Askur - mannvirkjarannsóknasjóður
Askur - mannvirkjarannsóknasjóður
Askur - mannvirkjarannsóknasjóður
Askur - mannvirkjarannsóknasjóður
Önnur styrktækifæri
Önnur styrktækifæri
Ýmis innlend og alþjóðleg tækifæri standa til boða fyrir þá sem vilja sækja um styrki tengda rannsóknum og nýsköpun í mannvirkjageiranum.
Innlendir styrkir
- Rannís veitir yfirsýn yfir helstu sjóði á sviði rannsókna, nýsköpunar, menntunar og menningar, auk evrópskra og norrænna samstarfsáætlana sem styðja fjölbreytt verkefni og rannsóknasamstarf. Einnig má leita að viðeigandi styrkjum í sjóðarleitarvél Rannís.
- Nýsköpunargáttin býður yfirlit yfir stuðningsumhverfi nýsköpunar á Íslandi og getur nýst sem gagnlegur upphafsstaður fyrir þá sem eru að hefja þróunarverkefni eða leita samstarfsaðila.
- Tæknisetur Íslands býður aðgang að sérhæfðum tækjabúnaði og aðstöðu til efnisprófunar og efnagreiningar fyrir mannvirkjagerð.
- Iðan fræðslusetur býður námskeið og fræðslu á sviði bygginga- og mannvirkjagreina og getur veitt aðstoð við þróun fræðsluefnis og námskeiðahald.
- Grænni byggð vinnur að sjálfbærni í mannvirkjagerð með áherslu á rannsóknir, þekkingarsköpun og umhverfisvænar lausnir í byggingargeiranum.
- Skattafrádráttur vegna rannsókna og þróunar er stuðningsleið sem gerir fyrirtækjum kleift að fá frádrátt vegna kostnaðar við eigin rannsókna- og þróunarverkefni. Markmiðið er að hvetja til nýsköpunar í atvinnulífi og efla þróun nýrra lausna og tækni.
Erlendir styrkir
- CET Partnership veitir styrki til verkefna sem þróa hagnýtar lausnir fyrir orkuskipti. Að lágmarki þrír sjálfstæðir lögaðilar frá þremur löndum þurfa að standa að hverju verkefni. Samstarfsaðilar geta meðal annars verið háskólar, fyrirtæki, sveitarfélög, rannsóknarstofnanir og félagasamtök. Markmiðið er að sameina tækni, þekkingu og auðlindir yfir landamæri.
- New European Bauhaus sameinar almenning, sérfræðinga og stofnanir til að efla sjálfbærni í borgum. Framtakið styður falleg og sjálfbær verkefni með tengslamyndun, tilraunavettvangi og aðgangi að fjármögnun frá ESB – án aðgreiningar.
- European Urban Initiative | EUI Sjálfbær þéttbýli Evrópu geta sótt um styrki í gegnum The European Hub for sustainable urban development.
- Horizon Europe styður rannsóknir og nýsköpun á öllum fræðasviðum með það að markmiði að efla vísindaumhverfi, auka samkeppnishæfni og skapa tækifæri fyrir íbúa Evrópu. Umsóknir eru hluti af svokölluðum „köllum“ þar sem óskað er eftir skilgreindum verkefnum í takt við stefnu ESB.
- Funding & Tenders Portal er miðlægur vettvangur Evrópusambandsins þar sem hægt er að skoða opin köll um styrki og verkefnastyrki innan fjölmargra áætlana, þar á meðal Horizon Europe og LIFE. Þar er einnig hægt að sækja um styrki, fylgjast með framvindu umsókna og finna samstarfsaðila að alþjóðlegum verkefnum.
- Driving Urban Transitions styður þróun sjálfbærra lausna fyrir borgir framtíðarinnar. Áhersla er á að skapa nýsköpunarvettvang sem gerir sveitarfélögum, fyrirtækjum og almenningi kleift að umbreyta alþjóðlegri stefnu í staðbundnar aðgerðir sem bæta lífsgæði og stuðla að sjálfbæru borgarsamfélagi.
- LIFE áætlunin er fjármögnunaráætlun Evrópusambandsins sem styður verkefni á sviði umhverfis- og loftslagsmála. Tækifæri eru meðal annars fyrir lögaðila í bygginga- og mannvirkjagerð, viðhaldi, umhverfis- og skipulagsmálum, þar með talið vatnsveitum og úrgangsmálum.
- Enterprise Europe Network á Íslandi veitir gjaldfrjálsa ráðgjöf til fyrirtækja sem vilja þróa nýja tækni, vöru eða þjónustu, finna erlenda framleiðendur, dreifingaraðila eða samstarfsaðila í evrópsk rannsóknarverkefni. Þjónustan er hluti af starfsemi Rannís og styður nýsköpun og alþjóðlegt samstarf.
- Built4People (B4P) er evrópskt samstarf innan Horizon Europe sem miðar að því að hraða nýsköpun í sjálfbærri mannvirkjagerð með velferð íbúa að leiðarljósi. Markmiðið er að stuðla að loftslagshlutlausu, sjálfbæru og snjöllu byggðu umhverfi sem mætir þörfum samfélagsins.
- Eureka Eurostars er stærsta alþjóðlega fjármögnunaráætlunin fyrir lítil og meðalstór fyrirtæki sem vinna að nýstárlegum rannsókna- og þróunarverkefnum með það að markmiði að þróa vörur, ferla eða þjónustu til markaðssetningar.
- Nordic Carbon Neutral Bauhaus er tveggja ára norrænt samstarf sem skoðar hvernig arkitektúr, hönnun og list geta stuðlað að kolefnishlutlausri framtíð með velferð íbúa í fyrirrúmi. Áhersla er lögð á meðal annars sjálfbæra og hringrásarhönnun, félagslega réttlæt græn umskipti, lífmiðaða nálgun og vistkerfislausnir í mannvirkjagerð.