Útgáfa á leiðbeiningum um ljósvist

HMS vekur athygli á opnum kynningarfundi vegna útgáfu nýrra leiðbeininga um bæði ljósvist fyrir skipulagsgerð og ljósvist í byggingarreglugerð, sem verður haldinn 29. maí kl. 10:00-11:15.  

Fundurinn er opinn öllum á meðan húsrúm leyfir og er þess óskað að fólk skrái sig með því að smella á hnappinn hér að neðan. Fundinum verður jafnframt streymt á vefsíðu HMS.  

Nýlegt ákvæði um ljósvist í byggingarreglugerð, kallar á markvissa beitingu skipulags frá upphafi og nýtingu góðra og sannreyndra lausna á öllum stigum ferlisins, frá skipulagi til hönnunar og framkvæmdar. Leiðbeiningunum er ætlað að styðja við innleiðingu nýrra ákvæða í byggingarreglugerð.  

Þýðing ljóss og birtu hefur lengi verið okkur hugleikin. Komið er inn á mikilvægi ljósvistar í grein Bríetar Bjarnhéðinsdóttir „Heilsan“ í Kvennablaðinu árið 1897 og riti Guðmundar Hannessonar Um skipulag bæja árið 1921. Þar endurspeglast gömul sannindi og ný um að gæði ljósvistar eru einn af lykilþáttum í lífsgæðum fólks. 

Dag­­skrá 

Opnun fundar (10:00-10:02) 
Kristján Andri Jóhannsson, fundarstjóri 

Ljósvist og gæði í skipulagi (10:02-10:15) 
Ólafur Árnason, framkvæmdastjóri skipulags- og umhverfismatssviðs hjá HMS 

Leiðbeiningar um ljósvist í skipulagi (10:15-10:30) 
Borghildur Sölvey Sturludóttir, arkitekt í teymi starfsumhverfis skipulags hjá HMS

Leiðbeiningar um ljósvist í byggingarreglugerð (10:30-10:45) 
Elín Þórólfsdóttir, teymisstjóri mannvirki og eftirlit hjá HMS 

Umræður í pallborði (10:45-11:15) 

Anna Sigríður Jóhannsdóttir, dósent í arkitektúr, Listaháskóli Íslands, Auður Dagný Kristinsdóttir, skipulagsfulltrúi Kópavogsbæjar, Jóhanna Klara Stefánsdóttir, sviðsstjóri mannvirkjasviðs Samtök Iðnaðarins, Magnea Þ. Guðmundsdóttir arkitekt Teiknistofan Stika.

Húsið opnar kl. 9:30 og boðið verður upp á hressingu á meðan á fundi stendur.