Í febrúar voru stofnaðar 197 lóðir í fasteignaskrá sem er metfjöldi frá því í maí 2024 þegar stofnaðar voru 218 lóðir. Flestar lóðir voru íbúðarhúsalóðir eða alls 129 talsins, en ekki hafa fleiri íbúðarhúsalóðir verið skráðar í einum mánuði á síðustu 12 mánuðum. Auk þess voru skráðar 10 sumarhúsalóðir og 31 atvinnuhúsalóð.

Fjöldi ný­­skráðra lóða um allt land eft­­ir mán­uð­um og flokk­um

Myndin hér að ofan sýnir mánaðarlegar tölur um fjölda nýskráðra lóða eftir öllum flokkum. Lóðir skráðar sem annað land eða einfaldlega lóð voru 18 talsins í febrúar, en líklegast er að þessar lóðir breyti um gerð þegar fram líða stundir og verði þá skráðar sem atvinnu-, sumarhúsa- eða íbúðarlóðir.

Flest­ar íbúð­ar­húsa­lóð­ir stað­fest­ar í Kópa­vogi

Flestar nýjar íbúðarhúsalóðir voru staðsettar í Kópavogi, en lokið var við að stofna stóran hluta nýs hverfis á Vatnsenda og voru 67 nýjar íbúðarhúsalóðir stofnaðar þar. Þá er að auki mikil uppbygging í Hagahverfinu á Höfn í Hornafirði og voru 34 nýjar íbúðarhúsalóðir stofnaðar þar.

Flestar atvinnuhúsalóðir voru staðfestar í Borgarbyggð eða um13 talsins. Í Grímsnes- og Grafningshreppi við Álfabyggð voru stofnaðar 10 sumarhúsalóðir og voru þetta einu sumarhúsalóðirnar stofnaðar í febrúar.