Fram til þessa hefur vantað skýra sýn hversu margar íbúðir þarf að byggja á hverjum tíma á landinu. Í fyrsta sinn hafa ríki og sveitarfélög gert með sér samkomulag um sameiginlega sýn á aðgerðir og umbætur á húsnæðismarkaði til tíu ára, fyrir tímabilið 2023-2032.

Rammasamningur þess efnis verður undirritaður á blaðamannafundi þriðjudaginn 12. júlí kl. 13:00 hjá Húsnæðis- og mannvirkjastofnun (HMS), Borgartúni 21.

Sigurður Ingi Jóhannsson, innviðaráðherra, opnar fundinn. Auk ráðherra undirrita samninginn Aldís Hafsteinsdóttir, formaður Sambands íslenskra sveitarfélaga, og Hermann Jónasson, forstjóri Húsnæðis- og mannvirkjastofnunar (HMS).