóðaframboð ætti því að mæta vel áætlaðri íbúðaþörf gangi mannfjöldaspá og úthlutunaráætlanir sveitarfélagsins eftir.

Uppbygging í takt við mikla fjölgun íbúa í Reykjanesbæ

Að gefnu tilefni vill HMS benda á að við uppsetningu hleðslulausna fyrir rafbíla í „eldra“ húsnæði er nauðsynlegt að öryggi sé tryggt í samræmi við reglur á rafmagnsöryggissviði, bæði með tilliti til hættu á bruna og raflosti. 

Tryggja skal að viðbætur við raflögn rýri ekki öryggi raflagnarinnar sem fyrir er, það á ekki síst við um rafmagnstöfluna og varbúnað í henni

Tryggja skal að raflögnin sem fyrir er rýri ekki öryggi nýju raflagnarinnar

Tryggja skal að varbúnaður og raftaugar þoli breytt og aukið stöðugt álag sem fylgir hleðslu rafbíla 

Á heimilum eru rafbílar langorkufrekasta raftækið og hleðsla þeirra hefur í för með sér töluverða straumnotkun sem af getur stafað hætta sé ekki rétt að málum staðið. Uppsetning raflagna og búnaðar til hleðslu rafbíla skal vera á hendi löggiltra rafverktaka og að verki loknu skulu þeir tilkynna það til HMS (lokatilkynning). 

Ítarlegar upplýsingar um rafmagnsöryggi og rafbíla má nálgast hér.

Eldri raflagnir og brunahætta vegna hleðslu rafbíla

Þjónustuflokkar

Þjónustuflokkar

Eldri raflagnir og brunahætta vegna hleðslu rafbíla

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Nýsköpun í mannvirkjagerð 2025 - IIW2025

166 nýjar lóðir skráðar í apríl

Nýjar íbúðir fyrir aldraða á Seyðisfirði

Uppbygging í takt við mikla fjölgun íbúa í Reykjanesbæ

Fleiri fréttir

Nýsköpun í mannvirkjagerð 2025 - IIW2025

166 nýjar lóðir skráðar í apríl

Nýjar íbúðir fyrir aldraða á Seyðisfirði

Uppbygging í takt við mikla fjölgun íbúa í Reykjanesbæ