Hlutverk útkallsskýrslugrunnsins er að safna saman, í einum miðlægum grunni, upplýsingum um útköll slökkviliðanna á samræmdan hátt. Með því er hægt að vinna tölfræðilegar upplýsingar um störf slökkviliðanna sem slökkviliðin geta síðan nýtt sér til að skipuleggja störf sín og þannig bætt þjónustu sína við almenning.

Í skýrslurnar eru skráðar upplýsingar um orsakir eldsvoða, slysa og aðgerðir slökkviliða. Skýrslurnar eru geymdar í miðlægum gagnagrunni Húsnæðis- og mannvirkjastofnunar. Hvert slökkvilið hefur aðgang að eigin skýrslum en Húsnæðis- og mannvirkjastofnun hefur aðgang að grunninum öllum.

Í handbók fyrir notendur gagnagrunnsins er að finna skýringar á uppbyggingu grunnsins og einstökum liðum. Vinsamlega hafið samband við Húsnæðis- og mannvirkjastofnun ef nánari skýringa er þörf.