Þróun og framtíðarhorfur íbúðamarkaðar, bygginga- og skipulagsmála á Vesturlandi

Föstudaginn 13. nóvember halda HMS og Tryggð byggð í samstarfi við SSV opinn fund um þróun og framtíðahorfur íbúðamarkaðar, bygginga og skipulagsmála á Vesturlandi. Fundurinn verður haldinn í Tónlistarskólanum, Dalbraut 1 á Akranesi, kl. 11:45 og er opinn öllum.

Á fundinum verður meðal annars fjallað um atvinnuþróun í landsbyggðunum, stöðuna á íbúðamarkaði og stöðu innleiðingar nýs viðmóts byggingarleyfa og næstu skref við þróun viðmótsins. Einnig það helsta sem er á döfinni í skipulagsmálum, eftirlitsmálum í mannvirkjagerð og tillögum að breytingum ásamt því að farið verður yfir starfsemi slökkviliða.

Dagskrá

Staðan á Akranesi

Sturlaugur Haraldsson, bæjarstjóri Akraneskaupstaðar

Íbúðauppbygging og framtíðarhorfur

Jónas Atli Gunnarsson, hagfræðingur hjá HMS

Mannvirkjaskrá

Unnur Björnsdóttir, teymisstjóri hugbúnaðarþróunar hjá HMS

Skipulagsmál – helst á döfinni

Ólafur Árnason, framkvæmdastjóri skipulags og umhverfismats hjá HMS

Breytt byggingareftirlit og einföldun regluverks

Jörundur Ragnar Blöndal, teymisstjóri öryggis og eftirlits mannvirkja hjá HMS

Fundarstjóri verður Páll Snævar Brynjarsson, framkvæmdastjóri SSV.

Húsið opnar kl. 11:30 og verður boðið upp á léttar veitingar meðan á fundi stendur. Fundargestum er boðið samtal við frummælendur eftir fundinn.

Við bjóðum öll velkomin á fundinn og hlökkum til að sjá ykkur sem flest.